Read in తెలుగు / ಕನ್ನಡ / தமிழ் / देवनागरी / English (IAST)
[గమనిక: ఈ స్తోత్రము “శ్రీరామ స్తోత్రనిధి” పుస్తకములో కూడా ఉన్నది. Click here to buy.]
సుగ్రీవమిత్రం పరమం పవిత్రం
సీతాకళత్రం నవమేఘగాత్రమ్ |
కారుణ్యపాత్రం శతపత్రనేత్రం
శ్రీరామచంద్రం సతతం నమామి || ౧ ||
సంసారసారం నిగమప్రచారం
ధర్మావతారం హృతభూమిభారమ్ |
సదాఽవికారం సుఖసింధుసారం
శ్రీరామచంద్రం సతతం నమామి || ౨ ||
లక్ష్మీవిలాసం జగతాం నివాసం
లంకావినాశం భువనప్రకాశమ్ |
భూదేవవాసం శరదిందుహాసం
శ్రీరామచంద్రం సతతం నమామి || ౩ ||
మందారమాలం వచనే రసాలం
గుణైర్విశాలం హతసప్తతాళమ్ |
క్రవ్యాదకాలం సురలోకపాలం
శ్రీరామచంద్రం సతతం నమామి || ౪ ||
వేదాంతగానం సకలైస్సమానం
హృతారిమానం త్రిదశప్రధానమ్ |
గజేంద్రయానం విగతావసానం
శ్రీరామచంద్రం సతతం నమామి || ౫ ||
శ్యామాభిరామం నయనాభిరామం
గుణాభిరామం వచనాభిరామమ్ |
విశ్వప్రణామం కృతభక్తకామం
శ్రీరామచంద్రం సతతం నమామి || ౬ ||
లీలాశరీరం రణరంగధీరం
విశ్వైకసారం రఘువంశహారమ్ |
గంభీరవాదం జితసర్వవాదం
శ్రీరామచంద్రం సతతం నమామి || ౭ ||
ఖలే కృతాంతం స్వజనే వినీతం
సామోపగీతం మనసా ప్రతీతమ్ |
రాగేణ గీతం వచనాదతీతం
శ్రీరామచంద్రం సతతం నమామి || ౮ ||
శ్రీరామచంద్రస్య వరాష్టకం త్వాం
మయేరితం దేవి మనోహరం యే |
పఠంతి శృణ్వంతి గృణంతి భక్త్యా
తే స్వీయకామాన్ ప్రలభన్తి నిత్యమ్ || ౯ ||
ఇతి శ్రీరామచంద్రాష్టకమ్ |
ఇతి శతకోటిరామచరితాంతర్గతే శ్రీమదానందరామాయణే వాల్మీకీయే సారకాండే యుద్ధచరితే ద్వాదశసర్గాంతర్గతం శ్రీరామాష్టకం సమాప్తమ్ ||
గమనిక: పైన ఇవ్వబడిన స్తోత్రము, ఈ క్రింది పుస్తకములో కూడా ఉన్నది.
శ్రీ రామ స్తోత్రనిధి
(నిత్య పారాయణ గ్రంథము)
మరిన్ని శ్రీ రామ స్తోత్రాలు చూడండి.
ಗಮನಿಸಿ :"ಪ್ರಭಾತ ಸ್ತೋತ್ರನಿಧಿ" ಪುಸ್ತಕ ಬಿಡುಗಡೆಯಾಗಿದೆ ಮತ್ತು ಈಗ ಖರೀದಿಗೆ ಲಭ್ಯವಿದೆ. Click here to buy
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
