Yuddha Kanda Sarga 115 – யுத்³த⁴காண்ட³ பஞ்சத³ஶோத்தரஶததம꞉ ஸர்க³꞉ (115)

॥ விபீ⁴ஷணாபி⁴ஷேக꞉ ॥

தே ராவணவத⁴ம் த்³ருஷ்ட்வா தே³வக³ந்த⁴ர்வதா³நவா꞉ ।
ஜக்³மு꞉ ஸ்வை꞉ஸ்வைர்விமாநைஸ்தே கத²யந்த꞉ ஶுபா⁴꞉ கதா²꞉ ॥ 1 ॥

ராவணஸ்ய வத⁴ம் கோ⁴ரம் ராக⁴வஸ்ய பராக்ரமம் ।
ஸுயுத்³த⁴ம் வாநராணாம் ச ஸுக்³ரீவஸ்ய ச மந்த்ரிதம் ॥ 2 ॥

அநுராக³ம் ச வீர்யம் ச ஸௌமித்ரேர்லக்ஷ்மணஸ்ய ச ।
[* பதிவ்ரதாத்வம் ஸீதாயா ஹநூமதி பராக்ரமம் । *]
கத²யந்தோ மஹாபா⁴கா³ ஜக்³முர்ஹ்ருஷ்டா யதா²க³தம் ॥ 3 ॥

ராக⁴வஸ்து ரத²ம் தி³வ்யமிந்த்³ரத³த்தம் ஶிகி²ப்ரப⁴ம் ।
அநுஜ்ஞாய மஹாபா⁴கோ³ மாதலிம் ப்ரத்யபூஜயத் ॥ 4 ॥

ராக⁴வேணாப்⁴யநுஜ்ஞாதோ மாதலி꞉ ஶக்ரஸாரதி²꞉ ।
தி³வ்யம் தம் ரத²மாஸ்தா²ய தி³வமேவாருரோஹ ஸ꞉ ॥ 5 ॥

தஸ்மிம்ஸ்து தி³வமாரூடே⁴ ஸுரஸாரதி²ஸத்தமே ।
ராக⁴வ꞉ பரமப்ரீத꞉ ஸுக்³ரீவம் பரிஷஸ்வஜே ॥ 6 ॥

பரிஷ்வஜ்ய ச ஸுக்³ரீவம் லக்ஷ்மணேந ப்ரசோதி³த꞉ ।
பூஜ்யமாநோ ஹரிஶ்ரேஷ்டை²ராஜகா³ம ப³லாலயம் ॥ 7 ॥

அப்³ரவீச்ச ததா³ ராம꞉ ஸமீபபரிவர்திநம் ।
ஸௌமித்ரிம் ஸத்யஸம்பந்நம் லக்ஷ்மணம் தீ³ப்ததேஜஸம் ॥ 8 ॥

விபீ⁴ஷணமிமம் ஸௌம்ய லங்காயாமபி⁴ஷேசய ।
அநுரக்தம் ச ப⁴க்தம் ச மம சைவோபகாரிணம் ॥ 9 ॥

ஏஷ மே பரம꞉ காமோ யதீ³மம் ராவணாநுஜம் ।
லங்காயாம் ஸௌம்ய பஶ்யேயமபி⁴ஷிக்தம் விபீ⁴ஷணம் ॥ 10 ॥

ஏவமுக்தஸ்து ஸௌமித்ரீ ராக⁴வேண மஹாத்மநா ।
ததே²த்யுக்த்வா து ஸம்ஹ்ருஷ்ட꞉ ஸௌவர்ணம் க⁴டமாத³தே³ ॥ 11 ॥

தம் க⁴டம் வாநரேந்த்³ராணாம் ஹஸ்தே த³த்த்வா மநோஜவாந் ।
ஆதி³தே³ஶ மஹாஸத்த்வாந்ஸமுத்³ரஸலிலாநயே ॥ 12 ॥

இதி ஶீக்⁴ரம் ததோ க³த்வா வாநராஸ்தே மஹாப³லா꞉ ।
ஆக³தாஸ்தஜ்ஜலம் க்³ருஹ்ய ஸமுத்³ராத்³வாநரோத்தமா꞉ ॥ 13 ॥

