Read in తెలుగు / ಕನ್ನಡ / தமிழ் / देवनागरी / English (IAST)
[ dvitīyō:’dhyāyaḥ – tr̥tīyō:’dhyāyaḥ – caturthō:’dhyāyaḥ ]
śrīśuka uvāca –
tadā dēvarṣigandharvā brahmēśānapurōgamāḥ |
mumucuḥ kusumāsāraṁ śaṁsantaḥ karma taddharēḥ || 1 ||
nēdurdundubhayō divyā gandharvā nanr̥turjaguḥ |
r̥ṣayaścāraṇāḥ siddhāstuṣṭuvuḥ puruṣōttamam || 2 ||
yō:’sau grāhaḥ sa vai sadyaḥ paramāścaryarūpadhr̥k |
muktō dēvalaśāpēna hūhūgandharvasattamaḥ || 3 ||
praṇamya śirasādhīśamuttamaślōkamavyayam |
agāyata yaśōdhāma kīrtanyaguṇasatkatham || 4 ||
sō:’nukampita īśēna parikramya praṇamya tam |
lōkasya paśyatō lōkaṁ svamāgānmuktakilbiṣaḥ || 5 ||
gajēndrō bhagavatsparśādvimuktō:’jñānabandhanāt |
prāptō bhagavatō rūpaṁ pītavāsāścaturbhujaḥ || 6 ||
sa vai pūrvamabhūdrājā pāṇḍyō draviḍasattamaḥ |
indradyumna iti khyātō viṣṇuvrataparāyaṇaḥ || 7 ||
sa ēkadā:’:’rādhanakāla ātmavān
gr̥hītamaunavratamīśvaraṁ harim |
jaṭādharastāpasa āplutō:’cyuta-
-stamarcayāmāsa kulācalāśramaḥ || 8 ||
yadr̥cchayā tatra mahāyaśā muniḥ
samāgamacchiṣyagaṇaiḥ pariśritaḥ |
taṁ vīkṣya tūṣṇīmakr̥tārhaṇādikaṁ
rahasyupāsīnamr̥ṣiścukōpa ha || 9 ||
tasmā imaṁ śāpamadādasādhu-
-rayaṁ durātmā:’kr̥tabuddhiratra |
viprāvamantā viśatāṁ tamisraṁ
yathā gajaḥ stabdhamatiḥ sa ēva || 10 ||
śrīśuka uvāca –
ēvaṁ śaptvā gatō:’gastyō bhagavān nr̥pa sānugaḥ |
indradyumnō:’pi rājarṣirdiṣṭaṁ tadupadhārayan || 11 ||
āpannaḥ kauñjarīṁ yōnimātmasmr̥tivināśinīm |
haryarcanānubhāvēna yadgajatvē:’pyanusmr̥tiḥ || 12 ||
ēvaṁ vimōkṣya gajayūthapamabjanābha-
-stēnāpi pāriṣadatāṁ gamitēna yuktaḥ |
gandharvasiddhavibudhairanugīyamāna
karmā:’dbhutaṁ svabhuvanaṁ garuḍāsanō:’gāt || 13 ||
ēvaṁ mahārāja tavēritō mayā
kr̥ṣṇānubhāvō gajarājamōkṣaṇam |
svargyaṁ yaśasyaṁ kalikalmaṣāpahaṁ
duḥsvapnanāśaṁ kuruvarya śr̥ṇvatām || 14 ||
athānukīrtayantyētacchrēyaskāmā dvijātayaḥ |
śucayaḥ prātarutthāya duḥsvapnādyupaśāntayē || 15 ||
idamāha hariḥ prītō gajēndraṁ kurusattama |
śr̥ṇvatāṁ sarvabhūtānāṁ sarvabhūtamayō vibhuḥ || 16 ||
śrībhagavānuvāca –
yē māṁ tvāṁ ca saraścēdaṁ girikandarakānanam |
vētra kīcaka vēṇūnāṁ gulmāni surapādapān || 17 ||
śr̥ṅgāṇīmāni dhiṣṇyāni brahmaṇō mē śivasya ca |
kṣīrōdaṁ mē priyaṁ dhāma śvētadvīpaṁ ca bhāsvaram || 18 ||
śrīvatsaṁ kaustubhaṁ mālāṁ gadāṁ kaumōdakīṁ mama |
sudarśanaṁ pāñcajanyaṁ suparṇaṁ patagēśvaram || 19 ||
śēṣaṁ ca matkalāṁ sūkṣmāṁ śriyaṁ dēvīṁ madāśrayām |
brahmāṇaṁ nāradamr̥ṣiṁ dhr̥vaṁ prahlādamēva ca || 20 ||
matsyakūrmavarāhādyairavatāraiḥ kr̥tāni mē |
karmāṇyanantapuṇyāni sūryaṁ sōmaṁ hutāśanam || 21 ||
praṇavaṁ satyamavyaktaṁ gōviprāndharmamavyayam |
dākṣāyaṇīṁ dharmapatnīṁ sōmakaśyapayōrapi || 22 ||
gaṅgāṁ sarasvatīṁ nandāṁ kālindīṁ sitavāraṇām |
dhruvaṁ brahmar̥ṣīnsapta puṇyaślōkāṁśca mānavān || 23 ||
utthāyāpararātrāṁ tē prayatāḥ susamāhitāḥ |
smaranti mama rūpāṇi mucyantē tē:’ṁhasō:’khilāt || 24 ||
yē māṁ stuvantyanēnāṅga pratibuddhya niśātyayē |
tēṣāṁ prāṇātyayē cāhaṁ dadāmi vipulāṁ matim || 25 ||
śrīśuka uvāca –
ityādiśya hr̥ṣīkēśaḥ prādhmāya jalajōttamam |
harṣayanvibudhānīkamārurōha khagādhipam || 26 ||
rājannuditamē tattē harēḥ karmāghanāśanam |
gajēndramōkṣaṇaṁ divyaṁ raivataṁ tvantaraṁ śr̥ṇu || 27 ||
iti śrīmadbhāgavatē mahāpurāṇē aṣṭamaskandhē caturthō:’dhyāyaḥ || 4 ||
[ dvitīyō:’dhyāyaḥ – tr̥tīyō:’dhyāyaḥ – caturthō:’dhyāyaḥ ]
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
