Read in తెలుగు / ಕನ್ನಡ / தமிழ் / देवनागरी / English (IAST)
|| విభీషణాభిషేకః ||
తే రావణవధం దృష్ట్వా దేవగంధర్వదానవాః |
జగ్ముః స్వైఃస్వైర్విమానైస్తే కథయంతః శుభాః కథాః || ౧ ||
రావణస్య వధం ఘోరం రాఘవస్య పరాక్రమమ్ |
సుయుద్ధం వానరాణాం చ సుగ్రీవస్య చ మంత్రితమ్ || ౨ ||
అనురాగం చ వీర్యం చ సౌమిత్రేర్లక్ష్మణస్య చ |
[* పతివ్రతాత్వం సీతాయా హనూమతి పరాక్రమమ్ | *]
కథయంతో మహాభాగా జగ్ముర్హృష్టా యథాగతమ్ || ౩ ||
రాఘవస్తు రథం దివ్యమింద్రదత్తం శిఖిప్రభమ్ |
అనుజ్ఞాయ మహాభాగో మాతలిం ప్రత్యపూజయత్ || ౪ ||
రాఘవేణాభ్యనుజ్ఞాతో మాతలిః శక్రసారథిః |
దివ్యం తం రథమాస్థాయ దివమేవారురోహ సః || ౫ ||
తస్మింస్తు దివమారూఢే సురసారథిసత్తమే |
రాఘవః పరమప్రీతః సుగ్రీవం పరిషస్వజే || ౬ ||
పరిష్వజ్య చ సుగ్రీవం లక్ష్మణేన ప్రచోదితః |
పూజ్యమానో హరిశ్రేష్ఠైరాజగామ బలాలయమ్ || ౭ ||
అబ్రవీచ్చ తదా రామః సమీపపరివర్తినమ్ |
సౌమిత్రిం సత్యసంపన్నం లక్ష్మణం దీప్తతేజసమ్ || ౮ ||
విభీషణమిమం సౌమ్య లంకాయామభిషేచయ |
అనురక్తం చ భక్తం చ మమ చైవోపకారిణమ్ || ౯ ||
ఏష మే పరమః కామో యదీమం రావణానుజమ్ |
లంకాయాం సౌమ్య పశ్యేయమభిషిక్తం విభీషణమ్ || ౧౦ ||
ఏవముక్తస్తు సౌమిత్రీ రాఘవేణ మహాత్మనా |
తథేత్యుక్త్వా తు సంహృష్టః సౌవర్ణం ఘటమాదదే || ౧౧ ||
తం ఘటం వానరేంద్రాణాం హస్తే దత్త్వా మనోజవాన్ |
ఆదిదేశ మహాసత్త్వాన్సముద్రసలిలానయే || ౧౨ ||
ఇతి శీఘ్రం తతో గత్వా వానరాస్తే మహాబలాః |
ఆగతాస్తజ్జలం గృహ్య సముద్రాద్వానరోత్తమాః || ౧౩ ||
తతస్త్వేకం ఘటం గృహ్య సంస్థాప్య పరమాసనే |
ఘటేన తేన సౌమిత్రిరభ్యషించద్విభీషణమ్ || ౧౪ ||
లంకాయాం రక్షసాం మధ్యే రాజానం రామశాసనాత్ |
విధినా మంత్రదృష్టేన సుహృద్గణసమావృతమ్ || ౧౫ ||
అభ్యషించత్స ధర్మాత్మా శుద్ధాత్మానం విభీషణమ్ |
తస్యామాత్యా జహృషిరే భక్తా యే చాస్య రాక్షసాః || ౧౬ ||
దృష్ట్వాభిషిక్తం లంకాయాం రాక్షసేంద్రం విభీషణమ్ |
స తద్రాజ్యం మహత్ప్రాప్య రామదత్తం విభీషణః || ౧౭ ||
ప్రకృతీః సాంత్వయిత్వా చ తతో రామముపాగమత్ |
అక్షతాన్మోదకాఁల్లాజాన్దివ్యాః సుమనసస్తదా || ౧౮ ||
ఆజహ్రురథ సంహృష్టాః పౌరాస్తస్మై నిశాచరాః |
స తాన్గృహీత్వా దుర్ధర్షో రాఘవాయ న్యవేదయత్ || ౧౯ ||
మంగల్యం మంగలం సర్వం లక్ష్మణాయ చ వీర్యవాన్ |
కృతకార్యం సమృద్ధార్థం దృష్ట్వా రామో విభీషణమ్ || ౨౦ ||
ప్రతిజగ్రాహ తత్సర్వం తస్యైవ ప్రియకామ్యయా |
తతః శైలోపమం వీరం ప్రాంజలిం పార్శ్వతః స్థితమ్ || ౨౧ ||
అబ్రవీద్రాఘవో వాక్యం హనుమంతం ప్లవంగమమ్ |
అనుమాన్య మహారాజమిమం సౌమ్య విభీషణమ్ || ౨౨ ||
గచ్ఛ సౌమ్య పురీం లంకామనుజ్ఞాప్య యథావిధి |
ప్రవిశ్య రావణగృహం విజయేనాభినంద్య చ || ౨౩ ||
వైదేహ్యై మాం కుశలినం ససుగ్రీవం సలక్ష్మణమ్ |
ఆచక్ష్వ వదతాం‍శ్రేష్ఠ రావణం చ మయా హతమ్ || ౨౪ || [జయతాం]
ప్రియమేతదుదాహృత్య మైథిల్యాస్త్వం హరీశ్వర |
ప్రతిగృహ్య చ సందేశముపావర్తితుమర్హసి || ౨౫ ||
ఇత్యార్షే శ్రీమద్రామాయణే వాల్మీకీయే ఆదికావ్యే యుద్ధకాండే పంచదశోత్తరశతతమః సర్గః || ౧౧౫ ||
యుద్ధకాండ షోడశోత్తరశతతమః సర్గః (౧౧౬) >>
సంపూర్ణ శ్రీవాల్మీకి రామాయణ యుద్ధకాండ చూడండి.
గమనిక : హనుమద్విజయోత్సవం (హనుమజ్జయంతి) సందర్భంగా "శ్రీ ఆంజనేయ స్తోత్రనిధి" పుస్తకము కొనుగోలుకు అందుబాటులో ఉంది. Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి మా పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