ததஸ்த்வேகம் க⁴டம் க்³ருஹ்ய ஸம்ஸ்தா²ப்ய பரமாஸநே ।
க⁴டேந தேந ஸௌமித்ரிரப்⁴யஷிஞ்சத்³விபீ⁴ஷணம் ॥ 14 ॥

லங்காயாம் ரக்ஷஸாம் மத்⁴யே ராஜாநம் ராமஶாஸநாத் ।
விதி⁴நா மந்த்ரத்³ருஷ்டேந ஸுஹ்ருத்³க³ணஸமாவ்ருதம் ॥ 15 ॥

அப்⁴யஷிஞ்சத்ஸ த⁴ர்மாத்மா ஶுத்³தா⁴த்மாநம் விபீ⁴ஷணம் ।
தஸ்யாமாத்யா ஜஹ்ருஷிரே ப⁴க்தா யே சாஸ்ய ராக்ஷஸா꞉ ॥ 16 ॥

த்³ருஷ்ட்வாபி⁴ஷிக்தம் லங்காயாம் ராக்ஷஸேந்த்³ரம் விபீ⁴ஷணம் ।
ஸ தத்³ராஜ்யம் மஹத்ப்ராப்ய ராமத³த்தம் விபீ⁴ஷண꞉ ॥ 17 ॥

ப்ரக்ருதீ꞉ ஸாந்த்வயித்வா ச ததோ ராமமுபாக³மத் ।
அக்ஷதாந்மோத³காம்ˮல்லாஜாந்தி³வ்யா꞉ ஸுமநஸஸ்ததா³ ॥ 18 ॥

ஆஜஹ்ருரத² ஸம்ஹ்ருஷ்டா꞉ பௌராஸ்தஸ்மை நிஶாசரா꞉ ।
ஸ தாந்க்³ருஹீத்வா து³ர்த⁴ர்ஷோ ராக⁴வாய ந்யவேத³யத் ॥ 19 ॥

மங்க³ல்யம் மங்க³ளம் ஸர்வம் லக்ஷ்மணாய ச வீர்யவாந் ।
க்ருதகார்யம் ஸம்ருத்³தா⁴ர்த²ம் த்³ருஷ்ட்வா ராமோ விபீ⁴ஷணம் ॥ 20 ॥

ப்ரதிஜக்³ராஹ தத்ஸர்வம் தஸ்யைவ ப்ரியகாம்யயா ।
தத꞉ ஶைலோபமம் வீரம் ப்ராஞ்ஜலிம் பார்ஶ்வத꞉ ஸ்தி²தம் ॥ 21 ॥

அப்³ரவீத்³ராக⁴வோ வாக்யம் ஹநுமந்தம் ப்லவங்க³மம் ।
அநுமாந்ய மஹாராஜமிமம் ஸௌம்ய விபீ⁴ஷணம் ॥ 22 ॥

க³ச்ச² ஸௌம்ய புரீம் லங்காமநுஜ்ஞாப்ய யதா²விதி⁴ ।
ப்ரவிஶ்ய ராவணக்³ருஹம் விஜயேநாபி⁴நந்த்³ய ச ॥ 23 ॥

வைதே³ஹ்யை மாம் குஶலிநம் ஸஸுக்³ரீவம் ஸலக்ஷ்மணம் ।
ஆசக்ஷ்வ வத³தாம்ஶ்ரேஷ்ட² ராவணம் ச மயா ஹதம் ॥ 24 ॥ [ஜயதாம்]

ப்ரியமேதது³தா³ஹ்ருத்ய மைதி²ல்யாஸ்த்வம் ஹரீஶ்வர ।
ப்ரதிக்³ருஹ்ய ச ஸந்தே³ஶமுபாவர்திதுமர்ஹஸி ॥ 25 ॥

இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே யுத்³த⁴காண்டே³ பஞ்சத³ஶோத்தரஶததம꞉ ஸர்க³꞉ ॥ 115 ॥

யுத்³த⁴காண்ட³ ஷோட³ஶோத்தரஶததம꞉ ஸர்க³꞉ (116) >>

---

ஸம்பூர்ண வால்மீகி ராமாயணே யுத்³த⁴காண்ட³ பார்க்க

 

Did you see any mistake/variation in the content above? Click here to report mistakes and corrections in Stotranidhi content.