Read in తెలుగు / ಕನ್ನಡ / தமிழ் / देवनागरी / English (IAST)
prahlāda prabhurasti cēttava hariḥ sarvatra mē darśaya
stambhē cainamiti bruvantamasuraṁ tatrāvirāsīddhariḥ |
vakṣastasya vidārayannijanakhairvātsalyamāvēdaya-
-nnārtatrāṇaparāyaṇaḥ sa bhagavān nārāyaṇō mē gatiḥ || 1 ||
śrīrāmātra vibhīṣaṇō:’yamadhunā tvārtō bhayādāgataḥ
sugrīvānaya pālayē:’hamadhunā paulastyamēvāgatam |
ēvaṁ yō:’bhayamasya sarvaviditaṁ laṅkādhipatyaṁ dadā-
-vārtatrāṇaparāyaṇaḥ sa bhagavān nārāyaṇō mē gatiḥ || 2 ||
nakragrastapadaṁ samudyatakaraṁ brahmēśa dēvēśa māṁ
pāhīti pracurārtarāvakariṇaṁ dēvēśa śaktīśa ca |
mā śōcēti rarakṣa nakravadanāñcakraśriyā tatkṣaṇā-
-dārtatrāṇaparāyaṇaḥ sa bhagavān nārāyaṇō mē gatiḥ || 3 ||
hā kr̥ṣṇācyuta hā kr̥pājalanidhē hā pāṇḍavānāṁ gatē
kvāsi kvāsi suyōdhanādavagatāṁ hā rakṣa māṁ draupadīm |
ityuktō:’kṣayavastrarakṣitatanuṁ yōrakṣadāpadgaṇā-
-dārtatrāṇaparāyaṇaḥ sa bhagavān nārāyaṇō mē gatiḥ || 4 ||
yatpādābjanakhōdakaṁ trijagatāṁ pāpaughavidhvasanaṁ
yannāmāmr̥tapūraṇaṁ ca pibatāṁ santāpasaṁhārakam |
pāṣāṇaśca yadaṅghritō nijavadhūrūpaṁ munērāptavā-
-nārtatrāṇaparāyaṇaḥ sa bhagavān nārāyaṇō mē gatiḥ || 5 ||
yannāmaśrutimātratō:’parimitaṁ saṁsāravārānnidhiṁ
tyaktvā gacchati durjanō:’pi paramaṁ viṣṇōḥ padaṁ śāśvatam |
tannaivādbhutakāraṇaṁ trijagatāṁ nāthasya dāsō:’smyaha-
-mārtatrāṇaparāyaṇaḥ sa bhagavān nārāyaṇō mē gatiḥ || 6 ||
pitrā bhrātaramuttamāṅkagamitaṁ bhaktōttamaṁ yō dhruvaṁ
dr̥ṣṭvā tatsamamārurukṣumuditaṁ mātrāvamānaṁ gatam |
yō:’dāt taṁ śaraṇāgataṁ tu tapasā hēmādrisiṁhāsanaṁ
hyārtatrāṇaparāyaṇaḥ sa bhagavān nārāyaṇō mē gatiḥ || 7 ||
nāthēti śrutayō na tattvamatayō ghōṣasthitā gōpikā
jāriṇyaḥ kulajātidharmavimukhā adhyātmabhāvaṁ yayuḥ |
bhaktiryasya dadāti muktimatulāṁ jārasya yaḥ sadgati-
-rhyārtatrāṇaparāyaṇaḥ sa bhagavān nārāyaṇō mē gatiḥ || 8 ||
kṣuttr̥ṣṇārtasahasraśiṣyasahitaṁ durvāsasaṁ kṣōbhitaṁ
draupadyā bhayabhaktiyuktamanasā śākaṁ svahastārpitam |
bhuktvā tarpayadātmavr̥ttimakhilāmāvēdayan yaḥ pumā-
-nārtatrāṇaparāyaṇaḥ sa bhagavān nārāyaṇō mē gatiḥ || 9 ||
yēnārākṣi raghūttamēna jaladhēstīrē daśāsyānuja-
-stvāyātaṁ śaraṇaṁ raghūttama vibhō rakṣāturaṁ māmiti |
