Read in తెలుగు / ಕನ್ನಡ / தமிழ் / देवनागरी / English (IAST)
(గమనిక: ఈ స్తోత్రము “శ్రీ గణేశ స్తోత్రనిధి” పారాయణ గ్రంథములో కూడా ఉన్నది. Click here to buy.)
యోగం యోగవిదాం విధూతవివిధవ్యాసంగశుద్ధాశయ
ప్రాదుర్భూతసుధారసప్రసృమరధ్యానాస్పదాధ్యాసినామ్ |
ఆనందప్లవమానబోధమధురామోదచ్ఛటామేదురం
తం భూమానముపాస్మహే పరిణతం దంతావలాస్యాత్మనా || ౧ ||
తారశ్రీపరశక్తికామవసుధారూపానుగం యం విదు-
-స్తస్మై స్తాత్ప్రణతిర్గణాధిపతయే యో రాగిణాభ్యర్థ్యతే |
ఆమంత్ర్య ప్రథమం వరేతి వరదేత్యార్తేన సర్వం జనం
స్వామిన్మే వశమానయేతి సతతం స్వాహాదిభిః పూజితః || ౨ ||
కల్లోలాంచలచుంబితాంబుదతతావిక్షుద్రవాంభోనిధౌ
ద్వీపే రత్నమయే సురద్రుమవనామోదైకమేదస్విని |
మూలే కల్పతరోర్మహామణిమయే పీఠేఽక్షరాంభోరుహే
షట్కోణాకలితత్రికోణరచనాసత్కర్ణికేఽముం భజే || ౩ ||
చక్రప్రాసరసాలకార్ముకగదాసద్బీజపూరద్విజ-
-వ్రీహ్యగ్రోత్పలపాశపంకజకరం శుండాగ్రజాగ్రద్ఘటమ్ |
ఆశ్లిష్టం ప్రియయా సరోజకరయా రత్నస్ఫురద్భూషయా
మాణిక్యప్రతిమం మహాగణపతిం విశ్వేశమాశాస్మహే || ౪ ||
దానాంభఃపరిమేదురప్రసృమరవ్యాలంబిరోలంబభృ-
-త్సిందూరారుణగండమండలయుగవ్యాజాత్ప్రశస్తిద్వయమ్ |
త్రైలోక్యేష్టవిధానవర్ణసుభగం యః పద్మరాగోపమం
ధత్తే స శ్రియమాతనోతు సతతం దేవో గణానాం పతిః || ౫ ||
భ్రామ్యన్మందరఘూర్ణనాపరవశక్షీరాబ్ధివీచిచ్ఛటా
సచ్ఛాయాశ్చలచామరవ్యతికరశ్రీగర్వసర్వంకషాః |
దిక్కాంతాఘనసారచందనరసాసారాః శ్రయంతాం మనః
స్వచ్ఛందప్రసరప్రలిప్తవియతో హేరంబదంతత్విషః || ౬ ||
ముక్తాజాలకరంబితప్రవికసన్మాణిక్యపుంజచ్ఛటా
కాంతాః కంబుకదంబచుంబితవనాభోగప్రవాలోపమాః |
జ్యోత్స్నాపూరతరంగమంథరతరత్సంధ్యావయస్యాశ్చిరం
హేరంబస్య జయంతి దంతకిరణాకీర్ణాః శరీరత్విషః || ౭ ||
శుండాగ్రాకలితేన హేమకలశేనావర్జితేన క్షర-
-న్నానారత్నచయేన సాధకజనాన్సంభావయన్కోటిశః |
దానామోదవినోదలుబ్ధమధుపప్రోత్సారణావిర్భవ-
-త్కర్ణాందోలనఖేలనో విజయతే దేవో గణగ్రామణీః || ౮ ||
హేరంబం ప్రణమామి యస్య పురతః శాండిల్యమూలే శ్రియా
బిభ్రత్యాంబురుహే సమం మధురిపుస్తే శంఖచక్రే వహన్ |
న్యగ్రోధస్య తలే సహాద్రిసుతయా శంభుస్తయా దక్షిణే
