Read in తెలుగు / ಕನ್ನಡ / தமிழ் / देवनागरी / English (IAST)
|| దేవాంతకాదివధః ||
నరాంతకం హతం దృష్ట్వా చుక్రుశుర్నైరృతర్షభాః |
దేవాంతకస్త్రిమూర్ధా చ పౌలస్త్యశ్చ మహోదరః || ౧ ||
ఆరూఢో మేఘసంకాశం వారణేంద్రం మహోదరః |
వాలిపుత్రం మహావీర్యమభిదుద్రావ వీర్యవాన్ || ౨ ||
భ్రాతృవ్యసనసంతప్తస్తథా దేవాంతకో బలీ |
ఆదాయ పరిఘం దీప్తమంగదం సమభిద్రవత్ || ౩ ||
రథమాదిత్యసంకాశం యుక్తం పరమవాజిభిః |
ఆస్థాయ త్రిశిరా వీరో వాలిపుత్రమథాభ్యయాత్ || ౪ ||
స త్రిభిర్దేవదర్పఘ్నైర్నైరృతేంద్రైరభిద్రుతః |
వృక్షముత్పాటయామాస మహావిటపమంగదః || ౫ ||
దేవాంతకాయ తం వీరశ్చిక్షేప సహసాఽంగదః |
మహావృక్షం మహాశాఖం శక్రో దీప్తమివాశనిమ్ || ౬ ||
త్రిశిరాస్తం ప్రచిచ్ఛేద శరైరాశీవిషోపమైః |
స వృక్షం కృత్తమాలోక్య ఉత్పపాత తదాఽంగదః || ౭ ||
స వవర్ష తతో వృక్షాన్ శైలాంశ్చ కపికుంజరః |
తాన్ప్రచిచ్ఛేద సంక్రుద్ధస్త్రిశిరా నిశితైః శరైః || ౮ ||
పరిఘాగ్రేణ తాన్వృక్షాన్బభంజ చ సురాంతకః |
త్రిశిరాశ్చాంగదం వీరమబిదుద్రావ సాయకైః || ౯ ||
గజేన సమభిద్రుత్య వాలిపుత్రం మహోదరః |
జఘానోరసి సంక్రుద్ధస్తోమరైర్వజ్రసన్నిభైః || ౧౦ ||
దేవాంతకశ్చ సంక్రుద్ధః పరిఘేణ తదాఽంగదమ్ |
ఉపగమ్యాభిహత్యాశు వ్యపచక్రామ వేగవాన్ || ౧౧ ||
స త్రిభిర్నైరృతశ్రేష్ఠైర్యుగపత్సమభిద్రుతః |
న వివ్యథే మహాతేజా వాలిపుత్రః ప్రతాపవాన్ || ౧౨ ||
స వేగవాన్మహావేగం కృత్వా పరమదుర్జయః |
తలేన భృశముత్పత్య జఘానాస్య మహాగజమ్ || ౧౩ ||
తస్య తేన ప్రహారేణ నాగరాజస్య సంయుగే |
పేతతుర్లోచనే తస్య విననాద స వారణః || ౧౪ ||
విషాణం చాస్య నిష్కృష్య వాలిపుత్రో మహాబలః |
దేవాంతకమభిప్లుత్య తాడయామాస సంయుగే || ౧౫ ||
స విహ్వలితసర్వాంగో వాతోద్ధూత ఇవ ద్రుమః |
లాక్షారససవర్ణం చ సుస్రావ రుధిరం ముఖాత్ || ౧౬ ||
అథాశ్వాస్య మహాతేజాః కృచ్ఛ్రాద్దేవాంతకో బలీ |
ఆవిధ్య పరిఘం ఘోరమాజఘాన తదాఽంగదమ్ || ౧౭ ||
పరిఘాభిహతశ్చాపి వానరేంద్రాత్మజస్తదా |
జానుభ్యాం పతితో భూమౌ పునరేవోత్పపాత హ || ౧౮ ||
తముత్పతంతం త్రిశిరాస్త్రిభిర్బాణైరజిహ్మగైః |
ఘోరైర్హరిపతేః పుత్రం లలాటేఽభిజఘాన హ || ౧౯ ||
తతోఽంగదం పరిక్షిప్తం త్రిభిర్నైరృతపుంగవైః |
హనుమానపి విజ్ఞాయ నీలశ్చాపి ప్రతస్థతుః || ౨౦ ||
తతశ్చిక్షేప శేలాగ్రం నీలస్త్రిశిరసే తదా |
తద్రావణసుతో ధీమాన్బిభేద నిశితైః శరైః || ౨౧ ||
తద్బాణశతనిర్భిన్నం విదారితశిలాతలమ్ |
సవిస్ఫులింగం సజ్వాలం నిపపాత గిరేః శిరః || ౨౨ ||
