Sri Shiva Pancharatna Stuti (Krishna Kritam) – శ్రీ శివ పంచరత్న స్తుతిః (కృష్ణ కృతం)


[గమనిక: ఈ స్తోత్రము “శ్రీ శివ స్తోత్రనిధి” పారాయణ గ్రంథములో కూడా ఉన్నది.]

శ్రీకృష్ణ ఉవాచ |
మత్తసింధురమస్తకోపరి నృత్యమానపదాంబుజం
భక్తచింతితసిద్ధిదానవిచక్షణం కమలేక్షణమ్ |
భుక్తిముక్తిఫలప్రదం భవపద్మజాచ్యుతపూజితం
కృత్తివాససమాశ్రయే మమ సర్వసిద్ధిదమీశ్వరమ్ || ౧ ||

విత్తదప్రియమర్చితం కృతకృచ్ఛ్రతీవ్రతపశ్చరైః
ముక్తికామిభిరాశ్రితైర్మునిభిర్దృఢామలభక్తిభిః |
ముక్తిదం నిజపాదపంకజసక్తమానసయోగినాం
కృత్తివాససమాశ్రయే మమ సర్వసిద్ధిదమీశ్వరమ్ || ౨ ||

కృత్తదక్షమఖాధిపం వరవీరభద్రగణేన వై
యక్షరాక్షసమర్త్యకిన్నరదేవపన్నగవందితమ్ |
రక్తభుగ్గణనాథహృద్భ్రమరాంచితాంఘ్రిసరోరుహం
కృత్తివాససమాశ్రయే మమ సర్వసిద్ధిదమీశ్వరమ్ || ౩ ||

నక్తనాథకళాధరం నగజాపయోధరనీరజా-
-లిప్తచందనపంకకుంకుమపంకిలామలవిగ్రహమ్ |
శక్తిమంతమశేషసృష్టివిధాయకం సకలప్రభుం
కృత్తివాససమాశ్రయే మమ సర్వసిద్ధిదమీశ్వరమ్ || ౪ ||

రక్తనీరజతుల్యపాదపయోజసన్మణినూపురం
పత్తనత్రయదేహపాటనపంకజాక్షశిలీముఖమ్ |
విత్తశైలశరాసనం పృథుశింజినీకృతతక్షకం
కృత్తివాససమాశ్రయే మమ సర్వసిద్ధిదమీశ్వరమ్ || ౫ ||

యః పఠేచ్చ దినే దినే స్తవపంచరత్నముమాపతేః
ప్రాతరేవ మయా కృతం నిఖిలాఘతూలమహానలమ్ |
తస్య పుత్రకళత్రమిత్రధనాని సంతు కృపాబలాత్
తే మహేశ్వర శంకరాఖిల విశ్వనాయక శాశ్వత || ౬ ||

ఇతి శ్రీశివమహాపురాణే శ్రీకృష్ణకృత శ్రీశివపంచరత్నస్తుతిః |


గమనిక: పైన ఇవ్వబడిన స్తోత్రము, ఈ క్రింది పుస్తకములో కూడా ఉన్నది.

శ్రీ శివ స్తోత్రనిధి

(నిత్య పారాయణ గ్రంథము)

Click here to buy


మరిన్ని శ్రీ శివ స్తోత్రాలు చూడండి.


గమనిక : "శ్రీ దత్తాత్రేయ స్తోత్రనిధి" పుస్తకము ముద్రణ చేయబోతున్నాము.

Did you see any mistake/variation in the content above? Click here to report mistakes and corrections in Stotranidhi content.

Facebook Comments
error: Not allowed