Deva Danava Krita Shiva Stotram – ஶ்ரீ ஶிவ ஸ்தோத்ரம் (தே³வதா³னவ க்ருதம்)


தே³வதா³நவா ஊசு꞉ ।
நமஸ்துப்⁴யம் விரூபாக்ஷ ஸர்வதோ(அ)நந்தசக்ஷுஷே ।
நம꞉ பிநாகஹஸ்தாய வஜ்ரஹஸ்தாய த⁴ந்விநே ॥ 1 ॥

நமஸ்த்ரிஶூலஹஸ்தாய த³ண்ட³ஹஸ்தாய தூ⁴ர்ஜடே ।
நமஸ்த்ரைலோக்யநாதா²ய பூ⁴தக்³ராமஶரீரிணே ॥ 2 ॥

நம꞉ ஸுராரிஹந்த்ரே ச ஸோமாக்³ந்யர்காக்³ர்யசக்ஷுஷே ।
ப்³ரஹ்மணே சைவ ருத்³ராய நமஸ்தே விஷ்ணுரூபிணே ॥ 3 ॥

ப்³ரஹ்மணே வேத³ரூபாய நமஸ்தே தே³வரூபிணே ।
ஸாங்க்²யயோகா³ய பூ⁴தாநாம் நமஸ்தே ஶம்ப⁴வாய தே ॥ 4 ॥

மந்மதா²ங்க³விநாஶாய நம꞉ காலக்ஷயங்கர ।
ரம்ஹஸே தே³வதே³வாய நமஸ்தே வஸுரேதஸே ॥ 5 ॥

ஏகவீராய ஸர்வாய நம꞉ பிங்க³கபர்தி³நே ।
உமாப⁴ர்த்ரே நமஸ்துப்⁴யம் யஜ்ஞத்ரிபுரகா⁴திநே ॥ 6 ॥

ஶுத்³த⁴போ³த⁴ப்ரபு³த்³தா⁴ய முக்தகைவல்யரூபிணே ।
லோகத்ரயவிதா⁴த்ரே ச வருணேந்த்³ராக்³நிரூபிணே ॥ 7 ॥

ருக்³யஜு꞉ ஸாமவேதா³ய புருஷாயேஶ்வராய ச ।
அக்³ராய சைவ சோக்³ராய விப்ராய ஶ்ருதிசக்ஷுஷே ॥ 8 ॥

ரஜஸே சைவ ஸத்த்வாய தமஸே ஸ்தி²மிதாத்மநே ।
அநித்யநித்யபா⁴ஸாய நமோ நித்யசராத்மநே ॥ 9 ॥

வ்யக்தாய சைவாவ்யக்தாய வ்யக்தாவ்யக்தாத்மநே நம꞉ ।
ப⁴க்தாநாமார்திநாஶாய ப்ரியநாராயணாய ச ॥ 10 ॥

உமாப்ரியாய ஶர்வாய நந்தி³வக்த்ராஞ்சிதாய வை ।
ருதுமந்வந்தகல்பாய பக்ஷமாஸதி³நாத்மநே ॥ 11 ॥

நாநாரூபாய முண்டா³ய வரூத² ப்ருது²த³ண்டி³நே ।
நம꞉ கபாலஹஸ்தாய தி³க்³வாஸாய ஶிக²ண்டி³நே ॥ 12 ॥

த⁴ந்விநே ரதி²நே சைவ யதயே ப்³ரஹ்மசாரிணே ।
இத்யேவமாதி³சரிதை꞉ ஸ்துதம் துப்⁴யம் நமோ நம꞉ ॥ 13 ॥

இதி ஶ்ரீமத்ஸ்யபுராணே க்ஷீரோத³மத²வர்ணநோ நாம பஞ்சாஶத³தி⁴கத்³விஶததமோ(அ)த்⁴யாயே தே³வதா³நவக்ருத ஶிவஸ்தோத்ரம் ।


மேலும் ஶ்ரீ ஶிவ ஸ்தோத்ராணி காண்க.

Report mistakes and corrections in Stotranidhi content.

Facebook Comments

மறுமொழி இடவும்

உங்கள் மின்னஞ்சல் வெளியிடப்பட மாட்டாது

error: Not allowed
%d bloggers like this: