Read in తెలుగు / ಕನ್ನಡ / தமிழ் / देवनागरी / English (IAST)
బ్రహ్మోవాచ |
జయ దేవి జగన్మాతర్జయ త్రిపురసుందరి |
జయ శ్రీనాథసహజే జయ శ్రీసర్వమంగలే || ౧ ||
జయ శ్రీకరుణారాశే జయ శృంగారనాయికే |
జయజయేధికసిద్ధేశి జయ యోగీంద్రవందితే || ౨ ||
జయ జయ జగదంబ నిత్యరూపే
జయ జయ సన్నుతలోకసౌఖ్యదాత్రి |
జయ జయ హిమశైలకీర్తనీయే
జయ జయ శంకరకామవామనేత్రి || ౩ ||
జగజ్జన్మస్థితిధ్వంసపిధానానుగ్రహాన్ముహుః |
యా కరోతి స్వసంకల్పాత్తస్యై దేవ్యై నమో నమః || ౪ ||
వర్ణాశ్రమాణాం సాంకర్యకారిణః పాపినో జనాన్ |
నిహంత్యాద్యాతితీక్ష్ణాస్త్రైస్తస్యై దేవ్యై నమో నమః || ౫ ||
నాగమైశ్చ న వేదైశ్చ న శాస్త్రైర్న చ యోగిభిః |
వేద్యా యా చ స్వసంవేద్యా తస్యై దేవ్యై నమో నమః || ౬ ||
రహస్యామ్నాయవేదాంతైస్తత్త్వవిద్భిర్మునీశ్వరైః |
పరం బ్రహ్మేతి యా ఖ్యాతా తస్యై దేవ్యై నమో నమః || ౭ ||
హృదయస్థాపి సర్వేషాం యా న కేనాపి దృశ్యతే |
సూక్ష్మవిజ్ఞానరూపాయై తస్యై దేవ్యై నమో నమః || ౮ ||
బ్రహ్మా విష్ణుశ్చ రుద్రశ్చ ఈశ్వరశ్చ సదాశివః |
యద్ధ్యానైకపరా నిత్యం తస్యై దేవ్యై నమో నమః || ౯ ||
యచ్చరణభక్తా ఇంద్రాద్యా యదాజ్ఞామేవ బిభ్రతి |
సామ్రాజ్యసంపదీశాయై తస్యై దేవ్యై నమో నమః || ౧౦ ||
వేదా నిఃశ్వసితం యస్యా వీక్షితం భూతపంచకమ్ |
స్మితం చరాచరం విశ్వం తస్యై దేవ్యై నమో నమః || ౧౧ ||
సహస్రశీర్షా భోగీంద్రో ధరిత్రీం తు యదాజ్ఞయా |
ధత్తే సర్వజనాధారాం తస్యై దేవ్యై నమో నమః || ౧౨ ||
జ్వలత్యగ్నిస్తపత్యర్కో వాతో వాతి యదాజ్ఞయా |
జ్ఞానశక్తిస్వరూపాయై తస్యై దేవ్యై నమో నమః || ౧౩ ||
పంచవింశతితత్త్వాని మాయాకంచుకపంచకమ్ |
యన్మయం మునయః ప్రాహుస్తస్యై దేవ్యై నమో నమః || ౧౪ ||
శివశక్తీశ్వరాశ్చైవ శుద్ధబోధః సదాశివః |
యదున్మేషవిభేదాః స్యుస్తస్యై దేవ్యై నమో నమః || ౧౫ ||
గురుర్మంత్రో దేవతా చ తథా ప్రాణాశ్చ పంచధా |
యా విరాజతి చిద్రూపా తస్యై దేవ్యై నమో నమః || ౧౬ ||
సర్వాత్మనామంతరాత్మా పరమానందరూపిణీ |
శ్రీవిద్యేతి స్మృతా యా తు తస్యై దేవ్యై నమో నమః || ౧౭ ||
దర్శనాని చ సర్వాణి యదంగాని విదుర్బుధాః |
తత్తన్నియమయూపాయై తస్యై దేవ్యై నమో నమః || ౧౮ ||
యా భాతి సర్వలోకేషు మణిమంత్రౌషధాత్మనా |
తత్త్వోపదేశరూపాయై తస్యై దేవ్యై నమో నమః || ౧౯ ||
దేశకాలపదార్థాత్మా యద్యద్వస్తు యథా తథా |
తత్తద్రూపేణ యా భాతి తస్యై దేవ్యై నమో నమః || ౨౦ ||
హే ప్రతిభటాకారా కల్యాణగుణశాలినీ |
విశ్వోత్తీర్ణేతి చాఖ్యాతా తస్యై దేవ్యై నమో నమః || ౨౧ ||
ఇతి స్తుత్వా మహాదేవీం ధాతా లోకపితామహః |
భూయో భూయో నమస్కృత్య సహసా శరణం గతః || ౨౨ ||
ఇతి శ్రీబ్రహ్మాండమహాపురాణే ఉత్తరభాగే లలితోపాఖ్యానే ఏకోనచత్వారింశోఽధ్యాయే బ్రహ్మకృత శ్రీ కామాక్షీ స్తోత్రమ్ |
మరిన్ని శ్రీ లలితా స్తోత్రాలు చూడండి.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
