Devi Narayaniyam Dasakam 29 – ஏகோநத்ரிம்ஶ த³ஶகம் (29) – தே³வீபீடோ²த்பத்தி꞉


அதை²கதா³(அ)த்³ருஶ்யத த³க்ஷகே³ஹே
ஶாக்தம் மஹஸ்தச்ச ப³பூ⁴வ பா³லா ।
விஜ்ஞாய தே ஶக்திமிமாம் ஜக³த்ஸு
ஸர்வே(அ)பி ஹ்ருஷ்டா அப⁴வத் க்ஷணஶ்ச ॥ 29-1 ॥

த³க்ஷ꞉ ஸ்வகே³ஹாபதிதாம் சகார
நாம்நா ஸதீம் போஷயதி ஸ்ம தாம் ஸ꞉ ।
ஸ்மரந் வசஸ்தே கி³ரிஶாய காலே
ப்ரதா³ய தாம் த்³வௌ ஸமதோஷயச்ச ॥ 29-2 ॥

ஏவம் ஶிவ꞉ஶக்தியுத꞉ புநஶ்ச
ப³பூ⁴வ க³ச்ச²த்ஸு தி³நேஷு த³க்ஷ꞉ ।
தை³வாச்சி²வத்³வேஷமவாப தே³ஹம்
தத்போஷிதம் ஸ்வம் விஜஹௌ ஸதீ ச ॥ 29-3 ॥

து³꞉கே²ந கோபேந ச ஹா ஸதீதி
முஹுர்வத³ந்நுத்³த்⁴ருததா³ரதே³ஹ꞉ ।
ப³ப்⁴ராம ஸர்வத்ர ஹர꞉ ஸுரேஷு
பஶ்யத்ஸு ஶார்ங்கீ³ ஶிவமந்வசாரீத் ॥ 29-4 ॥

ருத்³ராம்ஸவிந்யஸ்தஸதீஶரீரம்
விஷ்ணு꞉ ஶரௌகை⁴ர்ப³ஹுஶஶ்சகர்த ।
ஏகைகஶ꞉ பேதுரமுஷ்ய க²ண்டா³
பூ⁴மௌ ஶிவே ஸாஷ்டஶதம் ஸ்த²லேஷு ॥ 29-5 ॥

யதோ யத꞉ பேதுரிமே ஸ்த²லாநி
ஸர்வாணி தாநி ப்ரதி²தாநி லோகே ।
இமாநி பூதாநி ப⁴வாநி தே³வீ-
-பீடா²நி ஸர்வாக⁴ஹராணி பா⁴ந்தி ॥ 29-6 ॥

த்வமேகமேவாத்³வயமத்ர பி⁴ந்ந-
-நாமாநி த்⁴ருத்வா க²லு மந்த்ரதந்த்ரை꞉ ।
ஸம்பூஜ்யமாநா ஶரணாக³தாநாம்
பு⁴க்திம் ச முக்திம் ச த³தா³ஸி மாத꞉ ॥ 29-7 ॥

நிர்விண்ணசித்த꞉ ஸ ஸதீவியோகா³-
-ச்சி²வ꞉ ஸ்மரம்ஸ்த்வாம் குஹசிந்நிஷண்ண꞉ ।
ஸமாதி⁴மக்³நோ(அ)ப⁴வதே³ஷ லோக꞉
ஶக்திம் விநா ஹா விரஸோ(அ)லஸஶ்ச ॥ 29-8 ॥

சிந்தாகுலா மோஹதி⁴யோ விஶீர்ண-
-தோஷா மஹாரோக³நிபீடி³தாஶ்ச ।
ஸௌபா⁴க்³யஹீநா விஹதாபி⁴லாஷா꞉
ஸர்வே ஸதோ³த்³விக்³நஹ்ருதோ³ ப³பூ⁴வு꞉ ॥ 29-9 ॥

ஶிவோ(அ)பி ஶக்த்யா ஸஹித꞉ கரோதி
ஸர்வம் வியுக்தஶ்ச தயா ஜட³꞉ ஸ்யாத் ।
மா மா(அ)ஸ்து மே ஶக்திவியோக³ ஏஷ
தா³ஸோ(அ)ஸ்மி பூ⁴யோ வரதே³ நமஸ்தே ॥ 29-10 ॥

த்ரிம்ஶ த³ஶகம் (30) – ஶ்ரீபார்வத்யவதாரம் >>


ஸம்பூர்ண தே³வீ நாராயணீயம் பார்க்க.


గమనిక: "శ్రీ సుబ్రహ్మణ్య స్తోత్రనిధి" ప్రచురించబోవుచున్నాము.

Facebook Comments
error: Not allowed
%d bloggers like this: