Read in తెలుగు / ಕನ್ನಡ / தமிழ் / देवनागरी / English (IAST)
[గమనిక: ఈ స్తోత్రము “శ్రీ వేంకటేశ్వర స్తోత్రనిధి” పారాయణ గ్రంథములో లో కూడా ఉన్నది. Click here to buy.]
శ్రీవేంకటేశం లక్ష్మీశమనిష్టఘ్నమభీష్టదమ్ |
చతుర్ముఖాఖ్యతనయం శ్రీనివాసం భజేఽనిశమ్ || ౧ ||
యదపాంగలవేనైవ బ్రహ్మాద్యాః స్వపదం యయుః |
మహారాజాధిరాజం తం శ్రీనివాసం భజేఽనిశమ్ || ౨ ||
అనంతవేదసంవేద్యం నిర్దోషం గుణసాగరమ్ |
అతీంద్రియం నిత్యముక్తం శ్రీనివాసం భజేఽనిశమ్ || ౩ ||
స్మరణాత్సర్వపాపఘ్నం స్తవనాదిష్టవర్షిణమ్ |
దర్శనాత్ ముక్తిదం చేశం శ్రీనివాసం భజేఽనిశమ్ || ౪ ||
అశేషశయనం శేషశయనం శేషశాయినమ్ |
శేషాద్రీశమశేషం చ శ్రీనివాసం భజేఽనిశమ్ || ౫ ||
భక్తానుగ్రాహకం విష్ణుం సుశాంతం గరుడధ్వజమ్ |
ప్రసన్నవక్త్రనయనం శ్రీనివాసం భజేఽనిశమ్ || ౬ ||
భక్తభక్తిసుపాశేనబద్ధసత్పాదపంకజమ్ |
సనకాదిధ్యానగమ్యం శ్రీనివాసం భజేఽనిశమ్ || ౭ ||
గంగాదితీర్థజనకపాదపద్మం సుతారకమ్ |
శంఖచక్రాఽభయవరం శ్రీనివాసం భజేఽనిశమ్ || ౮ ||
సువర్ణముఖితీరస్థం సువర్ణేడ్యం సువర్ణదమ్ |
సువర్ణాభం సువర్ణాంగం శ్రీనివాసం భజేఽనిశమ్ || ౯ ||
శ్రీవత్సవక్షసం శ్రీశం శ్రీలోలం శ్రీకరగ్రహమ్ |
శ్రీమంతం శ్రీనిధిం శ్రీడ్యం శ్రీనివాసం భజేఽనిశమ్ || ౧౦ ||
వైకుంఠవాసం వైకుంఠత్యాగం వైకుంఠసోదరమ్ |
వైకుంఠదం వికుంఠాజం శ్రీనివాసం భజేఽనిశమ్ || ౧౧ ||
(దశావతారస్తుతిః)
వేదోద్ధారం మత్స్యరూపం స్వచ్ఛాకారం యదృచ్ఛయా |
సత్యవ్రతోద్ధారం సత్యం శ్రీనివాసం భజేఽనిశమ్ || ౧౨ ||
మహాగాధ జలాధారం కచ్ఛపం మందరోద్ధరమ్ |
సుందరాంగం చ గోవిందం శ్రీనివాసం భజేఽనిశమ్ || ౧౩ ||
వరం శ్వేతవరాహాఖ్యం సంహారం ధరణీధరమ్ |
స్వదంష్ట్రాభ్యాం ధరోద్ధారం శ్రీనివాసం భజేఽనిశమ్ || ౧౪ ||
ప్రహ్లాదాహ్లాదకం లక్ష్మీనృసింహం భక్తవత్సలమ్ |
దైత్యమత్తేభదమనం శ్రీనివాసం భజేఽనిశమ్ || ౧౫ ||
( నమస్తే వాసుదేవాయ నమః సంకర్షణాయ చ |
వామనాయ నమస్తుభ్యం శ్రీనివాస స్వరూపిణే || )