paulastyēna nirākr̥tō:’tha sadasi bhrātrā ca laṅkāpurē
hyārtatrāṇaparāyaṇaḥ sa bhagavān nārāyaṇō mē gatiḥ || 10 ||
yēnāvāhi mahāhavē vasumatī saṁvartakālē mahā-
-līlākrōḍavapurdharēṇa hariṇā nārāyaṇēna svayam |
yaḥ pāpidrumasampravartamacirāddhattvā ca yō:’gāt priyā-
-mārtatrāṇaparāyaṇaḥ sa bhagavān nārāyaṇō mē gatiḥ || 11 ||
yōddhāsau bhuvanatrayē madhupatirbhartā narāṇāṁ balē
rādhāyā akarōdratē ratimanaḥpūrtiṁ surēndrānujaḥ |
yō vā rakṣati dīnapāṇḍutanayānnāthēti bhītiṁ gatā-
-nārtatrāṇaparāyaṇaḥ sa bhagavān nārāyaṇō mē gatiḥ || 12 ||
yaḥ sāndīpinidēśataśca tanayaṁ lōkāntarāt sannataṁ
cānīya pratipādya putramaraṇādujjr̥mbhamāṇārtayē |
santōṣaṁ janayannamēyamahimā putrārthasampādanā-
-dārtatrāṇaparāyaṇaḥ sa bhagavān nārāyaṇō mē gatiḥ || 13 ||
yannāmasmaraṇādaghaughasahitō vipraḥ purā:’jāmilaḥ
prāṇānmuktimaśēṣitāmanu ca yaḥ pāpaughatāpārtiyuk |
sadyō bhāgavatōttamātmani matiṁ prāpāmbarīṣābhidha-
-ścārtatrāṇaparāyaṇaḥ sa bhagavān nārāyaṇō mē gatiḥ || 14 ||
yōrakṣadvasanādinityarahitaṁ vipraṁ kucailābhidhaṁ
dīnādīnacakōrapālanaparaḥ śrīśaṅkhacakrōjjvalaḥ |
tajjīrṇāmbaramuṣṭipātrapr̥thukānādāya bhuktvā kṣaṇā-
-dārtatrāṇaparāyaṇaḥ sa bhagavān nārāyaṇō mē gatiḥ || 15 ||
yatkalyāṇaguṇābhirāmamamalaṁ mantrāṇi saṁśikṣatē
yatsaṁśētipatipratiṣṭhitamidaṁ viśvaṁ vadatyāgamaḥ |
yō yōgīndramanaḥsarōruhatamaḥpradhvaṁsavidbhānumā-
-nārtatrāṇaparāyaṇaḥ sa bhagavān nārāyaṇō mē gatiḥ || 16 ||
kālindīhr̥dayābhirāmapulinē puṇyē jaganmaṅgalē
candrāmbhōjavaṭē puṭē parisarē dhātrā samārādhitē |
śrīraṅgē bhujagēndrabhōgaśayanē śētē sadā yaḥ pumā-
-nārtatrāṇaparāyaṇaḥ sa bhagavān nārāyaṇō mē gatiḥ || 17 ||
vātsalyādabhayapradānasamayādārtārtinirvāpaṇā-
-daudāryādaghaśōṣaṇādagaṇitaśrēyaḥ padaprāpaṇāt |
sēvyaḥśrīpatirēva sarvajagatāmētē hi tatsākṣiṇaḥ
prahlādaśca vibhīṣaṇaśca karirāṭ pāñcālyahalyādhruvaḥ || 18 ||
iti śrīmacchaṅkarācārya viracitaṁ śrī ārtatrāṇaparāyaṇa nārāyaṇa stōtram ||
See more śrī viṣṇu stōtrāṇi for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
Share this:
One thought on “Artatrana Parayana Narayana Stotram – śrī ārtatrāṇaparāyaṇa nārāyaṇa stōtram”
Leave a Reply
You must be logged in to post a comment.
After 5 th sloka it is different