Read in తెలుగు / ಕನ್ನಡ / தமிழ் / देवनागरी / English (IAST)
|| రావణైకశతశిరశ్ఛేదనమ్ ||
తౌ తదా యుధ్యమానౌ తు సమరే రామరావణౌ |
దదృశుః సర్వభూతాని విస్మితేనాంతరాత్మనా || ౧ ||
అర్దయంతౌ తు సమరే తయోస్తౌ స్యందనోత్తమౌ |
పరస్పరమభిక్రుద్ధౌ పరస్పరమభిద్రుతౌ || ౨ ||
పరస్పరవధే యుక్తౌ ఘోరరూపౌ బభూవతుః |
మండలాని చ వీథీశ్చ గతప్రత్యాగతాని చ || ౩ ||
దర్శయంతౌ బహువిధాం సూతసారథ్యజాం గతిమ్ |
అర్దయన్రావణం రామో రాఘవం చాపి రావణః || ౪ ||
గతివేగం సమాపన్నౌ ప్రవర్తననివర్తనే |
క్షిపతోః శరజాలాని తయోస్తౌ స్యందనోత్తమౌ || ౫ ||
చేరతుః సంయుగమహీం సాసారౌ జలదౌ యథా |
దర్శయిత్వా తథా తౌ తు గతిం బహువిధాం రణే || ౬ ||
పరస్పరస్యాభిముఖౌ పునరేవావతస్థతుః |
ధురం ధురేణ రథయోర్వక్త్రం వక్త్రేణ వాజినామ్ || ౭ ||
పతాకాశ్చ పతాకాభిః సమేయుః స్థితయోస్తదా |
రావణస్య తతో రామో ధనుర్ముక్తైః శితైః శరైః || ౮ ||
చతుర్భిశ్చతురో దీప్తైర్హయాన్ప్రత్యపసర్పయత్ |
స క్రోధవశమాపన్నో హయానామపసర్పణే || ౯ ||
ముమోచ నిశితాన్బాణాన్రాఘవాయ నిశాచరః |
సోఽతివిద్ధో బలవతా దశగ్రీవేణ రాఘవః || ౧౦ ||
జగామ న వికారం చ న చాపి వ్యథితోఽభవత్ |
చిక్షేప చ పునర్బాణాన్వజ్రపాతసమస్వనాన్ || ౧౧ ||
సారథిం వజ్రహస్తస్య సముద్దిశ్య నిశాచరః |
మాతలేస్తు మహావేగాః శరీరే పతితాః శరాః || ౧౨ ||
న సూక్ష్మమపి సమ్మోహం వ్యథాం వా ప్రదదుర్యుధి |
తయా ధర్షణయా క్రుద్ధో మాతలేర్న తథాఽఽత్మనః || ౧౩ ||
చకార శరజాలేన రాఘవో విముఖం రిపుమ్ |
వింశతం త్రింశతం షష్టిం శతశోఽథ సహస్రశః || ౧౪ ||
ముమోచ రాఘవో వీరః సాయకాన్ స్యందనే రిపోః |
రావణోఽపి తతః క్రుద్ధో రథస్థో రాక్షసేశ్వరః || ౧౫ ||
గదాముసలవర్షేణ రామం ప్రత్యర్దయద్రణే |
తత్ప్రవృత్తం మహద్యుద్ధం తుములం రోమహర్షణమ్ || ౧౬ ||
గదానాం ముసలానాం చ పరిఘాణాం చ నిఃస్వనైః |
శరాణాం పుంఖపాతైశ్చ క్షుభితాః సప్త సాగరాః || ౧౭ ||
క్షుబ్ధానాం సాగరాణాం చ పాతాలతలవాసినః |
వ్యథితాః పన్నగాః సర్వే దానవాశ్చ సహస్రశః || ౧౮ ||
చకంపే మేదినీ కృత్స్నా సశైలవనకాననా |
భాస్కరో నిష్ప్రభశ్చాసీన్న వవౌ చాపి మారుతః || ౧౯ ||
తతో దేవాః సగంధర్వాః సిద్ధాశ్చ పరమర్షయః |
చింతామాపేదిరే సర్వే సకిన్నరమహోరగాః || ౨౦ ||
స్వస్తి గోబ్రాహ్మణేభ్యస్తు లోకాస్తిష్ఠంతు శాశ్వతాః |
