Read in తెలుగు / ಕನ್ನಡ / தமிழ் / देवनागरी / English (IAST)
సనత్కుమార ఉవాచ |
అథ తే కవచం దేవ్యా వక్ష్యే నవరతాత్మకమ్ |
యేన దేవాసురనరజయీ స్యాత్సాధకః సదా || ౧ ||
సర్వతః సర్వదాత్మానం లలితా పాతు సర్వగా |
కామేశీ పురతః పాతు భగమాలీ త్వనంతరమ్ || ౨ ||
దిశం పాతు తథా దక్షపార్శ్వం మే పాతు సర్వదా |
నిత్యక్లిన్నాథ భేరుండా దిశం మే పాతు కౌణపీమ్ || ౩ ||
తథైవ పశ్చిమం భాగం రక్షతాద్వహ్నివాసినీ |
మహావజ్రేశ్వరీ నిత్యా వాయవ్యే మాం సదావతు || ౪ ||
వామపార్శ్వం సదా పాతు ఇతీమేలరితా తతః |
మాహేశ్వరీ దిశం పాతు త్వరితం సిద్ధిదాయినీ || ౫ ||
పాతు మామూర్ధ్వతః శశ్వద్దేవతా కులసుందరీ |
అధో నీలపతాకాఖ్యా విజయా సర్వతశ్చ మామ్ || ౬ ||
కరోతు మే మంగళాని సర్వదా సర్వమంగళా |
దేహేంద్రియమనఃప్రాణాంజ్వాలామాలినివిగ్రహా || ౭ ||
పాలయత్వనిశం చిత్తా చిత్తం మే సర్వదావతు |
కామాత్క్రోధాత్తథా లోభాన్మోహాన్మానాన్మదాదపి || ౮ ||
పాపాన్మాం సర్వతః శోకాత్సంక్షయాత్సర్వతః సదా |
అసత్యాత్క్రూరచింతాతో హింసాతశ్చౌరతస్తథా |
స్తైమిత్యాచ్చ సదా పాతు ప్రేరయంత్యః శుభం ప్రతి || ౯ ||
నిత్యాః షోడశ మాం పాతు గజారూఢాః స్వశక్తిభిః |
తథా హయసమారూఢాః పాతు మాం సర్వతః సదా || ౧౦ ||
సింహారూఢాస్తథా పాతు పాతు ఋక్షగతా అపి |
రథారూఢాశ్చ మాం పాతు సర్వతః సర్వదా రణే || ౧౧ ||
తార్క్ష్యారూఢాశ్చ మాం పాతు తథా వ్యోమగతాశ్చ తాః |
భూతగాః సర్వగాః పాతు పాతు దేవ్యశ్చ సర్వదా || ౧౨ ||
భూతప్రేతపిశాచాశ్చ పరకృత్యాదికాన్ గదాన్ |
ద్రావయంతు స్వశక్తీనాం భూషణైరాయుధైర్మమ || ౧౩ ||
గజాశ్వద్వీపిపంచాస్యతార్క్ష్యారూఢాఖిలాయుధాః |
అసంఖ్యాః శక్తయో దేవ్యః పాతు మాం సర్వతః సదా || ౧౪ ||
సాయం ప్రాతర్జపన్నిత్యాకవచం సర్వరక్షకమ్ |
కదాచిన్నాశుభం పశ్యేత్సర్వదానందమాస్థితః || ౧౫ ||
ఇత్యేతత్కవచం ప్రోక్తం లలితాయాః శుభావహమ్ |
యస్య సంధారణాన్మర్త్యో నిర్భయో విజయీ సుఖీ || ౧౬ ||
ఇతి శ్రీబృహన్నారదీయపురాణే పూర్వభాగే తృతీయపాదే
బృహదుపాఖ్యానే ఏకోననవతితమోఽధ్యాయే శ్రీ లలితా కవచమ్ |
మరిన్ని శ్రీ లలితా స్తోత్రాలు చూడండి.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
