Sri Krishna Ashraya Stotram – శ్రీ కృష్ణాశ్రయ స్తోత్రం


సర్వమార్గేషు నష్టేషు కాలే చ కలిధర్మిణి |
పాషండప్రచురే లోకే కృష్ణ ఏవ గతిర్మమ || ౧ ||

మ్లేచ్ఛాక్రాన్తేషు దేశేషు పాపైకనిలయేషు చ |
సత్పీడావ్యగ్రలోకేషు కృష్ణ ఏవ గతిర్మమ || ౨ ||

గంగాదితీర్థవర్యేషు దుష్టైరేవావృతేష్విహ |
తిరోహితాధిదైవేషు కృష్ణ ఏవ గతిర్మమ || ౩ ||

అహంకారవిమూఢేషు సత్సు పాపానువర్తిషు |
లాభపూజార్థయత్నేషు కృష్ణ ఏవ గతిర్మమ || ౪ ||

అపరిజ్ఞాననష్టేషు మంత్రేషు వ్రతయోగిషు |
తిరోహితార్థదైవేషు కృష్ణ ఏవ గతిర్మమ || ౫ ||

నానావాదవినష్టేషు సర్వకర్మవ్రతాదిషు |
పాషండైకప్రయత్నేషు కృష్ణ ఏవ గతిర్మమ || ౬ ||

అజామిలాదిదోషాణాం నాశకోఽనుభవే స్థితః |
జ్ఞాపితాఖిలమాహాత్మ్యః కృష్ణ ఏవ గతిర్మమ || ౭ ||

ప్రాకృతాస్సకలా దేవా గణితానందకం బృహత్ |
పూర్ణానందో హరిస్తస్మాత్కృష్ణ ఏవ గతిర్మమ || ౮ ||

వివేకధైర్యభక్త్యాదిరహితస్య విశేషతః |
పాపాసక్తస్య దీనస్య కృష్ణ ఏవ గతిర్మమ || ౯ ||

సర్వసామర్థ్యసహితః సర్వత్రైవాఖిలార్థకృత్ |
శరణస్థసముద్ధారం కృష్ణం విజ్ఞాపయామ్యహమ్ || ౧౦ ||

కృష్ణాశ్రయమిదం స్తోత్రం యః పఠేత్కృష్ణసన్నిధౌ |
తస్యాశ్రయో భవేత్కృష్ణ ఇతి శ్రీవల్లభోఽబ్రవీత్ || ౧౧ ||

ఇతి శ్రీమద్వల్లభాచార్యవిరచితం శ్రీ కృష్ణాశ్రయస్తోత్రం |


మరిన్ని శ్రీ కృష్ణ స్తోత్రాలు చూడండి.


గమనిక : "శ్రీ దత్తాత్రేయ స్తోత్రనిధి" పుస్తకము ముద్రణ చేయబోతున్నాము.

Did you see any mistake/variation in the content above? Click here to report mistakes and corrections in Stotranidhi content.

Facebook Comments

స్పందించండి

మీ ఈమెయిలు చిరునామా ప్రచురించబడదు.

error: Not allowed