Devacharya Krita Shiva Stuti – శ్రీ శివ స్తుతిః (దేవాచార్య కృతమ్)


ఆంగీరస ఉవాచ –
జయ శంకర శాంతశశాంకరుచే
రుచిరార్థద సర్వద సర్వశుచే |
శుచిదత్తగృహీత మహోపహృతే
హృతభక్తజనోద్ధతతాపతతే || ౧ ||

తత సర్వహృదంబర వరదనతే
నత వృజిన మహావనదాహకృతే |
కృతవివిధచరిత్రతనో సుతనో-
ఽతను విశిఖవిశోషణ ధైర్యనిధే || ౨ ||

నిధనాదివివర్జితకృతనతి కృ-
త్కృతి విహిత మనోరథ పన్నగభృత్ |
నగభర్తృనుతార్పిత వామనవపు-
స్స్వవపుఃపరిపూరిత సర్వజగత్ || ౩ ||

త్రిజగన్మయరూప విరూప సుదృ-
గ్దృగుదంచన కుంచనకృత హుతభుక్ |
భవ భూతపతే ప్రమథైకపతే
పతితేష్వపి దత్తకర ప్రసృతే || ౪ ||

ప్రసృతాఖిల భూతల సంవరణ
ప్రణవధ్వనిసౌధ సుధాంశుధర |
ధరరాజ కుమారికయా పరయా
పరితః పరితుష్టనతోస్మి శివ || ౫ ||

శివ దేవ గిరీశ మహేశ విభో
విభవప్రద శర్వ శివేశ మృడ |
మృడయోడుపతిధ్రజగత్త్రితయం
కృతయంత్రణభక్తి విఘాతకృతామ్ || ౬ ||

న కృతాం తత ఏష బిభేమి హర
ప్రహరాశు మమాఘమమోఘమతే |
నమతాంతరమన్యదవైమి శివం
శివపాదనతేః ప్రణతోఽస్మితతః || ౭ ||

వితతేత్ర జగత్యఖిలాఘహర
హరతోషణమేవ పరంగుణవత్ |
గుణహీనమహీనమహావలయం
లయపావకమీశనతోస్మి తతః || ౮ ||

ఇతి స్తుత్వా మహాదేవం విరరామాంగిరస్సుతః |
వ్యతరచ్చ మహాదేవస్స్తుత్యా తుష్టో వరాన్బహూన్ || ౯ ||

శ్రీమహాదేవ ఉవాచ –
బృహతా తపసానేన బృహతాం పతిరస్యహో |
నామ్నా బృహస్పతిరితి గ్రహేష్వర్చ్యో భవ ద్విజ || ౧౦ ||

అస్మాల్లింగార్చనాన్నిత్యం జీవభూతోసి మే యతః |
అతోజీవ ఇతి ఖ్యాతిం త్రిషు లోకేషు యాస్యసి || ౧౧ ||

వాచాం ప్రపంచైశ్చతురైర్నిష్ప్రపంచం యతస్స్తుతః |
అతో వాచాం ప్రపంచస్య పతిర్వాచస్పతిర్భవ || ౧౨ ||

అస్య స్తోత్రస్య పఠనాదవాతిష్ఠతి యః పుమాన్ |
తస్య స్యాత్సంస్కృతా వాణీ త్రిభిర్వర్షై-స్త్రికాలతః || ౧౩ ||

ఇతి శ్రీ దేవాచార్య కృత శివ స్తోత్రమ్ |


మరిన్ని శ్రీ శివ స్తోత్రాలు చూడండి.


గమనిక : "శ్రీ గాయత్రీ స్తోత్రనిధి" పారాయణ గ్రంథము ముద్రణ చేయుటకు ఆలోచన చేయుచున్నాము.

Did you see any mistake/variation in the content above? Click here to report mistakes and corrections in Stotranidhi content.

Facebook Comments

స్పందించండి

మీ ఈమెయిలు చిరునామా ప్రచురించబడదు.

error: Not allowed