Read in తెలుగు / ಕನ್ನಡ / தமிழ் / देवनागरी / English (IAST)
సుచారువక్త్రమండలం సుకర్ణరత్నకుండలమ్ |
సుచర్చితాంగచందనం నమామి నందనందనమ్ || ౧ ||
సుదీర్ఘనేత్రపంకజం శిఖీశిఖండమూర్ధజమ్ |
అనంతకోటిమోహనం నమామి నందనందనమ్ || ౨ ||
సునాసికాగ్రమౌక్తికం స్వచ్ఛదంతపంక్తికమ్ |
నవాంబుదాంగచిక్కణం నమామి నందనందనమ్ || ౩ ||
కరేణవేణురంజితం గతిః కరీంద్రగంజితమ్ |
దుకూలపీతశోభనం నమామి నందనందనమ్ || ౪ ||
త్రిభంగదేహసుందరం నఖద్యుతిః సుధాకరమ్ |
అమూల్యరత్నభూషణం నమామి నందనందనమ్ || ౫ ||
సుగంధ అంగసౌరభం ఉరో విరాజి కౌస్తుభమ్ |
స్ఫురత్ శ్రీవత్సలాంఛనం నమామి నందనందనమ్ || ౬ ||
వృందావనసునాగరం విలాసానుగవాససమ్ |
సురేంద్రగర్వమోచనం నమామి నందనందనమ్ || ౭ ||
వ్రజాంగనాసునాయకం సదా సుఖప్రదాయకమ్ |
జగన్మనఃప్రలోభనం నమామి నందనందనమ్ || ౮ ||
శ్రీనందనందనాష్టకం పఠేద్యః శ్రద్ధయాన్వితః |
తరేద్భవాబ్ధిదుస్తరం లభేత్తదంఘ్రియుక్తకమ్ || ౯ ||
ఇతి శ్రీనందనందనాష్టకమ్ |
మరిన్ని శ్రీ కృష్ణ స్తోత్రాలు చూడండి.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
