Read in తెలుగు / ಕನ್ನಡ / தமிழ் / देवनागरी / English (IAST)
|| విభీషణాక్రోశః ||
సునివిష్టం హితం వాక్యముక్తవంతం విభీషణమ్ |
అబ్రవీత్పరుషం వాక్యం రావణః కాలచోదితః || ౧ ||
వసేత్సహ సపత్నేన క్రుద్ధేనాశీవిషేణ వా |
న తు మిత్రప్రవాదేన సంవసేచ్ఛత్రుసేవినా || ౨ ||
జానామి శీలం జ్ఞాతీనాం సర్వలోకేషు రాక్షస |
హృష్యంతి వ్యసనేష్వేతే జ్ఞాతీనాం జ్ఞాతయః సదా || ౩ ||
ప్రధానం సాధనం వైద్యం ధర్మశీలం చ రాక్షస |
జ్ఞాతయో హ్యవమన్యంతే శూరం పరిభవంతి చ || ౪ ||
నిత్యమన్యోన్యసంహృష్టా వ్యసనేష్వాతతాయినః |
ప్రచ్ఛన్నహృదయా ఘోరా జ్ఞాతయస్తు భయావహాః || ౫ ||
శ్రూయంతే హస్తిభిర్గీతాః శ్లోకాః పద్మవనే క్వచిత్ |
పాశహస్తాన్నరాన్దృష్ట్వా శృణు తాన్గదతో మమ || ౬ ||
నాగ్నిర్నాన్యాని శస్త్రాణి న నః పాశా భయావహాః |
ఘోరాః స్వార్థప్రయుక్తాస్తు జ్ఞాతయో నో భయావహాః || ౭ ||
ఉపాయమేతే వక్ష్యంతి గ్రహణే నాత్ర సంశయః |
కృత్స్నాద్భయాజ్జ్ఞాతిభయం సుకష్టం విదితం చ నః || ౮ ||
విద్యతే గోషు సంపన్నం విద్యతే బ్రాహ్మణే దమః |
విద్యతే స్త్రీషు చాపల్యం విద్యతే జ్ఞాతితో భయమ్ || ౯ ||
తతో నేష్టమిదం సౌమ్య యదహం లోకసత్కృతః |
ఐశ్వర్యేణాభిజాతశ్చ రిపూణాం మూర్ధ్ని చ స్థితః || ౧౦ ||
యథా పుష్కరపర్ణేషు పతితాస్తోయబిందవః |
న శ్లేషముపగచ్ఛంతి తథాఽనార్యేషు సౌహృదమ్ || ౧౧ || [సంగతమ్]
యథా మధుకరస్తర్షాద్రసం విందన్న విద్యతే |
తథా త్వమపి తత్రైవ తథాఽనార్యేషు సౌహృదమ్ || ౧౨ ||
యథా పూర్వం గజః స్నాత్వా గృహ్య హస్తేన వై రజః |
దూషయత్యాత్మనో దేహం తథాఽనార్యేషు సౌహృదమ్ || ౧౩ ||
యథా శరది మేఘానాం సించతామపి గర్జతామ్ |
న భవత్యంబుసంక్లేదస్తథాఽనార్యేషు సౌహృదమ్ || ౧౪ ||
అన్యస్త్వేవంవిధం బ్రూయాద్వాక్యమేతన్నిశాచర |
అస్మిన్ముహూర్తే న భవేత్త్వాం తు ధిక్కులపాంసనమ్ || ౧౫ ||
ఇత్యుక్తః పరుషం వాక్యం న్యాయవాదీ విభీషణః |
ఉత్పపాత గదాపాణిశ్చతుర్భిః సహ రాక్షసైః || ౧౬ ||
అబ్రవీచ్చ తదా వాక్యం జాతక్రోధో విభీషణః |
అంతరిక్షగతః శ్రీమాన్ భ్రాతరం రాక్షసాధిపమ్ || ౧౭ ||
స త్వం భ్రాతాఽసి మే రాజన్ బ్రూహి మాం యద్యదిచ్ఛసి |
జ్యేష్ఠో మాన్యః పితృసమో న చ ధర్మపథే స్థితః || ౧౮ ||
ఇదం తు పరుషం వాక్యం న క్షమామ్యనృతం తవ |
సునీతం హితకామేన వాక్యముక్తం దశానన || ౧౯ ||
న గృహ్ణంత్యకృతాత్మానః కాలస్య వశమాగతాః |
సులభాః పురుషా రాజన్సతతం ప్రియవాదినః || ౨౦ ||
అప్రియస్య తు పథ్యస్య వక్తా శ్రోతా చ దుర్లభః |
బద్ధం కాలస్య పాశేన సర్వభూతాపహారిణా || ౨౧ ||
న నశ్యంతముపేక్షేయం ప్రదీప్తం శరణం యథా |
దీప్తపావకసంకాశైః శితైః కాంచనభూషణైః || ౨౨ ||
న త్వామిచ్ఛామ్యహం ద్రష్టుం రామేణ నిహతం శరైః |
శూరాశ్చ బలవంతశ్చ కృతాస్త్రాశ్చ రణాజిరే || ౨౩ ||
కాలాభిపన్నాః సీదంతి యథా వాలుకసేతవః |
తన్మర్షయతు యచ్చోక్తం గురుత్వాద్ధితమిచ్ఛతా || ౨౪ ||
ఆత్మానం సర్వథా రక్ష పురీం చేమాం సరాక్షసామ్ |
స్వస్తి తేఽస్తు గమిష్యామి సుఖీ భవ మయా వినా || ౨౫ ||
నూనం న తే రావణ కశ్చిదస్తి
రక్షోనికాయేషు సుహృత్సఖా వా |
హితోపదేశస్య స మంత్రవక్తా
యో వారయేత్త్వాం స్వయమేవ పాపాత్ || ౨౬ ||
నివార్యమాణస్య మయా హితైషిణా
న రోచతే తే వచనం నిశాచర |
పరీతకాలా హి గతాయుషో నరా
హితం న గృహ్ణంతి సుహృద్భిరీరితమ్ || ౨౭ ||
ఇత్యార్షే శ్రీమద్రామాయణే వాల్మీకీయే ఆదికావ్యే యుద్ధకాండే షోడశః సర్గః || ౧౬ ||
యుద్ధకాండ సప్తదశః సర్గః (౧౭) >>
సంపూర్ణ శ్రీవాల్మీకి రామాయణ యుద్ధకాండ చూడండి.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
