Read in తెలుగు / ಕನ್ನಡ / தமிழ் / देवनागरी / English (IAST)
॥ ஹநூமதா³தி³நிர்வேத³꞉ ॥
ஶ்ருத்வா து பீ⁴மநிர்ஹ்ராத³ம் ஶக்ராஶநிஸமஸ்வநம் ।
வீக்ஷமாணா தி³ஶ꞉ ஸர்வா து³த்³ருவுர்வாநரர்ஷபா⁴꞉ ॥ 1 ॥
தாநுவாச தத꞉ஸர்வாந்ஹநுமாந்மாருதாத்மஜ꞉ ।
விஷண்ணவத³நாந்தீ³நாம்ஸ்த்ரஸ்தாந்வித்³ரவத꞉ ப்ருத²க் ॥ 2 ॥
கஸ்மாத்³விஷண்ணவத³நா வித்³ரவத்⁴வே ப்லவங்க³மா꞉ ।
த்யக்தயுத்³த⁴ஸமுத்ஸாஹா꞉ ஶூரத்வம் க்வ நு வோ க³தம் ॥ 3 ॥
ப்ருஷ்ட²தோ(அ)நுவ்ரஜத்⁴வம் மாமக்³ரதோ யாந்தமாஹவே ।
ஶூரைரபி⁴ஜநோபேதைரயுக்தம் ஹி நிவர்திதும் ॥ 4 ॥
ஏவமுக்தா꞉ ஸுஸம்ஹ்ருஷ்டா வாயுபுத்ரேண வாநரா꞉ ।
ஶைலஶ்ருங்கா³ண்யகா³ம்ஶ்சைவ ஜக்³ருஹுர்ஹ்ருஷ்டமாநஸா꞉ ॥ 5 ॥
அபி⁴பேதுஶ்ச க³ர்ஜந்தோ ராக்ஷஸாந்வாநரர்ஷபா⁴꞉ ।
பரிவார்ய ஹநூமந்தமந்வயுஶ்ச மஹாஹவே ॥ 6 ॥
ஸ தைர்வாநரமுக்²யைஶ்ச ஹநுமாந்ஸர்வதோ வ்ருத꞉ ।
ஹுதாஶந இவார்சிஷ்மாநத³ஹச்ச²த்ருவாஹிநீம் ॥ 7 ॥
ஸ ராக்ஷஸாநாம் கத³நம் சகார ஸுமஹாகபி꞉ ।
வ்ருதோ வாநரஸைந்யேந காலாந்தகயமோபம꞉ ॥ 8 ॥
ஸ து கோபேந சாவிஷ்ட꞉ ஶோகேந ச மஹாகபி꞉ ।
ஹநுமாந்ராவணிரதே²(அ)பாதயந்மஹதீம் ஶிலாம் ॥ 9 ॥
தாமாபதந்தீம் த்³ருஷ்ட்வைவ ரத²꞉ ஸாரதி²நா ததா³ ।
விதே⁴யாஶ்வஸமாயுக்த꞉ ஸுதூ³ரமபவாஹித꞉ ॥ 10 ॥
தமிந்த்³ரஜிதமப்ராப்ய ரத²ஸ்த²ம் ஸஹஸாரதி²ம் ।
விவேஶ த⁴ரணீம் பி⁴த்த்வா ஸா ஶிலா வ்யர்த²முத்³யதா ॥ 11 ॥
பாதிதாயாம் ஶிலாயாம் து ரக்ஷஸாம் வ்யதி²தா சமூ꞉ ।
நிபதந்த்யா ச ஶிலயா ராக்ஷஸா மதி²தா ப்⁴ருஶம் ॥ 12 ॥
தமப்⁴யதா⁴வந் ஶதஶோ நத³ந்த꞉ காநநௌகஸ꞉ ।
தே த்³ருமாம்ஶ்ச மஹாவீர்யா கி³ரிஶ்ருங்கா³ணி சோத்³யதா꞉ ॥ 13 ॥
க்ஷிபந்தீந்த்³ரஜித꞉ ஸங்க்²யே வாநரா பீ⁴மவிக்ரமா꞉ ।
வ்ருக்ஷஶைலமஹாவர்ஷம் விஸ்ருஜந்த꞉ ப்லவங்க³மா꞉ ॥ 14 ॥
ஶத்ரூணாம் கத³நம் சக்ருர்நேது³ஶ்ச விவிதை⁴꞉ ஸ்வரை꞉ ।
வாநரைஸ்தைர்மஹாவீர்யைர்கோ⁴ரரூபா நிஶாசரா꞉ ॥ 15 ॥
