Read in తెలుగు / ಕನ್ನಡ / தமிழ் / देवनागरी / English (IAST)
సర్వేఽపి జీవా నిజకర్మబద్ధా
ఏతే షడాసంద్రుహిణస్య పౌత్రాః |
తన్నిందయా దైత్యకులే ప్రజాతాః
పునశ్చ శప్తా జనకేన దైవాత్ || ౨౧-౧ ||
తేనైవ తే శౌరిసుతత్వమాప్తా
హతాశ్చ కంసేన తు జాతమాత్రాః |
శ్రీనారదేనర్షివరేణ దేవి
జ్ఞాతం పురావృత్తమిదం సమస్తమ్ || ౨౧-౨ ||
ప్రాగ్దంపతీ చాదితికశ్యపౌ హా
స్వకర్మదోషేణ పునశ్చ జాతౌ |
తౌ దేవకీ శూరసుతౌ స్వపుత్ర-
-నాశాదిభిర్దుఃఖమవాపతుశ్చ || ౨౧-౩ ||
త్వం దేవకీసప్తమగర్భతో వై
గృహ్ణంత్యనంతాంశశిశుం స్వశక్త్యా |
నివేశ్య రోహిణ్యుదరే ధరణ్యాం
మర్త్యో భవేత్యచ్యుతమాదిశశ్చ || ౨౧-౪ ||
ప్రాక్కర్మదోషాత్స సుహృన్మఘోనః
క్రుద్ధేన శప్తో భృగుణా మురారిః |
దయార్హసంసారిదశామవాప్స్యన్
హా దేవకీగర్భమథాఽఽవివేశ || ౨౧-౫ ||
పూర్ణే తు గర్భే హరిరర్ధరాత్రే
కారాగృహే దేవకనందనాయాః |
జజ్ఞే సుతేష్వష్టమతామవాప్తః
శౌరిర్విముక్తో నిగడైశ్చ బంధాత్ || ౨౧-౬ ||
వ్యోమోత్థవాక్యేన తవైవ బాలం
గృహ్ణన్నదృష్టః ఖలు గేహపాలైః |
నిద్రాం గతైస్త్వద్వివృతేన శౌరి-
-ర్ద్వారేణ యాతో బహిరాత్తతోషమ్ || ౨౧-౭ ||
త్వం స్వేచ్ఛయా గోపకులే యశోదా-
-నందాత్మజా స్వాపితజీవజాలే |
అజాయథా భక్తజనార్తిహంత్రీ
సర్వం నియంత్రీ సకలార్థదాత్రీ || ౨౧-౮ ||
తవ ప్రభావాద్వసుదేవ ఏకో
గచ్ఛన్నభీతో యమునామయత్నమ్ |
తీర్త్వా నదీం గోకులమాప తత్ర
దాస్యాః కరే స్వం తనయం దదౌ చ || ౨౧-౯ ||
తయైవ దత్తామథ బాలికాం త్వా-
-మాదాయ శీఘ్రం స తతో నివృత్తః |
కారాగృహం ప్రాప్య దదౌ ప్రియాయై
స చాభవత్పూర్వవదేవ బద్ధః || ౨౧-౧౦ ||
త్వద్రోదనోత్థాపితగేహపాలై-
-ర్నివేదితో భోజపతిః సమేత్య |
త్వాం పాదయుగ్మగ్రహణేన కుర్వ-
-న్నధఃశిరస్కాం నిరగాద్గృహాంతాత్ || ౨౧-౧౧ ||
స పోథయామాస శిలాతలే త్వాం
సద్యః సముత్పత్య కరాదముష్య |
దివి స్థితా శంఖగదాదిహస్తా
సురైః స్తుతా స్మేరముఖీ త్వమాత్థ || ౨౧-౧౨ ||
వధేన కిం మే తవ కంస జాత-
-స్తవాంతకః క్వాప్యవిదూరదేశే |
మా ద్రుహ్యతాం సాధుజనో హితం స్వం
విచింతయేత్యుక్తవతీ తిరోఽభూః || ౨౧-౧౩ ||
స భోజరాట్ స్వాంతకనాశనాయ
సర్వాన్ శిశూన్ హంతుమరం బలిష్ఠాన్ |
వత్సాఘముఖ్యానసురాన్నియుజ్య
కృతార్థమాత్మానమమన్యతోచ్చైః || ౨౧-౧౪ ||
కంసోఽస్తి మే చేతసి కామలోభ-
-క్రోధాదిమంత్రిప్రవరైః సమేతః |
సద్భావహంతా ఖలు నందపుత్రి
తం నాశయ త్వచ్చరణం నమామి || ౨౧-౧౫ ||
ద్వావింశ దశకమ్ (౨౨) – కృష్ణ కథా >>
సంపూర్ణ దేవీ నారాయణీయం (41 దశకాలు) చూడండి.
గమనిక (15-May) : "శ్రీ దక్షిణామూర్తి స్తోత్రనిధి" ప్రింటింగు పూర్తి అయినది. కొనుగోలు చేయుటకు ఈ లింకు క్లిక్ చేయండి - Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
