Read in తెలుగు / ಕನ್ನಡ / தமிழ் / देवनागरी / English (IAST)
|| హనూమదాదినిర్వేదః ||
శ్రుత్వా తు భీమనిర్హ్రాదం శక్రాశనిసమస్వనమ్ |
వీక్షమాణా దిశః సర్వా దుద్రువుర్వానరర్షభాః || ౧ ||
తానువాచ తతఃసర్వాన్హనుమాన్మారుతాత్మజః |
విషణ్ణవదనాన్దీనాంస్త్రస్తాన్విద్రవతః పృథక్ || ౨ ||
కస్మాద్విషణ్ణవదనా విద్రవధ్వే ప్లవంగమాః |
త్యక్తయుద్ధసముత్సాహాః శూరత్వం క్వ ను వో గతమ్ || ౩ ||
పృష్ఠతోఽనువ్రజధ్వం మామగ్రతో యాంతమాహవే |
శూరైరభిజనోపేతైరయుక్తం హి నివర్తితుమ్ || ౪ ||
ఏవముక్తాః సుసంహృష్టా వాయుపుత్రేణ వానరాః |
శైలశృంగాణ్యగాంశ్చైవ జగృహుర్హృష్టమానసాః || ౫ ||
అభిపేతుశ్చ గర్జంతో రాక్షసాన్వానరర్షభాః |
పరివార్య హనూమంతమన్వయుశ్చ మహాహవే || ౬ ||
స తైర్వానరముఖ్యైశ్చ హనుమాన్సర్వతో వృతః |
హుతాశన ఇవార్చిష్మానదహచ్ఛత్రువాహినీమ్ || ౭ ||
స రాక్షసానాం కదనం చకార సుమహాకపిః |
వృతో వానరసైన్యేన కాలాంతకయమోపమః || ౮ ||
స తు కోపేన చావిష్టః శోకేన చ మహాకపిః |
హనుమాన్రావణిరథేఽపాతయన్మహతీం శిలామ్ || ౯ ||
తామాపతంతీం దృష్ట్వైవ రథః సారథినా తదా |
విధేయాశ్వసమాయుక్తః సుదూరమపవాహితః || ౧౦ ||
తమింద్రజితమప్రాప్య రథస్థం సహసారథిమ్ |
వివేశ ధరణీం భిత్త్వా సా శిలా వ్యర్థముద్యతా || ౧౧ ||
పాతితాయాం శిలాయాం తు రక్షసాం వ్యథితా చమూః |
నిపతంత్యా చ శిలయా రాక్షసా మథితా భృశమ్ || ౧౨ ||
తమభ్యధావన్ శతశో నదంతః కాననౌకసః |
తే ద్రుమాంశ్చ మహావీర్యా గిరిశృంగాణి చోద్యతాః || ౧౩ ||
క్షిపంతీంద్రజితః సంఖ్యే వానరా భీమవిక్రమాః |
వృక్షశైలమహావర్షం విసృజంతః ప్లవంగమాః || ౧౪ ||
శత్రూణాం కదనం చక్రుర్నేదుశ్చ వివిధైః స్వరైః |
వానరైస్తైర్మహావీర్యైర్ఘోరరూపా నిశాచరాః || ౧౫ ||
వీర్యాదభిహతా వృక్షైర్వ్యవేష్టంత రణాజిరే |
స్వసైన్యమభివీక్ష్యాథ వానరార్దితమింద్రజిత్ || ౧౬ ||
ప్రగృహీతాయుధః క్రుద్ధః పరానభిముఖో యయౌ |
స శరౌఘానవసృజన్ స్వసైన్యేనాభిసంవృతః || ౧౭ ||
జఘాన కపిశార్దూలాన్స బహూన్దృష్టవిక్రమః |
శూలైరశనిభిః ఖడ్గైః పట్టిశైః కూటముద్గరైః || ౧౮ ||
తే చాప్యనుచరాస్తస్య వానరాన్జఘ్నురోజసా |
సస్కంధవిటపైః సాలైః శిలాభిశ్చ మహాబలః || ౧౯ ||
హనుమాన్కదనం చక్రే రక్షసాం భీమకర్మణామ్ |
స నివార్య పరానీకమబ్రవీత్తాన్వనౌకసః || ౨౦ ||
హనుమాన్సన్నివర్తధ్వం న నః సాధ్యమిదం బలమ్ |
త్యక్త్వా ప్రాణాన్వివేష్టంతో రామప్రియచికీర్షవః || ౨౧ ||
యన్నిమిత్తం హి యుద్ధ్యామో హతా సా జనకాత్మజా |
ఇమమర్థం హి విజ్ఞాప్య రామం సుగ్రీవమేవ చ || ౨౨ ||
తౌ యత్ప్రతివిధాస్యేతే తత్కరిష్యామహే వయమ్ |
ఇత్యుక్త్వా వానరశ్రేష్ఠో వారయన్సర్వవానరాన్ || ౨౩ ||
శనైః శనైరసంత్రస్తః సబలః సన్న్యవర్తత |
తతః ప్రేక్ష్య హనూమంతం వ్రజంతం యత్ర రాఘవః || ౨౪ ||
స హేతుకామో దుష్టాత్మా గతశ్చైత్యనికుంభిలామ్ |
నికుంభిలామధిష్ఠాయ పావకం జుహవేంద్రజిత్ || ౨౫ ||
యజ్ఞభూమ్యాం తు విధివత్పావకస్తేన రక్షసా |
హూయమానః ప్రజజ్వాల మాంసశోణితభుక్తదా || ౨౬ ||
సోఽర్చిఃపినద్ధో దదృశే హోమశోణితతర్పితః |
సంధ్యాగత ఇవాదిత్యః సుతీవ్రోఽగ్నిః సముత్థితః || ౨౭ ||
అథేంద్రజిద్రాక్షసభూతయే తు
జుహావ హవ్యం విధినా విధానవిత్ |
దృష్ట్వా వ్యతిష్ఠంత చ రాక్షసాస్తే
మహాసమూహేషు నయానయజ్ఞాః || ౨౮ ||
ఇత్యార్షే శ్రీమద్రామాయణే వాల్మీకీయే ఆదికావ్యే యుద్ధకాండే ద్వ్యశీతతమః సర్గః || ౮౨ ||
యుద్ధకాండ త్ర్యశీతితమః సర్గః (౮౩) >>
సంపూర్ణ శ్రీవాల్మీకి రామాయణ యుద్ధకాండ చూడండి.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