బిభ్రాణః పరశుం త్రిశూలమితయా దేవ్యా ధరణ్యా సహ || ౯ ||
పశ్చాత్పిప్పలమాశ్రితో రతిపతిర్దేవస్య రత్యోత్పలే
బిభ్రత్యా సమమైక్షవం ధనురిషూన్పౌష్పాన్వహన్పంచ చ |
వామే చక్రగదాధరః స భగవాన్క్రోడః ప్రియాంగోస్తలే
హస్తోద్యచ్ఛుకశాలిమంజరికయా దేవ్యా ధరణ్యా సహ || ౧౦ ||
షట్కోణాశ్రిషు షట్సు షడ్గజముఖాః పాశాంకుశాభీవరా-
-న్బిభ్రాణాః ప్రమదాసఖాః పృథుమహాశోణాశ్మపుంజత్విషః |
ఆమోదః పురతః ప్రమోదసుముఖౌ తం చాభితో దుర్ముఖః
పశ్చాత్పార్శ్వగతోఽస్య విఘ్న ఇతి యో యో విఘ్నకర్తేతి చ || ౧౧ ||
ఆమోదాదిగణేశ్వరప్రియతమాస్తత్రైవ నిత్యం స్థితాః
కాంతాశ్లేషరసజ్ఞమంథరదృశః సిద్ధిః సమృద్ధిస్తతః |
కాంతిర్యా మదనావతీత్యపి తథా కల్పేషు యా గీయతే
సాన్యా యాపి మదద్రవా తదపరా ద్రావిణ్యమూః పూజితాః || ౧౨ ||
ఆశ్లిష్టౌ వసుధేత్యథో వసుమతీ తాభ్యాం సితాలోహితౌ
వర్షంతౌ వసుపార్శ్వయోర్విలసతస్తౌ శంఖపద్మౌ నిధీ |
అంగాన్యన్వథ మాతరశ్చ పరితః శక్రాదయోఽబ్జాశ్రయా-
-స్తద్బాహ్యేః కులిశాదయః పరిపతత్కాలానలజ్యోతిషః || ౧౩ ||
ఇత్థం విష్ణుశివాదితత్త్వతనవే శ్రీవక్రతుండాయ హుం-
-కారాక్షిప్తసమస్తదైత్య పృతనావ్రాతాయ దీప్తత్విషే |
ఆనందైకరసావబోధలహరీ విధ్వస్తసర్వోర్మయే
సర్వత్ర ప్రథమానముగ్ధమహసే తస్మై పరస్మై నమః || ౧౪ ||
సేవా హేవాకిదేవాసురనరనికరస్ఫారకోటీరకోటీ
కాటివ్యాటీకమానద్యుమణిసమమణిశ్రేణిభావేణికానామ్ |
రాజన్నీరాజనశ్రీసుఖచరణనఖద్యోతవిద్యోతమానః
శ్రేయః స్థేయః స దేయాన్మమ విమలదృశో బంధురం సింధురాస్యః || ౧౫ ||
ఏతేన ప్రకటరహస్యమంత్రమాలా-
-గర్భేణ స్ఫుటతరసంవిదా స్తవేన |
యః స్తౌతి ప్రచురతరం మహాగణేశం
తస్యేయం భవతి వశంవదా త్రిలోకీ || ౧౬ ||
ఇతి శ్రీమత్పరమహంస పరివ్రాజకాచార్యవర్య శ్రీరాఘవచైతన్య విరచితం మహాగణపతి స్తోత్రమ్ |
గమనిక: పైన ఇవ్వబడిన స్తోత్రము, ఈ క్రింది పుస్తకములో కూడా ఉన్నది.
శ్రీ గణేశ స్తోత్రనిధి
(నిత్య పారాయణ గ్రంథము)
మరిన్ని శ్రీ గణేశ స్తోత్రాలు చూడండి.
గమనిక : మా తదుపరి ప్రచురణ "శ్రీ దక్షిణామూర్తి స్తోత్రనిధి" పుస్తకము ప్రింటు చేయుటకు ఆలోచన చేయుచున్నాము.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