తతో జృంభితమాలోక్య హర్షాద్దేవాంతకస్తదా |
పరిఘేణాభిదుద్రావ మారుతాత్మజమాహవే || ౨౩ ||
తమాపతంతముత్ప్లుత్య హనుమాన్మారుతాత్మజః |
ఆజఘాన తదా మూర్ధ్ని వజ్రకల్పేన ముష్టినా || ౨౪ ||
శిరసి ప్రహరన్వీరస్తదా వాయుసుతో బలీ |
నాదేనాకంపయచ్చైవ రాక్షసాన్స మహాకపిః || ౨౫ ||
స ముష్టినిష్పిష్టవికీర్ణమూర్ధా
నిర్వాంతదంతాక్షివిలంబిజిహ్వః |
దేవాంతకో రాక్షసరాజసూనుః
గతాసురుర్వ్యాం సహసా పపాత || ౨౬ ||
తస్మిన్హతే రాక్షసయోధముఖ్యే
మహాబలే సంయతి దేవశత్రౌ |
క్రుద్ధస్త్రిమూర్ధా నిశితాగ్రముగ్రం
వవర్ష నీలోరసి బాణవర్షమ్ || ౨౭ ||
మహోదరస్తు సంక్రుద్ధః కుంజరం పర్వతోపమమ్ |
భూయః సమధిరుహ్యాశు మందరం రశ్మిమానివ || ౨౮ ||
తతో బాణమయం వర్షం నీలస్యోరస్యపాతయత్ |
గిరౌ వర్షం తడిచ్చక్రచాపవానివ తోయదః || ౨౯ ||
తతః శరౌఘైరభివర్ష్యమాణో
విభిన్నగాత్రః కపిసైన్యపాలః |
నీలో బభూవాథ నిసృష్టగాత్రో
విష్టంభితస్తేన మహాబలేన || ౩౦ ||
తతస్తు నీలః ప్రతిలభ్య సంజ్ఞాం
శైలం సముత్పాట్య సవృక్షషండమ్ |
తతః సముత్పత్య భృశోగ్రవేగో
మహోదరం తేన జఘాన మూర్ధ్ని || ౩౧ ||
తతః స శైలేంద్రనిపాతభగ్నో
మహోదరస్తేన మహాద్విపేన |
విపోథితో భూమితలే గతాసుః
పపాత వజ్రాభిహతో యథాద్రిః || ౩౨ ||
పితృవ్యం నిహతం దృష్ట్వా త్రిశిరాశ్చాపమాదదే |
హనుమంతం చ సంక్రుద్ధో వివ్యాధ నిశితైః శరైః || ౩౩ ||
స వాయుసూనుః కుపితశ్చిక్షేప శిఖరం గిరేః |
త్రిశిరాస్తచ్ఛరైస్తీక్ష్ణైర్బిభేద బహుధా బలీ || ౩౪ ||
తద్వ్యర్థం శిఖరం దృష్ట్వా ద్రుమవర్షం మహాకపిః |
విససర్జ రణే తస్మిన్రావణస్య సుతం ప్రతి || ౩౫ ||
తమాపతంతమాకాశే ద్రుమవర్షం ప్రతాపవాన్ |
త్రిశిరా నిశితైర్బాణైశ్చిచ్ఛేద చ ననాద చ || ౩౬ ||
తతో హనూమానుత్ప్లుత్య హయాంస్త్రిశిరసస్తదా |
విదదార నఖైః క్రుద్ధో గజేంద్రం మృగరాడివ || ౩౭ ||
అథ శక్తిం సమాదాయ కాలరాత్రిమివాంతకః |
చిక్షేపానిలపుత్రాయ త్రిశిరా రావణాత్మజః || ౩౮ ||
దివః క్షిప్తామివోల్కాం తాం శక్తిం క్షిప్తామసంగతామ్ |
గృహీత్వా హరిశార్దూలో బభంజ చ ననాద చ || ౩౯ ||
తాం దృష్ట్వా ఘోరసంకాశాం శక్తిం భగ్నాం హనూమతా |
ప్రహృష్టా వానరగణా వినేదుర్జలదా ఇవ || ౪౦ ||
తతః ఖడ్గం సముద్యమ్య త్రిశిరా రాక్షసోత్తమః |
నిజఘాన తదా వ్యూఢే వాయుపుత్రస్య వక్షసి || ౪౧ ||
ఖడ్గప్రహారాభిహతో హనూమాన్మారుతాత్మజః |
ఆజఘాన త్రిశిరసం తలేనోరసి వీర్యవాన్ || ౪౨ ||
స తలాభిహతస్తేన స్రస్తహస్తాయుధో భువి |
నిపపాత మహాతేజాస్త్రిశిరాస్త్యక్తచేతనః || ౪౩ ||
