Devi Narayaniyam Dasakam 28 – அஷ்டாவிம்ஶ த³ஶகம் (28) – ஶக்த்யவமாநதோ³ஷம்


ஹாலாஹலாக்²யாநஸுராந் புரா து
நிஜக்⁴நதுர்விஷ்ணுஹரௌ ரணாந்தே ।
ஸ்வேநைவ வீர்யேண ஜயோ(அ)யமேவம்
தௌ மோஹிதௌ த³ர்பமவாபதுஶ்ச ॥ 28-1 ॥

ததோ விதி⁴ஸ்தௌ தருவத்³விசேஷ்டௌ
தேஜோவிஹீநாவபி⁴வீக்ஷ்ய பீ⁴த꞉ ।
நிமீலிதாக்ஷ꞉ ஸகலம் விசிந்த்ய
ஜாநந் ஸுதாந் த³க்ஷமுகா²நுவாச ॥ 28-2 ॥

புத்ரா ஹரிம் பஶ்யத தூ⁴ர்ஜடிம் ச
யௌ நஷ்டஶக்தீ க²லு ஶக்திகோபாத் ।
ததோ ஜக³த்³பா⁴ரயுதோ(அ)ஸ்மி யூயம்
ஶக்திம் தபோபி⁴꞉ குருத ப்ரஸந்நாம் ॥ 28-3 ॥

ஶக்தே꞉ ப்ரஸாதே³ந ஹி பூர்வவத்தௌ
ஸ்யாதாம் யஶோவ்ருத்³தி⁴ரநேந வ꞉ ஸ்யாத் ।
ஶக்திஶ்ச யத்ராவதரத்யமோக⁴-
-மேதத்குலம் யாதி க்ருதார்த²தாம் ச ॥ 28-4 ॥

ஶக்தே꞉ கடாக்ஷைர்ஜக³தோ(அ)ஸ்து ப⁴த்³ர-
-மேவம் நிஶம்யா(ஆ)ஶு ஹிமாத்³ரிமேத்ய ।
த³க்ஷாத³யோ த்⁴யாநஜபாதி³பி⁴ஸ்த்வா-
-மாராத்⁴ய ப⁴க்த்யா(அ)ப்³த³ஶதாநி நிந்யு꞉ ॥ 28-5 ॥

த்³ருஷ்டா புரஸ்தைஸ்து நுதா த்வமாத்த²
பீ⁴த்யாளமார்த்யா ச ஹிதம் த³தா³மி ।
கௌ³ரீ ச லக்ஷ்மீஶ்ச மமைவ ஶக்தீ
தே ஶம்ப⁴வே ப்ராக்³ ஹரயே ச த³த்தே ॥ 28-6 ॥

தௌ ஶக்திஸாஹாய்யத ஏவ தை³த்யா-
-ந்நிஜக்⁴நது꞉ ஸத்யமித³ம் து தாப்⁴யாம் ।
ஹா விஸ்ம்ருதம் ஶக்த்யவமாநதோ³ஷா-
-த்³விநஷ்டஶக்தீ க²லு தாவபூ⁴தாம் ॥ 28-7 ॥

தௌ பூர்வவத் ஸ்தாமிஹ ஶக்திரேகா
ஜாயேத த³க்ஷஸ்ய குலே மதீ³யா ।
க்ஷீராப்³தி⁴தோ(அ)ந்யா ச புராரிராத்³யாம்
க்³ருஹ்ணாது பஶ்சாதி³தராம் ச விஷ்ணு꞉ ॥ 28-8 ॥

ஸர்வே ஸ்வஶக்திம் பரிபூஜ்ய மாயா-
-பீ³ஜாதி³மந்த்ராந்விதி⁴வஜ்ஜபந்த꞉ ।
விராட்ஸ்வரூபம் மம ரூபமேத-
-த்ஸச்சித்ஸ்வரூபம் ச ஸதா³ ஸ்மரேத ॥ 28-9 ॥

ப்ரயாத துஷ்டா ஜக³தாம் ஶுப⁴ம் ஸ்யா-
-தே³வம் த்வமாபா⁴ஷ்ய திரோத³தா⁴த² ।
காருண்யதஸ்தே கி³ரிஶோ ஹரிஶ்ச
ஶக்தாவபூ⁴தாம் நிஜகர்ம கர்தும் ॥ 28-10 ॥

மாத꞉ கடாக்ஷா மயீ தே பதந்து
மா மா(அ)ஸ்து மே ஶக்த்யவமாநபாபம் ।
ஸர்வாந் ஸ்வத⁴ர்மாந் கரவாண்யபீ⁴தோ
ப⁴த்³ரம் மம ஸ்யாத்ஸததம் நமஸ்தே ॥ 28-11 ॥

ஏகோநத்ரிம்ஶ த³ஶகம் (29) – தே³வீபீடோ²த்பத்தி꞉ >>


ஸம்பூர்ண தே³வீ நாராயணீயம் பார்க்க.


గమనిక: "శ్రీ సుబ్రహ్మణ్య స్తోత్రనిధి" ప్రచురించబోవుచున్నాము.

Facebook Comments
error: Not allowed
%d bloggers like this: