Read in తెలుగు / ಕನ್ನಡ / தமிழ் / देवनागरी / English (IAST)
[గమనిక: ఈ స్తోత్రము “శ్రీ శివ స్తోత్రనిధి” పారాయణ గ్రంథములో కూడా ఉన్నది.]
దేవదానవా ఊచుః |
నమస్తుభ్యం విరూపాక్ష సర్వతోఽనంతచక్షుషే |
నమః పినాకహస్తాయ వజ్రహస్తాయ ధన్వినే || ౧ ||
నమస్త్రిశూలహస్తాయ దండహస్తాయ ధూర్జటే |
నమస్త్రైలోక్యనాథాయ భూతగ్రామశరీరిణే || ౨ ||
నమః సురారిహంత్రే చ సోమాగ్న్యర్కాగ్ర్యచక్షుషే |
బ్రహ్మణే చైవ రుద్రాయ నమస్తే విష్ణురూపిణే || ౩ ||
బ్రహ్మణే వేదరూపాయ నమస్తే దేవరూపిణే |
సాంఖ్యయోగాయ భూతానాం నమస్తే శంభవాయ తే || ౪ ||
మన్మథాంగవినాశాయ నమః కాలక్షయంకర |
రంహసే దేవదేవాయ నమస్తే వసురేతసే || ౫ ||
ఏకవీరాయ సర్వాయ నమః పింగకపర్దినే |
ఉమాభర్త్రే నమస్తుభ్యం యజ్ఞత్రిపురఘాతినే || ౬ ||
శుద్ధబోధప్రబుద్ధాయ ముక్తకైవల్యరూపిణే |
లోకత్రయవిధాత్రే చ వరుణేంద్రాగ్నిరూపిణే || ౭ ||
ఋగ్యజుః సామవేదాయ పురుషాయేశ్వరాయ చ |
అగ్రాయ చైవ చోగ్రాయ విప్రాయ శ్రుతిచక్షుషే || ౮ ||
రజసే చైవ సత్త్వాయ తమసే స్థిమితాత్మనే |
అనిత్యనిత్యభాసాయ నమో నిత్యచరాత్మనే || ౯ ||
వ్యక్తాయ చైవావ్యక్తాయ వ్యక్తావ్యక్తాత్మనే నమః |
భక్తానామార్తినాశాయ ప్రియనారాయణాయ చ || ౧౦ ||
ఉమాప్రియాయ శర్వాయ నందివక్త్రాంచితాయ వై |
ఋతుమన్వంతకల్పాయ పక్షమాసదినాత్మనే || ౧౧ ||
నానారూపాయ ముండాయ వరూథ పృథుదండినే |
నమః కపాలహస్తాయ దిగ్వాసాయ శిఖండినే || ౧౨ ||
ధన్వినే రథినే చైవ యతయే బ్రహ్మచారిణే |
ఇత్యేవమాదిచరితైః స్తుతం తుభ్యం నమో నమః || ౧౩ ||
ఇతి శ్రీమత్స్యపురాణే క్షీరోదమథవర్ణనో నామ పంచాశదధికద్విశతతమోఽధ్యాయే దేవదానవకృత శివస్తోత్రమ్ |
గమనిక: పైన ఇవ్వబడిన స్తోత్రము, ఈ క్రింది పుస్తకములో కూడా ఉన్నది.
శ్రీ శివ స్తోత్రనిధి
(నిత్య పారాయణ గ్రంథము)
మరిన్ని శ్రీ శివ స్తోత్రాలు చూడండి.
గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.