జయతాం రాఘవః సంఖ్యే రావణం రాక్షసేశ్వరమ్ || ౨౧ ||
ఏవం జపంతోఽపశ్యంస్తే దేవాః సర్షిగణాస్తదా |
రామరావణయోర్యుద్ధం సుఘోరం రోమహర్షణమ్ || ౨౨ ||
గంధర్వాప్సరసాం సంఘా దృష్ట్వా యుద్ధమనూపమమ్ |
గగనం గగనాకారం సాగరః సాగరోపమః || ౨౩ ||
రామరావణయోర్యుద్ధం రామరావణయోరివ |
ఏవం బ్రువంతో దదృశుస్తద్యుద్ధం రామరావణమ్ || ౨౪ ||
తతః క్రుద్ధో మహాబాహూ రఘూణాం కీర్తివర్ధనః |
సంధాయ ధనుషా రామః క్షురమాశీవిషోపమమ్ || ౨౫ ||
రావణస్య శిరోచ్ఛిందచ్ఛ్రీమజ్జ్వలితకుండలమ్ |
తచ్ఛిరః పతితం భూమౌ దృష్టం లోకైస్త్రిభిస్తదా || ౨౬ ||
తస్యైవ సదృశం చాన్యద్రావణస్యోత్థితం శిరః |
తత్క్షిప్రం క్షిప్రహస్తేన రామేణ క్షిప్రకారిణా || ౨౭ ||
ద్వితీయం రావణశిరశ్ఛిన్నం సంయతి సాయకైః |
ఛిన్నమాత్రం తు తచ్ఛీర్షం పునరన్యత్స్మ దృశ్యతే || ౨౮ ||
తదప్యశనిసంకాశైశ్ఛిన్నం రామేణ సాయకైః |
ఏవమేకశతం ఛిన్నం శిరసాం తుల్యవర్చసామ్ || ౨౯ ||
న చైవ రావణస్యాంతో దృశ్యతే జీవితక్షయే |
తతః సర్వాస్త్రవిద్వీరః కౌసల్యానందవర్ధనః || ౩౦ ||
మార్గణైర్బహుభిర్యుక్తశ్చింతయామాస రాఘవః |
మారీచో నిహతో యైస్తు ఖరో యైస్తు సదూషణః || ౩౧ ||
క్రౌంచావనే విరాధస్తు కబంధో దండకావనే |
యైః సాలా గిరయో భగ్నా వాలీ చ క్షుభితోఽంబుధిః || ౩౨ ||
త ఇమే సాయకాః సర్వే యుద్ధే ప్రాత్యయికా మమ |
కింను తత్కారణం యేన రావణే మందతేజసః || ౩౩ ||
ఇతి చింతాపరశ్చాసీదప్రమత్తశ్చ సంయుగే |
వవర్ష శరవర్షాణి రాఘవో రావణోరసి || ౩౪ ||
రావణోఽపి తతః క్రుద్ధో రథస్థో రాక్షసేశ్వరః |
గదాముసలవర్షేణ రామం ప్రత్యర్దయద్రణే || ౩౫ ||
తత్ప్రవృత్తం మహద్యుద్ధం తుములం రోమహర్షణమ్ |
అంతరిక్షే చ భూమౌ చ పునశ్చ గిరిమూర్ధని || ౩౬ ||
దేవదానవయక్షాణాం పిశాచోరగరక్షసామ్ |
పశ్యతాం తన్మహద్యుద్ధం సర్వరాత్రమవర్తత || ౩౭ ||
నైవ రాత్రం న దివసం న ముహూర్తం న చ క్షణమ్ |
రామరావణయోర్యుద్ధం విరామముపగచ్ఛతి || ౩౮ ||
దశరథసుతరాక్షసేంద్రయోః
జయమనవేక్ష్య రణే స రాఘవస్య |
సురవరరథసారథిర్మహాన్
రణగతమేనమువాచ వాక్యమాశు || ౩౯ ||
ఇత్యార్షే శ్రీమద్రామాయణే వాల్మీకీయే ఆదికావ్యే యుద్ధకాండే దశోత్తరశతతమః సర్గః || ౧౧౦ ||
యుద్ధకాండ ఏకాదశోత్తరశతతమః సర్గః (౧౧౧) >>
సంపూర్ణ శ్రీవాల్మీకి రామాయణ యుద్ధకాండ చూడండి.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
