Devi Narayaniyam Dasakam 36 – ஷட்த்ரிம்ஶ த³ஶகம் (36) – மூலப்ரக்ருதிமஹிமா


த்வமேவ மூலப்ரக்ருதிஸ்த்வமாத்மா
த்வமஸ்யரூபா ப³ஹுரூபிணீ ச ।
து³ர்கா³ ச ராதா⁴ கமலா ச ஸாவி-
-த்ர்யாக்²யா ஸரஸ்வத்யபி ச த்வமேவ ॥ 36-1 ॥

து³ர்கா³ ஜக³த்³து³ர்க³திநாஶிநீ த்வம்
ஶ்ரீக்ருஷ்ணலீலாரஸிகா(அ)ஸி ராதா⁴ ।
ஶோபா⁴ஸ்வரூபா(அ)ஸி க்³ருஹாதி³ஷு ஶ்ரீ-
-ர்வித்³யாஸ்வரூபா(அ)ஸி ஸரஸ்வதீ ச ॥ 36-2 ॥

ஸரஸ்வதீ ஹா கு³ருஶாபநஷ்டாம்
த்வம் யாஜ்ஞவல்க்யாய த³தா³த² வித்³யாம் ।
த்வாமேவ வாணீகவசம் ஜபந்த꞉
ப்ரஸாத்⁴ய வித்³யாம் ப³ஹவோ(அ)தி⁴ஜக்³மு꞉ ॥ 36-3 ॥

த்வம் தே³வி ஸாவித்ர்யபி⁴தா⁴ம் த³தா⁴ஸி
ப்ரஸாத³தஸ்தே க²லு வேத³மாது꞉ ।
லேபே⁴ ந்ருபாலோ(அ)ஶ்வபதிஸ்தநூஜாம்
நாம்நா ச ஸாவித்ர்யப⁴வத்கிலைஷா ॥ 36-4 ॥

ஸா ஸத்யவந்தம் ம்ருதமாத்மகாந்த-
-மாஜீவயந்தீ ஶ்வஶுரம் விதா⁴ய ।
தூ³ரீக்ருதாந்த்⁴யம் தநயாநஸூத
யமாத்³கு³ரோராப ச த⁴ர்மஶாஸ்த்ரம் ॥ 36-5 ॥

ஸ்கந்த³ஸ்ய பத்நீ க²லு பா³லகாதி⁴-
-ஷ்டா²த்ரி ச ஷஷ்டீ²தி ஜக³த்ப்ரஸித்³தா⁴ ।
த்வம் தே³வஸேநா த⁴நதா³(அ)த⁴நாநா-
-மபுத்ரிணாம் புத்ரஸுக²ம் த³தா³ஸி ॥ 36-6 ॥

ஸத்கர்மலப்³தே⁴ தநயே ம்ருதே து
ப்ரியவ்ரதோ(அ)தூ³யத ப⁴க்தவர்ய꞉ ।
தம் ஜீவயித்வா ம்ருதமஸ்ய த³த்வா
ஸ்வப⁴க்தவாத்ஸல்யமத³ர்ஶயஸ்த்வம் ॥ 36-7 ॥

த்வமேவ க³ங்கா³ துலஸீ த⁴ரா ச
ஸ்வாஹா ஸ்வதா⁴ த்வம் ஸுரபி⁴ஶ்ச தே³வி ।
த்வம் த³க்ஷிணா க்ருஷ்ணமயீ ச ராதா⁴
த³தா⁴ஸி ராதா⁴மயக்ருஷ்ணதாம் ச ॥ 36-8 ॥

த்வம் க்³ராமதே³வீ நக³ராதி⁴தே³வீ
வநாதி⁴தே³வீ க்³ருஹதே³வதா ச ।
ஸம்பூஜ்யதே ப⁴க்தஜநைஶ்ச யா யா
ஸா ஸா த்வமேவாஸி மஹாநுபா⁴வே ॥ 36-9 ॥

யத்³யச்ச்²ருதம் த்³ருஷ்டமபி ஸ்ம்ருதம் ச
தத்தத்த்வதீ³யம் ஹி கலாம்ஶஜாலம் ।
ந கிஞ்சநாஸ்த்யேவ ஶிவே த்வத³ந்ய-
-த்³பூ⁴யோ(அ)பி மூலப்ரக்ருதே நமஸ்தே ॥ 36-10 ॥

ஸப்தத்ரிம்ஶ த³ஶகம் (37)- விஷ்ணுமஹத்த்வம் >>


ஸம்பூர்ண தே³வீ நாராயணீயம் பார்க்க.


గమనిక : "శ్రీ దత్తాత్రేయ స్తోత్రనిధి" పుస్తకము ముద్రణ చేయబోతున్నాము.

Did you see any mistake/variation in the content above? Click here to report mistakes and corrections in Stotranidhi content.

Facebook Comments
error: Not allowed