స తస్య పతతః ఖడ్గం సమాచ్ఛిద్య మహాకపిః |
ననాద గిరిసంకాశస్త్రాసయన్సర్వనైరృతాన్ || ౪౪ ||
అమృష్యమాణస్తం ఘోషముత్పపాత నిశాచరః |
ఉత్పత్య చ హనూమంతం తాడయామాస ముష్టినా || ౪౫ ||
తేన ముష్టిప్రహారేణ సంచుకోప మహాకపిః |
కుపితశ్చ నిజగ్రాహ కిరీటే రాక్షసర్షభమ్ || ౪౬ ||
స తస్య శీర్షాణ్యసినా శితేన
కిరీటజుష్టాని సకుండలాని |
క్రుద్ధః ప్రచిచ్ఛేద సుతోఽనిలస్య
త్వష్టుః సుతస్యేవ శిరాంసి శక్రః || ౪౭ ||
తాన్యాయతాక్షాణ్యగసన్నిభాని
ప్రదీప్తవైశ్వానరలోచనాని |
పేతుః శిరాంసీంద్రరిపోర్ధరణ్యాం
జ్యోతీంషి ముక్తాని యథాఽర్కమార్గాత్ || ౪౮ ||
తస్మిన్హతే దేవరిపౌ త్రిశీర్షే
హనూమతా శక్రపరాక్రమేణ |
నేదుః ప్లవంగాః ప్రచచాల భూమీ
రక్షాంస్యథో దుద్రువిరే సమంతాత్ || ౪౯ ||
హతం త్రిశిరసం దృష్ట్వా తథైవ చ మహోదరమ్ |
హతౌ ప్రేక్ష్య దురాధర్షౌ దేవాంతకనరాంతకౌ || ౫౦ ||
చుకోప పరమామర్షీ మత్తో రాక్షసపుంగవః |
జగ్రాహార్చిష్మతీం ఘోరాం గదాం సర్వాయసీం శుభామ్ || ౫౧ ||
హేమపట్టపరిక్షిప్తాం మాంసశోణితఫేనిలామ్ |
విరాజమానాం వపుషా శత్రుశోణితరంజితామ్ || ౫౨ ||
తేజసా సంప్రదీప్తాగ్రాం రక్తమాల్యావిభూషితామ్ |
ఐరావతమహాపద్మసార్వభౌమభయావహామ్ || ౫౩ ||
గదామాదాయ సంక్రుద్ధో మత్తో రాక్షసపుంగవః |
హరీన్సమభిదుద్రావ యుగాంతాగ్నిరివ జ్వలన్ || ౫౪ ||
అథర్షభః సముత్పత్య వానరో రావణానుజమ్ |
మత్తానీకముపాగమ్య తస్థౌ తస్యాగ్రతో బలీ || ౫౫ ||
తం పురస్తాత్స్థితం దృష్ట్వా వానరం పర్వతోపమమ్ |
ఆజఘానోరసి క్రుద్ధో గదయా వజ్రకల్పయా || ౫౬ ||
స తయాఽభిహతస్తేన గదయా వానరర్షభః |
భిన్నవక్షాః సమాధూతః సుస్రావ రుధిరం బహు || ౫౭ ||
స సంప్రాప్య చిరాత్సంజ్ఞామృషభో వానరర్షభః |
అభిదుద్రావ వేగేన గదాం తస్య మహాత్మనః || ౫౮ || [జగ్రాహ]
గృహీత్వా తాం గదాం భీమామావిధ్య చ పునః పునః |
మత్తానీకం మహాత్మానం జఘాన రణమూర్ధని || ౫౯ ||
స స్వయా గదయా భగ్నో విశీర్ణదశనేక్షణః |
నిపపాత తతో మత్తో వజ్రాహత ఇవాచలః || ౬౦ ||
విశీర్ణనయనే భూమౌ గతసత్త్వే గతాయుషి |
పతితే రాక్షసే తస్మిన్విద్రుతం రాక్షసం బలమ్ || ౬౧ ||
తస్మిన్హతే భ్రాతరి రావణస్య
తన్నైరృతానాం బలమర్ణవాభమ్ |
త్యక్తాయుధం కేవలజీవితార్థం
దుద్రావ భిన్నార్ణవసన్నికాశమ్ || ౬౨ ||
ఇత్యార్షే శ్రీమద్రామాయణే వాల్మీకీయే ఆదికావ్యే యుద్ధకాండే సప్తతితమః సర్గః || ౭౦ ||
యుద్ధకాండ ఏకసప్తతితమః సర్గః (౭౧) >>
సంపూర్ణ శ్రీవాల్మీకి రామాయణ యుద్ధకాండ చూడండి.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
