Rati Devi Krita Shiva Stotram – ஶ்ரீ ஶிவ ஸ்தோத்ரம் (ரதிதேவி க்ருதம்)

நமஶ்ஶிவாயாஸ்து நிராமயாய
நமஶ்ஶிவாயாஸ்து மனோமயாய |
நமஶ்ஶிவாயாஸ்து ஸுரார்சிதாய
துப்⁴யம் ஸதா³ ப⁴க்தக்ருபாவராய || 1 ||

நமோ ப⁴வாயாஸ்து ப⁴வோத்³ப⁴வாய
நமோ(அ)ஸ்து தே த்⁴வஸ்தமனோப⁴வாய |
நமோ(அ)ஸ்து தே கூ³ட⁴மஹாவ்ரதாய
நமஸ்ஸ்வமாயாக³ஹனாஶ்ரயாய || 2 ||

நமோ(அ)ஸ்து ஶர்வாய நமஶ்ஶிவாய
நமோ(அ)ஸ்து ஸித்³தா⁴ய புராந்தகாய |
நமோ(அ)ஸ்து காலாய நம꞉ கலாய
நமோ(அ)ஸ்து தே ஜ்ஞானவரப்ரதா³ய || 3 ||

நமோ(அ)ஸ்து தே காலகலாதிகா³ய
நமோ நிஸர்கா³மலபூ⁴ஷணாய |
நமோ(அ)ஸ்த்வமேயாந்த⁴கமர்த³னாய
நமஶ்ஶரண்யாய நமோ(அ)கு³ணாய || 4 ||

நமோ(அ)ஸ்து தே பீ⁴மகு³ணானுகா³ய
நமோ(அ)ஸ்து நானாபு⁴வனாதி³கர்த்ரே |
நமோ(அ)ஸ்து நானாஜக³தாம் விதா⁴த்ரே
நமோ(அ)ஸ்து தே சித்ரப²லப்ரயோக்த்ரே || 5 ||

ஸர்வாவஸானே ஹ்யவினாஶனேத்ரே
நமோ(அ)ஸ்து சித்ராத்⁴வரபா⁴க³போ⁴க்த்ரே |
நமோ(அ)ஸ்து கர்மப்ரப⁴வஸ்ய தா⁴த்ரே
நமஸ்ஸ தா⁴த்ரே ப⁴வஸங்க³ஹர்த்ரே || 6 ||

அனந்தரூபாய ஸதை³வ துப்⁴ய-
மஸஹ்யகோபாய நமோ(அ)ஸ்து துப்⁴யம் |
ஶஶாங்கசிஹ்னாய நமோ(அ)ஸ்து துப்⁴ய-
மமேயமானாய நமோ(அ)ஸ்து துப்⁴யம் || 7 ||

வ்ருஷேந்த்³ரயானாய புராந்தகாய
நம꞉ ப்ரஸித்³தா⁴ய மஹௌஷதா⁴ய |
நமோ(அ)ஸ்து ப⁴க்தாபி⁴மதப்ரதா³ய
நமோ(அ)ஸ்து ஸர்வார்திஹராய துப்⁴யம் || 8 ||

சராசராசாரவிசாரவர்ய-
மாசார்யமுத்ப்ரேக்ஷிதபூ⁴தஸர்க³ம் |
த்வாமிந்து³மௌளிம் ஶரணம் ப்ரபன்னா
ப்ரியாப்ரமேயம் மஹதாம் மஹேஶம் || 9 ||

ப்ரயச்ச² மே காமயஶஸ்ஸம்ருத்³தி⁴ம்
புன꞉ ப்ரபோ⁴ ஜீவது காமதே³வ꞉ ||
வைத⁴வ்யஹர்த்ரே ப⁴க³வன்னமஸ்தே
ப்ரியம் வினா த்வாம் ப்ரியஜீவிதேஷு || 10 ||

த்வத்தோ பர꞉ கோ பு⁴வனேஷ்விஹாஸ்தி
ப்ரபு⁴꞉ ப்ரியாயா꞉ ப்ரப⁴வ꞉ ப்ரியாணாம் |
த்வமேவ சைகோ பு⁴வனஸ்ய நாதோ²
த³யாளுருன்மீலிதப⁴க்தபீ⁴தி꞉ || 11 ||

இதி ஶ்ரீமத்ஸ்யபுராணே ரதிதே³வீக்ருத ஶிவஸ்தோத்ரம் |


மேலும் ஶ்ரீ ஶிவ ஸ்தோத்ராணி காண்க.


గమనిక: "శ్రీ శివ స్తోత్రనిధి" పుస్తకము ముద్రణ చేయుటకు ఆలోచన చేయుచున్నాము.

Facebook Comments

You may also like...

மறுமொழி இடவும்

உங்கள் மின்னஞ்சல் வெளியிடப்பட மாட்டாது

error: Not allowed
%d bloggers like this: