Tungabhadra Stuti – తుంగభద్రా స్తుతిః

శ్రీవిభాండక ఉవాచ |
వరాహదేహసంభూతే గిరిజే పాపభంజిని |
దర్శనాన్ముక్తిదే దేవి మహాపాతకినామపి || ౧ ||

వాగ్దేవీ త్వం మహాలక్ష్మీః గిరిజాసి శచీ తథా |
ప్రభా సూర్యస్య దేవేశి మరీచిస్త్వం కలానిధేః || ౨ ||

పర్జన్యస్య యథా విద్యుద్విష్ణోర్మాయా త్వమేవ హి |
తృణగుల్మలతావృక్షాః సిద్ధా దేవా ఉదీరితాః || ౩ ||

దృష్టా స్పృష్టా తథా పీతా వందితా చావగాహితా |
ముక్తిదే పాపినాం దేవి శతకృత్వో నమో నమః || ౪ ||

మాండవ్య ఉవాచ |
నమస్తే తుంగభద్రాయై నమస్తే హరిదేహజే |
నమస్తే వేదగిరిజే శ్రీశైలపదభాజిని || ౧ ||

విష్ణుమాయే విష్ణురూపే విష్వక్సేనప్రియేఽనఘే |
విశ్వంభరే విశాలాక్షి విలసత్కూలసంయుతే |
విలోకయ వినోదేన కురు మాం విగతైనసమ్ || ౨ ||

త్వద్వాతవీజితా భూతా విమలాఘా భవంతి హి |
దర్శనాత్ స్పర్శనాత్ పానాద్వక్తవ్యం కిం ను విద్యతే || ౩ ||

దృష్ట్వా జన్మశతం పాపం స్పృష్ట్వా జన్మశతత్రయమ్ |
పీత్వా జన్మసహస్రాణాం పాపం నాశయ మంగళే || ౪ ||

పుత్రాన్ దారాన్ ధనం ధాన్యం పశువస్త్రాణి యే నరాః |
కామాన్మజ్జనశీలాస్తే యాంతి తత్ఫలమంజసా |
భుక్త్వా యాంతి హరేః స్థానం యావదాచంద్రతారకమ్ || ౫ ||

ఇతి బ్రహ్మాండపురాణే తుంగభద్రామాహాత్మ్యే శ్రీతుంగభద్రాస్తుతిః |


గమనిక: "శ్రీ శివ స్తోత్రనిధి" పుస్తకము ముద్రణ చేయుటకు ఆలోచన చేయుచున్నాము.

Facebook Comments

You may also like...

error: Not allowed
%d bloggers like this: