Read in తెలుగు / ಕನ್ನಡ / தமிழ் / देवनागरी / English (IAST)
|| సీతాప్రత్యాదేశః ||
తాం తు పార్శ్వస్థితాం ప్రహ్వాం రామః సంప్రేక్ష్య మైథిలీమ్ |
హృదయాంతర్గతక్రోధో వ్యాహర్తుముపచక్రమే || ౧ ||
ఏషాఽసి నిర్జితా భద్రే శత్రుం జిత్వా మయా రణే |
పౌరుషాద్యదనుష్ఠేయం తదేతదుపపాదితమ్ || ౨ ||
గతోఽస్మ్యంతమమర్షస్య ధర్షణా సంప్రమార్జితా |
అవమానశ్చ శత్రుశ్చ మయా యుగపదుద్ధృతౌ || ౩ ||
అద్య మే పౌరుషం దృష్టమద్య మే సఫలః శ్రమః |
అద్య తీర్ణప్రతిజ్ఞత్వాత్ప్రభవామీహ చాత్మనః || ౪ ||
యా త్వం విరహితా నీతా చలచిత్తేన రక్షసా |
దైవసంపాదితో దోషో మానుషేణ మయా జితః || ౫ ||
సంప్రాప్తమవమానం యస్తేజసా న ప్రమార్జతి |
కస్తస్య పురుషార్థోఽస్తి పురుషస్యాల్పతేజసః || ౬ ||
లంఘనం చ సముద్రస్య లంకాయాశ్చావమర్దనమ్ |
సఫలం తస్య తచ్ఛ్లాఘ్యం మహత్కర్మ హనూమతః || ౭ ||
యుద్ధే విక్రమతశ్చైవ హితం మంత్రయతశ్చ మే |
సుగ్రీవస్య ససైన్యస్య సఫలోఽద్య పరిశ్రమః || ౮ ||
నిర్గుణం భ్రాతరం త్యక్త్వా యో మాం స్వయముపస్థితః |
విభీషణస్య భక్తస్య సఫలోఽద్య పరిశ్రమః || ౯ ||
ఇత్యేవం బ్రువతస్తస్య సీతా రామస్య తద్వచః |
మృగీవోత్ఫుల్లనయనా బభూవాశ్రుపరిప్లుతా || ౧౦ ||
పశ్యతస్తాం తు రామస్య భూయః క్రోధో వ్యవర్ధత |
ప్రభూతాజ్యావసిక్తస్య పావకస్యేవ దీప్యతః || ౧౧ ||
స బద్ధ్వా భ్రుకుటీం వక్త్రే తిర్యక్ప్రేక్షితలోచనః |
అబ్రవీత్పరుషం సీతాం మధ్యే వానరరక్షసామ్ || ౧౨ ||
యత్కర్తవ్యం మనుష్యేణ ధర్షణాం పరిమార్జతా |
తత్కృతం సకలం సీతే శత్రుహస్తాదమర్షణాత్ || ౧౩ ||
నిర్జితా జీవలోకస్య తపసా భావితాత్మనా |
అగస్త్యేన దురాధర్షా మునినా దక్షిణేవ దిక్ || ౧౪ ||
విదితశ్చాస్తు తే భద్రే యోఽయం రణపరిశ్రమః |
స తీర్ణః సుహృదాం వీర్యాన్న త్వదర్థం మయా కృతః || ౧౫ ||
రక్షతా తు మయా వృత్తమపవాదం చ సర్వశః |
ప్రఖ్యాతస్యాత్మవంశస్య న్యంగం చ పరిరక్షతా || ౧౬ ||
ప్రాప్తచారిత్రసందేహా మమ ప్రతిముఖే స్థితా |
దీపో నేత్రాతురస్త్యేవ ప్రతికూలాసి మే దృఢమ్ || ౧౭ ||
తద్గచ్ఛ హ్యభ్యనుజ్ఞాతా యథేష్టం జనకాత్మజే |
ఏతా దశ దిశో భద్రే కార్యమస్తి న మే త్వయా || ౧౮ ||
కః పుమాన్హి కులే జాతః స్త్రియం పరగృహోషితామ్ |
తేజస్వీ పునరాదద్యాత్సుహృల్లేఖ్యేన చేతసా || ౧౯ ||
రావణాంకపరిభ్రష్టాం దృష్టాం దుష్టేన చక్షుషా |
కథం త్వాం పునరాదద్యాం కులం వ్యపదిశన్మహత్ || ౨౦ ||
తదర్థం నిర్జితా మే త్వం యశః ప్రత్యాహృతం మయా |
నాస్తి మే త్వయ్యభిష్వంగో యథేష్టం గమ్యతామితః || ౨౧ ||
ఇతి ప్రవ్యాహృతం భద్రే మయైతత్కృతబుద్ధినా |
లక్ష్మణే భరతే వా త్వం కురు బుద్ధిం యథాసుఖమ్ || ౨౨ ||
సుగ్రీవే వానరేంద్రే వా రాక్షసేంద్రే విభీషణే |
నివేశయ మనః సీతే యథా వా సుఖమాత్మనః || ౨౩ ||
న హి త్వాం రావణో దృష్ట్వా దివ్యరూపాం మనోరమామ్ |
మర్షయేత చిరం సీతే స్వగృహే పరివర్తినీమ్ || ౨౪ ||
తతః ప్రియార్హశ్రవణా తదప్రియం
ప్రియాదుపశ్రుత్య చిరస్య మైథిలీ |
ముమోచ బాష్పం సుభృశం ప్రవేపితా
గజేంద్రహస్తాభిహతేవ సల్లకీ || ౨౫ ||
ఇత్యార్షే శ్రీమద్రామాయణే వాల్మీకీయే ఆదికావ్యే యుద్ధకాండే అష్టాదశోత్తరశతతమః సర్గః || ౧౧౮ ||
యుద్ధకాండ ఏకోనవింశత్యుత్తరశతతమః సర్గః (౧౧౯) >>
సంపూర్ణ శ్రీవాల్మీకి రామాయణ యుద్ధకాండ చూడండి.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
