Read in తెలుగు / ಕನ್ನಡ / தமிழ் / देवनागरी / English (IAST)
|| సుగ్రీవహర్షః ||
తతో మూర్ధ్నా నిపతితం వానరం వానరర్షభః |
దృష్ట్వైవోద్విగ్నహృదయో వాక్యమేతదువాచ హ || ౧ ||
ఉత్తిష్ఠోత్తిష్ఠ కస్మాత్త్వం పాదయోః పతితో మమ |
అభయం తే భవేద్వీర సర్వమేవాభిధీయతామ్ || ౨ ||
[* అధికపాఠః –
కిం సంభ్రమాద్ధితం కృత్స్నం బ్రూహి యద్వక్తుమర్హసి |
కచ్చిన్మధువనే స్వస్తి శ్రోతుమిచ్ఛామి వానర ||
*]
స తు విశ్వాసితస్తేన సుగ్రీవేణ మహాత్మనా |
ఉత్థాయ సుమహాప్రాజ్ఞో వాక్యం దధిముఖోఽబ్రవీత్ || ౩ ||
నైవర్క్షరజసా రాజన్న త్వయా నాపి వాలినా |
వనం నిసృష్టపూర్వం హి భక్షితం తచ్చ వానరైః || ౪ ||
ఏభిః ప్రధర్షితాశ్చైవ వానరా వనరక్షిభిః |
మధూన్యచింతయిత్వేమాన్భక్షయంతి పిబంతి చ || ౫ ||
శిష్టమత్రాపవిధ్యంతి భక్షయంతి తథాఽపరే |
నివార్యమాణాస్తే సర్వే భ్రువౌ వై దర్శయంతి హి || ౬ ||
ఇమే హి సంరబ్ధతరాస్తథా తైః సంప్రధర్షితాః |
వారయంతో వనాత్తస్మాత్క్రుద్ధైర్వానరపుంగవైః || ౭ ||
తతస్తైర్బహుభిర్వీరైర్వానరైర్వానరర్షభ |
సంరక్తనయనైః క్రోధాద్ధరయః ప్రవిచాలితాః || ౮ ||
పాణిభిర్నిహతాః కేచిత్కేచిజ్జానుభిరాహతాః |
ప్రకృష్టాశ్చ యథాకామం దేవమార్గం చ దర్శితాః || ౯ ||
ఏవమేతే హతాః శూరాస్త్వయి తిష్ఠతి భర్తరి |
కృత్స్నం మధువనం చైవ ప్రకామం తైః ప్రభక్ష్యతే || ౧౦ ||
ఏవం విజ్ఞాప్యమానం తం సుగ్రీవం వానరర్షభమ్ |
అపృచ్ఛత్తం మహాప్రాజ్ఞో లక్ష్మణః పరవీరహా || ౧౧ ||
కిమయం వానరో రాజన్వనపః ప్రత్యుపస్థితః |
కం చార్థమభినిర్దిశ్య దుఃఖితో వాక్యమబ్రవీత్ || ౧౨ ||
ఏవముక్తస్తు సుగ్రీవో లక్ష్మణేన మహాత్మనా |
లక్ష్మణం ప్రత్యువాచేదం వాక్యం వాక్యవిశారదః || ౧౩ ||
ఆర్య లక్ష్మణ సంప్రాహ వీరో దధిముఖః కపిః |
అంగదప్రముఖైర్వీరైర్భక్షితం మధు వానరైః || ౧౪ ||
విచిత్య దక్షిణామాశామాగతైర్హరిపుంగవైః |
నైషామకృతకృత్యానామీదృశః స్యాదుపక్రమః || ౧౫ ||
ఆగతైశ్చ ప్రమథితం యథా మధువనం హి తైః |
ధర్షితం చ వనం కృత్స్నముపయుక్తం చ వానరైః || ౧౬ ||
వనం యదాఽభిపన్నాస్తే సాధితం కర్మ వానరైః |
దృష్టా దేవీ న సందేహో న చాన్యేన హనూమతా || ౧౭ ||
న హ్యన్యః సాధనే హేతుః కర్మణోఽస్య హనూమతః |
కార్యసిద్ధిర్మతిశ్చైవ తస్మిన్వానరపుంగవే || ౧౮ ||
వ్యవసాయశ్చ వీర్యం చ శ్రుతం చాపి ప్రతిష్ఠితమ్ |
జాంబవాన్యత్ర నేతా స్యాదంగదశ్చ మహాబలః || ౧౯ ||
హనూమాంశ్చాప్యధిష్ఠాతా న తస్య గతిరన్యథా |
అంగదప్రముఖైర్వీరైర్హతం మధువనం కిల || ౨౦ ||
వారయంతశ్చ సహితాస్తథా జానుభిరాహతాః |
ఏతదర్థమయం ప్రాప్తో వక్తుం మధురవాగిహ || ౨౧ ||
నామ్నా దధిముఖో నామ హరిః ప్రఖ్యాతవిక్రమః |
దృష్టా సీతా మహాబాహో సౌమిత్రే పశ్య తత్త్వతః || ౨౨ ||
అభిగమ్య తథా సర్వే పిబంతి మధు వానరాః |
న చాప్యదృష్ట్వా వైదేహీం విశ్రుతాః పురుషర్షభ || ౨౩ ||
వనం దత్తవరం దివ్యం ధర్షయేయుర్వనౌకసః |
తతః ప్రహృష్టో ధర్మాత్మా లక్ష్మణః సహరాఘవః || ౨౪ ||
శ్రుత్వా కర్ణసుఖాం వాణీం సుగ్రీవవదనాచ్చ్యుతామ్ |
ప్రాహృష్యత భృశం రామో లక్ష్మణశ్చ మహాబలః || ౨౫ ||
శ్రుత్వా దధిముఖస్యేదం సుగ్రీవస్తు ప్రహృష్య చ |
వనపాలం పునర్వాక్యం సుగ్రీవః ప్రత్యభాషత || ౨౬ ||
ప్రీతోఽస్మి సోహం యద్భుక్తం వనం తైః కృతకర్మభిః |
మర్షితం మర్షణీయం చ చేష్టితం కృతకర్మణామ్ || ౨౭ ||
ఇచ్ఛామి శీఘ్రం హనుమత్ప్రధానాన్
శాఖామృగాంస్తాన్మృగరాజదర్పాన్ |
ద్రష్టుం కృతార్థాన్సహ రాఘవాభ్యాం
శ్రోతుం చ సీతాధిగమే ప్రయత్నమ్ || ౨౮ ||
ప్రీతిస్ఫీతాక్షౌ సంప్రహృష్టౌ కుమారౌ
దృష్ట్వా సిద్ధార్థౌ వానరాణాం చ రాజా |
అంగైః సంహృష్టైః కర్మసిద్ధిం విదిత్వా
బాహ్వోరాసన్నాం సోఽతిమాత్రం ననంద || ౨౯ ||
ఇత్యార్షే శ్రీమద్రామాయణే వాల్మీకీయే ఆదికావ్యే సుందరకాండే త్రిషష్టితమః సర్గః || ౬౩ ||
సుందరకాండ సర్గ – చతుఃషష్టితమః సర్గః (౬౪) >>
సంపూర్ణ వాల్మీకి సుందరకాండ చూడండి.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