வீர்யாத³பி⁴ஹதா வ்ருக்ஷைர்வ்யவேஷ்டந்த ரணாஜிரே ।
ஸ்வஸைந்யமபி⁴வீக்ஷ்யாத² வாநரார்தி³தமிந்த்³ரஜித் ॥ 16 ॥
ப்ரக்³ருஹீதாயுத⁴꞉ க்ருத்³த⁴꞉ பராநபி⁴முகோ² யயௌ ।
ஸ ஶரௌகா⁴நவஸ்ருஜந் ஸ்வஸைந்யேநாபி⁴ஸம்வ்ருத꞉ ॥ 17 ॥
ஜகா⁴ந கபிஶார்தூ³ளாந்ஸ ப³ஹூந்த்³ருஷ்டவிக்ரம꞉ ।
ஶூலைரஶநிபி⁴꞉ க²ட்³கை³꞉ பட்டிஶை꞉ கூடமுத்³க³ரை꞉ ॥ 18 ॥
தே சாப்யநுசராஸ்தஸ்ய வாநராந்ஜக்⁴நுரோஜஸா ।
ஸஸ்கந்த⁴விடபை꞉ ஸாலை꞉ ஶிலாபி⁴ஶ்ச மஹாப³ல꞉ ॥ 19 ॥
ஹநுமாந்கத³நம் சக்ரே ரக்ஷஸாம் பீ⁴மகர்மணாம் ।
ஸ நிவார்ய பராநீகமப்³ரவீத்தாந்வநௌகஸ꞉ ॥ 20 ॥
ஹநுமாந்ஸந்நிவர்தத்⁴வம் ந ந꞉ ஸாத்⁴யமித³ம் ப³லம் ।
த்யக்த்வா ப்ராணாந்விவேஷ்டந்தோ ராமப்ரியசிகீர்ஷவ꞉ ॥ 21 ॥
யந்நிமித்தம் ஹி யுத்³த்⁴யாமோ ஹதா ஸா ஜநகாத்மஜா ।
இமமர்த²ம் ஹி விஜ்ஞாப்ய ராமம் ஸுக்³ரீவமேவ ச ॥ 22 ॥
தௌ யத்ப்ரதிவிதா⁴ஸ்யேதே தத்கரிஷ்யாமஹே வயம் ।
இத்யுக்த்வா வாநரஶ்ரேஷ்டோ² வாரயந்ஸர்வவாநராந் ॥ 23 ॥
ஶநை꞉ ஶநைரஸந்த்ரஸ்த꞉ ஸப³ல꞉ ஸந்ந்யவர்தத ।
தத꞉ ப்ரேக்ஷ்ய ஹநூமந்தம் வ்ரஜந்தம் யத்ர ராக⁴வ꞉ ॥ 24 ॥
ஸ ஹேதுகாமோ து³ஷ்டாத்மா க³தஶ்சைத்யநிகும்பி⁴லாம் ।
நிகும்பி⁴லாமதி⁴ஷ்டா²ய பாவகம் ஜுஹவேந்த்³ரஜித் ॥ 25 ॥
யஜ்ஞபூ⁴ம்யாம் து விதி⁴வத்பாவகஸ்தேந ரக்ஷஸா ।
ஹூயமாந꞉ ப்ரஜஜ்வால மாம்ஸஶோணிதபு⁴க்ததா³ ॥ 26 ॥
ஸோ(அ)ர்சி꞉பிநத்³தோ⁴ த³த்³ருஶே ஹோமஶோணிததர்பித꞉ ।
ஸந்த்⁴யாக³த இவாதி³த்ய꞉ ஸுதீவ்ரோ(அ)க்³நி꞉ ஸமுத்தி²த꞉ ॥ 27 ॥
அதே²ந்த்³ரஜித்³ராக்ஷஸபூ⁴தயே து
ஜுஹாவ ஹவ்யம் விதி⁴நா விதா⁴நவித் ।
த்³ருஷ்ட்வா வ்யதிஷ்ட²ந்த ச ராக்ஷஸாஸ்தே
மஹாஸமூஹேஷு நயாநயஜ்ஞா꞉ ॥ 28 ॥
இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே யுத்³த⁴காண்டே³ த்³வ்யஶீததம꞉ ஸர்க³꞉ ॥ 82 ॥
யுத்³த⁴காண்ட³ த்ர்யஶீதிதம꞉ ஸர்க³꞉ (83) >>
ஸம்பூர்ண வால்மீகி ராமாயணே யுத்³த⁴காண்ட³ பார்க்க.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
