Read in తెలుగు / ಕನ್ನಡ / தமிழ் / देवनागरी / English (IAST)
|| triśaṅkuyājanaprārthanā ||
tataḥ santaptahr̥dayaḥ smarannigrahamātmanaḥ |
viniḥśvasya viniḥśvasya kr̥tavairō mahātmanā || 1 ||
sa dakṣiṇāṁ diśaṁ gatvā mahiṣyā saha rāghava |
tatāpa paramaṁ ghōraṁ viśvāmitrō mahattapaḥ || 2 ||
athāsya jajñirē putrāḥ satyadharmaparāyaṇāḥ |
haviḥṣyandō madhuṣyandō dr̥ḍhanētrō mahārathaḥ || 3 ||
pūrṇē varṣasahasrē tu brahmā lōkapitāmahaḥ |
abravīnmadhuraṁ vākyaṁ viśvāmitraṁ tapōdhanam || 4 ||
jitā rājarṣilōkāstē tapasā kuśikātmaja |
anēna tapasā tvāṁ tu rājarṣiriti vidmahē || 5 ||
ēvamuktvā mahātējā jagāma saha daivataiḥ |
triviṣṭapaṁ brahmalōkaṁ lōkānāṁ paramēśvaraḥ || 6 ||
viśvāmitrō:’pi tacchrutvā hriyā kiñcidavāṅmukhaḥ |
duḥkhēna mahatā:’:’viṣṭaḥ samanyuridamabravīt || 7 ||
tapaśca sumahattaptaṁ rājarṣiriti māṁ viduḥ |
dēvāḥ sarṣigaṇāḥ sarvē nāsti manyē tapaḥphalam || 8 ||
iti niścitya manasā bhūyaiva mahātapāḥ |
tapaścacāra kākutstha paramaṁ paramātmavān || 9 ||
ētasminnēva kālē tu satyavādī jitēndriyaḥ |
triśaṅkuriti vikhyāta ikṣvākukulavardhanaḥ || 10 ||
tasya buddhiḥ samutpannā yajēyamiti rāghava |
gacchēyaṁ svaśarīrēṇa dēvānāṁ paramāṁ gatim || 11 ||
sa vasiṣṭhaṁ samāhūya kathayāmāsa cintitam |
aśakyamiti cāpyuktō vasiṣṭhēna mahātmanā || 12 ||
pratyākhyātō vasiṣṭhēna sa yayau dakṣiṇāṁ diśam |
tatastatkarmasiddhyarthaṁ putrāṁstasya gatō nr̥paḥ || 13 ||
vāsiṣṭhā dīrghatapasastapō yatra hi tēpirē |
triśaṅkuḥ sumahātējāḥ śataṁ paramabhāsvaram || 14 ||
vasiṣṭhaputrāndadr̥śē tapyamānānyaśasvinaḥ |
sō:’bhigamya mahātmānaḥ sarvānēva gurōḥ sutān || 15 ||
abhivādyānupūrvyēṇa hriyā kiñcidavāṅmukhaḥ |
abravītsumahābhāgānsarvānēva kr̥tāñjaliḥ || 16 ||
śaraṇaṁ vaḥ prapadyē:’haṁ śaraṇyān śaraṇāgataḥ |
pratyākhyātō:’smi bhadraṁ vō vasiṣṭhēna mahātmanā || 17 ||
yaṣṭukāmō mahāyajñaṁ tadanujñātumarhatha |
guruputrānahaṁ sarvānnamaskr̥tya prasādayē || 18 ||
śirasā praṇatō yācē brāhmaṇāṁstapasi sthitān |
tē māṁ bhavantaḥ siddhyarthaṁ yājayantu samāhitāḥ || 19 ||
saśarīrō yathāhaṁ vai dēvalōkamavāpnuyām |
pratyākhyātō vasiṣṭhēna gatimanyāṁ tapōdhanāḥ || 20 ||
guruputrānr̥tē sarvānnāhaṁ paśyāmi kāñcana |
ikṣvākūṇāṁ hi sarvēṣāṁ purōdhāḥ paramā gatiḥ || 21 ||
purōdhasastu vidvāṁsastārayanti sadā nr̥pān |
tasmādanantaraṁ sarvē bhavantō daivataṁ mama || 22 ||
ityārṣē śrīmadrāmāyaṇē vālmīkīyē ādikāvyē bālakāṇḍē saptapañcāśaḥ sargaḥ || 57 ||
bālakāṇḍa aṣṭapañcāśaḥ sargaḥ (58)>>
See more śrī rāma stōtrāṇi for chanting.
See more vālmīki rāmāyaṇam for chanting.
See more vālmīki rāmāyaṇē bālakāṇḍa for chanting.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
