Read in తెలుగు / ಕನ್ನಡ / தமிழ் / देवनागरी / English (IAST)
nīlālakāṁ śaśimukhīṁ navapallavōṣṭhīṁ
cāmpēyapuṣpasuṣamōjjvaladivyanāsām |
padmēkṣaṇāṁ mukurasundaragaṇḍabhāgāṁ
tvāṁ sāmprataṁ tripurasundari dēvi vandē || 1 ||
śrīkundakuḍmalaśikhōjjvaladantabr̥nda-
-mandasmitadyutitirōhitacāruvāṇīm |
nānāmaṇisthagitahārasucārukaṇṭhīṁ
tvāṁ sāmprataṁ tripurasundari dēvi vandē || 2 ||
pīnastanīṁ ghanabhujāṁ vipulābjahastāṁ
bhr̥ṅgāvalījitasuśōbhitarōmarājim |
mattēbhakumbhakucabhārasunamramadhyāṁ
tvāṁ sāmprataṁ tripurasundari dēvi vandē || 3 ||
rambhōjjvalōruyugalāṁ mr̥garājapatrā-
-mindrādidēvamakuṭōjjvalapādapadmām |
hēmāmbarāṁ ghanaghr̥tāñcitakhaḍgavallīṁ
tvāṁ sāmprataṁ tripurasundari dēvi vandē || 4 ||
mattēbhavaktrajananīṁ mr̥ḍadēhayuktāṁ
śailāgramadhyanilayāṁ varasundarāṅgīm |
kōṭīśvarākhyahr̥disaṁsthitapādapadmāṁ
tvāṁ sāmprataṁ tripurasundari dēvi vandē || 5 ||
bālē tvatpādayugalaṁ dhyātvā samprati nirmitam |
navīnaṁ pañcaratnaṁ ca dhāryatāṁ caraṇadvayē || 6 ||
iti śrī tripurasundarī pañcaratna stōtram |
See more daśamahāvidyā stōtrāṇi for chanting.
గమనిక: "శ్రీ అయ్యప్ప స్తోత్రనిధి" విడుదల చేశాము. Click here to buy.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
