Read in తెలుగు / ಕನ್ನಡ / தமிழ் / देवनागरी / English (IAST)
॥ த்ரிஶங்குயாஜநப்ரார்த²நா ॥
தத꞉ ஸந்தப்தஹ்ருத³ய꞉ ஸ்மரந்நிக்³ரஹமாத்மந꞉ ।
விநி꞉ஶ்வஸ்ய விநி꞉ஶ்வஸ்ய க்ருதவைரோ மஹாத்மநா ॥ 1 ॥
ஸ த³க்ஷிணாம் தி³ஶம் க³த்வா மஹிஷ்யா ஸஹ ராக⁴வ ।
ததாப பரமம் கோ⁴ரம் விஶ்வாமித்ரோ மஹத்தப꞉ ॥ 2 ॥
அதா²ஸ்ய ஜஜ்ஞிரே புத்ரா꞉ ஸத்யத⁴ர்மபராயணா꞉ ।
ஹவி꞉ஷ்யந்தோ³ மது⁴ஷ்யந்தோ³ த்³ருட⁴நேத்ரோ மஹாரத²꞉ ॥ 3 ॥
பூர்ணே வர்ஷஸஹஸ்ரே து ப்³ரஹ்மா லோகபிதாமஹ꞉ ।
அப்³ரவீந்மது⁴ரம் வாக்யம் விஶ்வாமித்ரம் தபோத⁴நம் ॥ 4 ॥
ஜிதா ராஜர்ஷிலோகாஸ்தே தபஸா குஶிகாத்மஜ ।
அநேந தபஸா த்வாம் து ராஜர்ஷிரிதி வித்³மஹே ॥ 5 ॥
ஏவமுக்த்வா மஹாதேஜா ஜகா³ம ஸஹ தை³வதை꞉ ।
த்ரிவிஷ்டபம் ப்³ரஹ்மலோகம் லோகாநாம் பரமேஶ்வர꞉ ॥ 6 ॥
விஶ்வாமித்ரோ(அ)பி தச்ச்²ருத்வா ஹ்ரியா கிஞ்சித³வாங்முக²꞉ ।
து³꞉கே²ந மஹதா(ஆ)விஷ்ட꞉ ஸமந்யுரித³மப்³ரவீத் ॥ 7 ॥
தபஶ்ச ஸுமஹத்தப்தம் ராஜர்ஷிரிதி மாம் விது³꞉ ।
தே³வா꞉ ஸர்ஷிக³ணா꞉ ஸர்வே நாஸ்தி மந்யே தப꞉ப²லம் ॥ 8 ॥
இதி நிஶ்சித்ய மநஸா பூ⁴யைவ மஹாதபா꞉ ।
தபஶ்சசார காகுத்ஸ்த² பரமம் பரமாத்மவாந் ॥ 9 ॥
ஏதஸ்மிந்நேவ காலே து ஸத்யவாதீ³ ஜிதேந்த்³ரிய꞉ ।
த்ரிஶங்குரிதி விக்²யாத இக்ஷ்வாகுகுலவர்த⁴ந꞉ ॥ 10 ॥
தஸ்ய பு³த்³தி⁴꞉ ஸமுத்பந்நா யஜேயமிதி ராக⁴வ ।
க³ச்சே²யம் ஸ்வஶரீரேண தே³வாநாம் பரமாம் க³திம் ॥ 11 ॥
ஸ வஸிஷ்ட²ம் ஸமாஹூய கத²யாமாஸ சிந்திதம் ।
அஶக்யமிதி சாப்யுக்தோ வஸிஷ்டே²ந மஹாத்மநா ॥ 12 ॥
ப்ரத்யாக்²யாதோ வஸிஷ்டே²ந ஸ யயௌ த³க்ஷிணாம் தி³ஶம் ।
ததஸ்தத்கர்மஸித்³த்⁴யர்த²ம் புத்ராம்ஸ்தஸ்ய க³தோ ந்ருப꞉ ॥ 13 ॥
வாஸிஷ்டா² தீ³ர்க⁴தபஸஸ்தபோ யத்ர ஹி தேபிரே ।
த்ரிஶங்கு꞉ ஸுமஹாதேஜா꞉ ஶதம் பரமபா⁴ஸ்வரம் ॥ 14 ॥
வஸிஷ்ட²புத்ராந்த³த்³ருஶே தப்யமாநாந்யஶஸ்விந꞉ ।
ஸோ(அ)பி⁴க³ம்ய மஹாத்மாந꞉ ஸர்வாநேவ கு³ரோ꞉ ஸுதாந் ॥ 15 ॥
அபி⁴வாத்³யாநுபூர்வ்யேண ஹ்ரியா கிஞ்சித³வாங்முக²꞉ ।
அப்³ரவீத்ஸுமஹாபா⁴கா³ந்ஸர்வாநேவ க்ருதாஞ்ஜலி꞉ ॥ 16 ॥
ஶரணம் வ꞉ ப்ரபத்³யே(அ)ஹம் ஶரண்யாந் ஶரணாக³த꞉ ।
ப்ரத்யாக்²யாதோ(அ)ஸ்மி ப⁴த்³ரம் வோ வஸிஷ்டே²ந மஹாத்மநா ॥ 17 ॥
யஷ்டுகாமோ மஹாயஜ்ஞம் தத³நுஜ்ஞாதுமர்ஹத² ।
கு³ருபுத்ராநஹம் ஸர்வாந்நமஸ்க்ருத்ய ப்ரஸாத³யே ॥ 18 ॥
ஶிரஸா ப்ரணதோ யாசே ப்³ராஹ்மணாம்ஸ்தபஸி ஸ்தி²தாந் ।
தே மாம் ப⁴வந்த꞉ ஸித்³த்⁴யர்த²ம் யாஜயந்து ஸமாஹிதா꞉ ॥ 19 ॥
ஸஶரீரோ யதா²ஹம் வை தே³வலோகமவாப்நுயாம் ।
ப்ரத்யாக்²யாதோ வஸிஷ்டே²ந க³திமந்யாம் தபோத⁴நா꞉ ॥ 20 ॥
கு³ருபுத்ராந்ருதே ஸர்வாந்நாஹம் பஶ்யாமி காஞ்சந ।
இக்ஷ்வாகூணாம் ஹி ஸர்வேஷாம் புரோதா⁴꞉ பரமா க³தி꞉ ॥ 21 ॥
புரோத⁴ஸஸ்து வித்³வாம்ஸஸ்தாரயந்தி ஸதா³ ந்ருபாந் ।
தஸ்மாத³நந்தரம் ஸர்வே ப⁴வந்தோ தை³வதம் மம ॥ 22 ॥
இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே பா³லகாண்டே³ ஸப்தபஞ்சாஶ꞉ ஸர்க³꞉ ॥ 57 ॥
பா³லகாண்ட³ அஷ்டபஞ்சாஶ꞉ ஸர்க³꞉ (58) >>
ஸம்பூர்ண வால்மீகி ராமாயணே பா³லகாண்ட³ பார்க்க.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
