Read in తెలుగు / ಕನ್ನಡ / தமிழ் / देवनागरी / English (IAST)
హాలాహలాఖ్యానసురాన్ పురా తు
నిజఘ్నతుర్విష్ణుహరౌ రణాంతే |
స్వేనైవ వీర్యేణ జయోఽయమేవం
తౌ మోహితౌ దర్పమవాపతుశ్చ || ౨౮-౧ ||
తతో విధిస్తౌ తరువద్విచేష్టౌ
తేజోవిహీనావభివీక్ష్య భీతః |
నిమీలితాక్షః సకలం విచింత్య
జానన్ సుతాన్ దక్షముఖానువాచ || ౨౮-౨ ||
పుత్రా హరిం పశ్యత ధూర్జటిం చ
యౌ నష్టశక్తీ ఖలు శక్తికోపాత్ |
తతో జగద్భారయుతోఽస్మి యూయం
శక్తిం తపోభిః కురుత ప్రసన్నామ్ || ౨౮-౩ ||
శక్తేః ప్రసాదేన హి పూర్వవత్తౌ
స్యాతాం యశోవృద్ధిరనేన వః స్యాత్ |
శక్తిశ్చ యత్రావతరత్యమోఘ-
-మేతత్కులం యాతి కృతార్థతాం చ || ౨౮-౪ ||
శక్తేః కటాక్షైర్జగతోఽస్తు భద్ర-
-మేవం నిశమ్యాఽఽశు హిమాద్రిమేత్య |
దక్షాదయో ధ్యానజపాదిభిస్త్వా-
-మారాధ్య భక్త్యాఽబ్దశతాని నిన్యుః || ౨౮-౫ ||
దృష్టా పురస్తైస్తు నుతా త్వమాత్థ
భీత్యాలమార్త్యా చ హితం దదామి |
గౌరీ చ లక్ష్మీశ్చ మమైవ శక్తీ
తే శంభవే ప్రాగ్ హరయే చ దత్తే || ౨౮-౬ ||
తౌ శక్తిసాహాయ్యత ఏవ దైత్యా-
-న్నిజఘ్నతుః సత్యమిదం తు తాభ్యామ్ |
హా విస్మృతం శక్త్యవమానదోషా-
-ద్వినష్టశక్తీ ఖలు తావభూతామ్ || ౨౮-౭ ||
తౌ పూర్వవత్ స్తామిహ శక్తిరేకా
జాయేత దక్షస్య కులే మదీయా |
క్షీరాబ్ధితోఽన్యా చ పురారిరాద్యాం
గృహ్ణాతు పశ్చాదితరాం చ విష్ణుః || ౨౮-౮ ||
సర్వే స్వశక్తిం పరిపూజ్య మాయా-
-బీజాదిమంత్రాన్విధివజ్జపంతః |
విరాట్స్వరూపం మమ రూపమేత-
-త్సచ్చిత్స్వరూపం చ సదా స్మరేత || ౨౮-౯ ||
ప్రయాత తుష్టా జగతాం శుభం స్యా-
-దేవం త్వమాభాష్య తిరోదధాథ |
కారుణ్యతస్తే గిరిశో హరిశ్చ
శక్తావభూతాం నిజకర్మ కర్తుమ్ || ౨౮-౧౦ ||
మాతః కటాక్షా మయీ తే పతంతు
మా మాఽస్తు మే శక్త్యవమానపాపమ్ |
సర్వాన్ స్వధర్మాన్ కరవాణ్యభీతో
భద్రం మమ స్యాత్సతతం నమస్తే || ౨౮-౧౧ ||
ఏకోనత్రింశ దశకమ్ (౨౯) – దేవీపీఠోత్పత్తిః >>
సంపూర్ణ దేవీ నారాయణీయం (41 దశకాలు) చూడండి.
గమనిక (15-May) : "శ్రీ దక్షిణామూర్తి స్తోత్రనిధి" ప్రింటింగు పూర్తి అయినది. కొనుగోలు చేయుటకు ఈ లింకు క్లిక్ చేయండి - Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
