Read in తెలుగు / ಕನ್ನಡ / தமிழ் / देवनागरी / English (IAST)
త్వమేవ మూలప్రకృతిస్త్వమాత్మా
త్వమస్యరూపా బహురూపిణీ చ |
దుర్గా చ రాధా కమలా చ సావి-
-త్ర్యాఖ్యా సరస్వత్యపి చ త్వమేవ || ౩౬-౧ ||
దుర్గా జగద్దుర్గతినాశినీ త్వం
శ్రీకృష్ణలీలారసికాఽసి రాధా |
శోభాస్వరూపాఽసి గృహాదిషు శ్రీ-
-ర్విద్యాస్వరూపాఽసి సరస్వతీ చ || ౩౬-౨ ||
సరస్వతీ హా గురుశాపనష్టాం
త్వం యాజ్ఞవల్క్యాయ దదాథ విద్యామ్ |
త్వామేవ వాణీకవచం జపంతః
ప్రసాధ్య విద్యాం బహవోఽధిజగ్ముః || ౩౬-౩ ||
త్వం దేవి సావిత్ర్యభిధాం దధాసి
ప్రసాదతస్తే ఖలు వేదమాతుః |
లేభే నృపాలోఽశ్వపతిస్తనూజాం
నామ్నా చ సావిత్ర్యభవత్కిలైషా || ౩౬-౪ ||
సా సత్యవంతం మృతమాత్మకాంత-
-మాజీవయంతీ శ్వశురం విధాయ |
దూరీకృతాంధ్యం తనయానసూత
యమాద్గురోరాప చ ధర్మశాస్త్రమ్ || ౩౬-౫ ||
స్కందస్య పత్నీ ఖలు బాలకాధి-
-ష్ఠాత్రి చ షష్ఠీతి జగత్ప్రసిద్ధా |
త్వం దేవసేనా ధనదాఽధనానా-
-మపుత్రిణాం పుత్రసుఖం దదాసి || ౩౬-౬ ||
సత్కర్మలబ్ధే తనయే మృతే తు
ప్రియవ్రతోఽదూయత భక్తవర్యః |
తం జీవయిత్వా మృతమస్య దత్వా
స్వభక్తవాత్సల్యమదర్శయస్త్వమ్ || ౩౬-౭ ||
త్వమేవ గంగా తులసీ ధరా చ
స్వాహా స్వధా త్వం సురభిశ్చ దేవి |
త్వం దక్షిణా కృష్ణమయీ చ రాధా
దధాసి రాధామయకృష్ణతాం చ || ౩౬-౮ ||
త్వం గ్రామదేవీ నగరాధిదేవీ
వనాధిదేవీ గృహదేవతా చ |
సంపూజ్యతే భక్తజనైశ్చ యా యా
సా సా త్వమేవాసి మహానుభావే || ౩౬-౯ ||
యద్యచ్ఛ్రుతం దృష్టమపి స్మృతం చ
తత్తత్త్వదీయం హి కలాంశజాలమ్ |
న కించనాస్త్యేవ శివే త్వదన్య-
-ద్భూయోఽపి మూలప్రకృతే నమస్తే || ౩౬-౧౦ ||
సప్తత్రింశ దశకమ్ (౩౭)- విష్ణుమహత్త్వమ్ >>
సంపూర్ణ దేవీ నారాయణీయం (41 దశకాలు) చూడండి.
గమనిక (15-May) : "శ్రీ దక్షిణామూర్తి స్తోత్రనిధి" ప్రింటింగు పూర్తి అయినది. కొనుగోలు చేయుటకు ఈ లింకు క్లిక్ చేయండి - Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
