Read in తెలుగు / ಕನ್ನಡ / தமிழ் / देवनागरी / English (IAST)
sudhāsamudrō jagatāṁ trayāṇāṁ
chatrībhavan mañjutaraṅgaphēnaḥ |
savālukāśaṅkhavicitraratnaḥ
satārakavyōmasamō vibhāti || 39-1 ||
tanmadhyadēśē vimalaṁ maṇidvī-
-pākhyāṁ padaṁ dēvi virājatē tē |
yaducyatē saṁsr̥tināśakāri
sarvōttaraṁ pāvanapāvanaṁ ca || 39-2 ||
tatrāstyayōdhātumayō manōjñaḥ
sālō mahāsāramayastataśca |
ēvaṁ ca tāmrādimayāḥ kilāṣṭā-
-daśāticitrā varaṇā lasanti || 39-3 ||
tairāvr̥taṁ tē padamadvitīyaṁ
vibhāti cintāmaṇisadma dēvi |
santyatra satstambhasahasraramya-
-śr̥ṅgāramuktyādikamaṇḍapāśca || 39-4 ||
brahmāṇḍakōṭīḥ sukhamāvasanta
upāsakāstē manujāḥ surāśca |
daityāśca siddhāśca tathētarē ca
yadantatō yānti padaṁ tadētat || 39-5 ||
tvaṁ maṇḍapasthā bahuśaktiyuktā
śr̥ṇōṣi dēvīkalagītakāni |
jñānaṁ vimuktiṁ ca dadāsi lōka-
-rakṣāmajasraṁ kuruṣē ca dēvi || 39-6 ||
mañcō:’sti cintāmaṇigēhatastē
brahmā harī rudra ihēśvaraśca |
khurā bhavantyasya sadāśivastu
virājatē satphalakatvamāptaḥ || 39-7 ||
tasyōpari śrībhuvanēśvari tvaṁ
sarvēśa vāmāṅkatalē niṣaṇṇā |
caturbhujā bhūṣaṇabhūṣitāṅgī
nirvyājakāruṇyavatī vibhāsi || 39-8 ||
pratikṣaṇaṁ kārayasi tvamicchā-
-jñānakriyāśaktisamanvitā:’tra |
trimūrtibhiḥ śaktisahasrayuktā
brahmāṇḍasargasthitisaṁhr̥tīśca || 39-9 ||
sā tvaṁ hi vācāṁ manasō:’pyagamyā
vicitrarūpā:’si sadā:’pyarūpā |
puraḥ satāṁ sannihitā kr̥pārdrā
sadā maṇidvīpanivāsinī ca || 39-10 ||
mātarmadantaḥkaraṇē niṣaṇṇā
vidyāmayaṁ māṁ kuru bandhamuktam |
bandhaṁ ca mōkṣaṁ ca dadāsyasaktā
dāsō:’smi tē dēvi namō namastē || 39-11 ||
catvāriṁśa daśakam (40) – prārthanā >>
See dēvī nārāyaṇīyam for chanting.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
