Devi Narayaniyam Dasakam 30 – த்ரிம்ஶ த³ஶகம் (30) – ஶ்ரீபார்வத்யவதாரம்


ஸமாதி⁴மக்³நே கி³ரிஶே விரிஞ்சா-
-த்தப꞉ப்ரஸந்நாத்கில தாரகாக்²ய꞉ ।
தை³த்யோ வரம் ப்ராப்ய விஜித்ய தே³வாந்
ஸபா³ந்த⁴வ꞉ ஸ்வர்க³ஸுகா²ந்யபு⁴ங்க்த ॥ 1 ॥

வரை꞉ ஸ ப⁴ர்கௌ³ரஸபுத்ரமாத்ர-
-வத்⁴யத்வமாப்தோ(அ)ஸ்ய ச பத்ந்யபா⁴வாத் ।
ஸர்வாதி⁴பத்யம் ஸ்வப³லம் ச மோஹா-
-ந்மத்தோ ப்⁴ருஶம் ஶாஶ்வதமேவ மேநே ॥ 30-2 ॥

நஷ்டாகி²லா꞉ ஶ்ரீஹரயே ஸுராஸ்தே
நிவேத³யாமாஸுரஶேஷது³꞉க²ம் ।
ஸ சாஹ தே³வா அநயேந நூந-
-முபேக்ஷதே நோ ஜநநீ க்ருபார்த்³ரா ॥ 30-3 ॥

தத்³விஸ்ம்ருதேர்ஜாதமித³ம் கரேண
யஷ்ட்யா ச யா தாட³யதி ஸ்வபுத்ரம் ।
தாமேவ பா³ல꞉ ஸ நிஜேஷ்டதா³த்ரீம்
ஸாஸ்ரம் ருத³ந்மாதரமப்⁴யுபைதி ॥ 30-4 ॥

மாதா ஹி ந꞉ ஶக்திரிமாம் ப்ரஸந்நாம்
குர்யாம ப⁴க்த்யா தபஸா ச ஶீக்⁴ரம் ।
ஸர்வாபத³꞉ ஸைவ ஹரிஷ்யதீதி
ஶ்ருத்வாமராஸ்த்வாம் நுநுவுர்மஹேஶி ॥ 30-5 ॥

நிஶம்ய தேஷாம் ஶ்ருதிவாக்யக³ர்ப⁴-
-ஸ்துதிம் ப்ரஸந்நா விபு³தா⁴ம்ஸ்த்வமாத்த² ।
அலம் விஷாதே³ந ஸுரா꞉ ஸமஸ்தம்
ஜாநே ஹரிஷ்யாமி ப⁴யம் த்³ருதம் வ꞉ ॥ 30-6 ॥

ஹிமாத்³ரிபுத்ரீ விபு³தா⁴ஸ்தத³ர்த²ம்
ஜாயேத கௌ³ரீ மம ஶக்திரேகா ।
ஸா ச ப்ரதே³யா வ்ருஷப⁴த்⁴வஜாய
தயோ꞉ ஸுதஸ்தம் தி³திஜம் ச ஹந்யாத் ॥ 30-7 ॥

இத்த²ம் நிஶம்யாஸ்தப⁴யேஷு தே³வே-
-ஷ்வப்⁴யர்தி²தா தே³வி ஹிமாசலேந ।
த்வம் வர்ணயந்தீ நிஜதத்த்வமேப்⁴ய꞉
ப்ரத³ர்ஶயாமாஸித² விஶ்வரூபம் ॥ 30-8 ॥

ஸஹஸ்ரஶீர்ஷம் ச ஸஹஸ்ரவக்த்ரம்
ஸஹஸ்ரகர்ணம் ச ஸஹஸ்ரநேத்ரம் ।
ஸஹஸ்ரஹஸ்தம் ச ஸஹஸ்ரபாத³-
-மநேகவித்³யுத்ப்ரப⁴முஜ்ஜ்வலம் ச ॥ 30-9 ॥

த்³ருஷ்ட்வேத³மீஶ்வர்யகி²லைர்பி⁴யோக்தா
த்வம் சோபஸம்ஹ்ருத்ய விராட்ஸ்வரூபம் ।
க்ருபாவதீ ஸ்மேரமுகீ² புநஶ்ச
நிவ்ருத்திமார்க³ம் கி³ரயே ந்யகா³தீ³꞉ ॥ 30-10 ॥

உக்த்வா(அ)கி²லம் ஸம்ஸ்ருதிமுக்திமார்க³ம்
ஸுரேஷு பஶ்யத்ஸு திரோத³தா⁴த² ।
ஶ்ருத்வா(அ)த்³ரிமுக்²யாஸ்தவ கீ³தமுச்சை-
-ர்தே³வா ஜபத்⁴யாநபரா ப³பூ⁴வு꞉ ॥ 30-11 ॥

அதை²கதா³ ப்ராது³ரபூ⁴த்³தி⁴மாத்³ரௌ
ஶாக்தம் மஹோ த³க்ஷக்³ருஹே யதா² ப்ராக் ।
க்ரமேண தத்³தே³வி ப³பூ⁴வ கந்யா
ஸா பார்வதீதி ப்ரதி²தா ஜக³த்ஸு ॥ 30-12 ॥

ஹிமாத்³ரிணைஷா ச ஹராய த³த்தா
தயோ꞉ ஸுத꞉ ஸ்கந்த³ இதி ப்ரஸித்³த⁴꞉ ।
ஸ தாரகாக்²யம் தி³திஜம் நிஹத்ய
ரரக்ஷ லோகாநகி²லாந் மஹேஶி ॥ 30-13 ॥

து³ர்வாஸஸ꞉ ஶாபப³லேந ஶக்ரோ
நஷ்டாகி²லஶ்ரீர்வசநேந விஷ்ணோ꞉ ।
க்ஷீரோத³தி⁴ம் ஸாஸுரதே³வஸங்கோ⁴
மமந்த² தஸ்மாது³த³பூ⁴ச்ச லக்ஷ்மீ꞉ ॥ 30-14 ॥

யா பூஜிதேந்த்³ரேண ரமா தவைகா
ஶக்தி꞉ ஸ்வரைஶ்வர்யபுந꞉ப்ரதா³நாத் ।
ஶாபாந்முநேர்தே³வக³ணாந்விமோச்ய
கடாக்ஷதஸ்தே ஹரிமாப பூ⁴ய꞉ ॥ 30-15 ॥

த்வம் ஸர்வஶக்திர்ந ஜிதா(அ)ஸி கேநா-
-ப்யந்யாந் ஜயஸ்யேவ ஸதா³ ஶரண்யா ।
மாதேவ பத்நீவ ஸுதேவ வா த்வம்
விபா⁴ஸி ப⁴க்தஸ்ய நமோ நமஸ்தே ॥ 30-16 ॥

ஏகத்ரிம்ஶ த³ஶகம் (31) – ப்⁴ராமர்யவதாரம் >>


ஸம்பூர்ண தே³வீ நாராயணீயம் பார்க்க.


గమనిక: "శ్రీ సుబ్రహ్మణ్య స్తోత్రనిధి" పుస్తక ప్రచురణ జరుగుతున్నది.

Facebook Comments
error: Not allowed
%d bloggers like this: