Read in తెలుగు / ಕನ್ನಡ / தமிழ் / देवनागरी / English (IAST)
manōjñamaṇikuṇḍalāṁ mahitacakrarājālayāṁ
manō:’mbujavihāriṇīṁ paraśivasya vāmāṅkagām |
mahāharimukhāmarapraṇatapādapaṅkēruhāṁ
mahātripurasundarīṁ manasi bhāvayē santatam || 1 ||
mataṅgamunipūjitāṁ mathitapāpasaṅghāṁ javā-
-nmadāruṇitalōcanāṁ madamukhārinirvāpiṇīm |
manaḥsu yamināṁ sadā sthitivihāriṇīṁ mōdatō
mahātripurasundarīṁ manasi bhāvayē santatam || 2 ||
vicitrakavitāpradāṁ natatatērvilambaṁ vinā
vidhīndraharivanditāṁ vidhiniṣēdhasaktārcitām |
vināyakavibhāvasūdbhavavibhāsipārśvadvayāṁ
mahātripurasundarīṁ manasi bhāvayē santatam || 3 ||
vininditavibhāvarīviṭasahasragarvānanāṁ
vinirmitajagattrayīṁ vidhusamānamandasmitām |
vibōdhanapaṭīyasīṁ vinatasantatēḥ satvaraṁ
mahātripurasundarīṁ manasi bhāvayē santatam || 4 ||
vimānacaramāninīvihitapādasēvāṁ mudā
viśālanayanāmbujāṁ vidhr̥tacāpapāśāṅkuśām |
viśuddhisarasīruhē kr̥tanijāsanāṁ sarvadā
mahātripurasundarīṁ manasi bhāvayē santatam || 5 ||
virāgijanasēvitāṁ vimalabuddhisandāyinīṁ
virādharipupūjitāṁ vividharatnabhūṣōjjvalām |
viriñciharisundarīkalitacāmarāvījanāṁ
mahātripurasundarīṁ manasi bhāvayē santatam || 6 ||
iti śr̥ṅgēri śrījagadguru śrīsaccidānandaśivābhinavanr̥siṁha bhāratīsvāmibhiḥ viracitaṁ śrī mahātripurasundarī ṣaṭkam |
See more daśamahāvidyā stōtrāṇi for chanting.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.