వామనం వామనం పూర్ణకామం భానవమాణవమ్ |
మాయినం బలిసంమోహం శ్రీనివాసం భజేఽనిశమ్ || ౧౬ ||
చంద్రాననం కుందదంతం కురాజఘ్నం కుఠారిణమ్ |
సుకుమారం భృగుఋషేః శ్రీనివాసం భజేఽనిశమ్ || ౧౭ ||
శ్రీరామం దశదిగ్వ్యాప్తం దశేంద్రియనియామకమ్ |
దశాస్యఘ్నం దాశరథిం శ్రీనివాసం భజేఽనిశమ్ || ౧౮ ||
గోవర్ధనోద్ధరం బాలం వాసుదేవం యదూత్తమమ్ |
దేవకీతనయం కృష్ణం శ్రీనివాసం భజేఽనిశమ్ || ౧౯ ||
నందనందనమానందం ఇంద్రనీలం నిరంజనమ్ |
శ్రీయశోదాయశోదం చ శ్రీనివాసం భజేఽనిశమ్ || ౨౦ ||
గోబృందావనగం బృందావనగం గోకులాధిపమ్ |
ఉరుగాయం జగన్మోహం శ్రీనివాసం భజేఽనిశమ్ || ౨౧ ||
పారిజాతహరం పాపహరం గోపీమనోహరమ్ |
గోపీవస్త్రహరం గోపం శ్రీనివాసం భజేఽనిశమ్ || ౨౨ ||
కంసాంతకం శంసనీయం సశాంతం సంసృతిచ్ఛిదమ్ |
సంశయచ్ఛేదిసంవేద్యం శ్రీనివాసం భజేఽనిశమ్ || ౨౩ ||
కృష్ణాపతిం కృష్ణగురుం కృష్ణామిత్రమభీష్టదమ్ |
కృష్ణాత్మకం కృష్ణసఖం శ్రీనివాసం భజేఽనిశమ్ || ౨౪ ||
కృష్ణాఽహిమర్దనం గోపైః కృష్ణోపవనలోలుపమ్ |
కృష్ణాతాతం మహోత్కృష్టం శ్రీనివాసం భజేఽనిశమ్ || ౨౫ ||
బుద్ధం సుబోధం దుర్బోధం బోధాత్మానం బుధప్రియమ్ |
విబుధేశం బుధైర్బోధ్యం శ్రీనివాసం భజేఽనిశమ్ || ౨౬ ||
కల్కినం తురగారూఢం కలికల్మషనాశనమ్ |
కళ్యాణదం కలిఘ్నం చ శ్రీనివాసం భజేఽనిశమ్ || ౨౭ ||
శ్రీవేంకటేశం మత్స్వామిన్ జ్ఞానానంద దయానిధే |
భక్తవత్సల భో విశ్వకుటుంబిన్నధునాఽవ మామ్ || ౨౮ ||
అనంత వేదసంవేద్య లక్ష్మీనాథాండకారణ |
జ్ఞానానందైశ్వర్యపూర్ణ నమస్తే కరుణాకర || ౨౯ ||
ఇతి శ్రీ దేవశర్మ కృత శ్రీ శ్రీనివాస తారావళీ |
గమనిక: పైన ఇవ్వబడిన స్తోత్రము, ఈ క్రింది పుస్తకములో కూడా ఉన్నది.
శ్రీ వేంకటేశ్వర స్తోత్రనిధి
(నిత్య పారాయణ గ్రంథము)
మరిన్ని శ్రీ వేంకటేశ్వర స్తోత్రాలు చూడండి.
గమనిక (15-May) : "శ్రీ దక్షిణామూర్తి స్తోత్రనిధి" ప్రింటింగు పూర్తి అయినది. కొనుగోలు చేయుటకు ఈ లింకు క్లిక్ చేయండి - Click here to buy.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
