Read in తెలుగు / ಕನ್ನಡ / தமிழ் / देवनागरी / English (IAST)
śrīvibhāṇḍaka uvāca |
varāhadēhasambhūtē girijē pāpabhañjini |
darśanānmuktidē dēvi mahāpātakināmapi || 1 ||
vāgdēvī tvaṁ mahālakṣmīḥ girijāsi śacī tathā |
prabhā sūryasya dēvēśi marīcistvaṁ kalānidhēḥ || 2 ||
parjanyasya yathā vidyudviṣṇōrmāyā tvamēva hi |
tr̥ṇagulmalatāvr̥kṣāḥ siddhā dēvā udīritāḥ || 3 ||
dr̥ṣṭā spr̥ṣṭā tathā pītā vanditā cāvagāhitā |
muktidē pāpināṁ dēvi śatakr̥tvō namō namaḥ || 4 ||
māṇḍavya uvāca |
namastē tuṅgabhadrāyai namastē haridēhajē |
namastē vēdagirijē śrīśailapadabhājini || 1 ||
viṣṇumāyē viṣṇurūpē viṣvaksēnapriyē:’naghē |
viśvambharē viśālākṣi vilasatkūlasamyutē |
vilōkaya vinōdēna kuru māṁ vigatainasam || 2 ||
tvadvātavījitā bhūtā vimalāghā bhavanti hi |
darśanāt sparśanāt pānādvaktavyaṁ kiṁ nu vidyatē || 3 ||
dr̥ṣṭvā janmaśataṁ pāpaṁ spr̥ṣṭvā janmaśatatrayam |
pītvā janmasahasrāṇāṁ pāpaṁ nāśaya maṅgalē || 4 ||
putrān dārān dhanaṁ dhānyaṁ paśuvastrāṇi yē narāḥ |
kāmānmajjanaśīlāstē yānti tatphalamañjasā |
bhuktvā yānti harēḥ sthānaṁ yāvadācandratārakam || 5 ||
iti brahmāṇḍapurāṇē tuṅgabhadrāmāhātmyē śrī tuṅgabhadrā stutiḥ |
See more vividha stōtrāṇi for chanting.
పైరసీ ప్రకటన : నాగేంద్రాస్ న్యూ గొల్లపూడి వీరాస్వామి సన్ మరియు శ్రీఆదిపూడి వెంకటశివసాయిరామ్ గారు కలిసి మా రెండు పుస్తకాలను ("శ్రీ వారాహీ స్తోత్రనిధి" మరియు "శ్రీ శ్యామలా స్తోత్రనిధి") ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
