Sri Hatakeshwara Ashtakam – శ్రీ హాటకేశ్వరాష్టకం


[గమనిక: ఈ స్తోత్రము “శ్రీ శివ స్తోత్రనిధి” పారాయణ గ్రంథములో కూడా ఉన్నది.]

జటాతటాంతరోల్లసత్సురాపగోర్మిభాస్వరం
లలాటనేత్రమిందునావిరాజమానశేఖరమ్ |
లసద్విభూతిభూషితం ఫణీంద్రహారమీశ్వరం
నమామి నాటకేశ్వరం భజామి హాటకేశ్వరమ్ || ౧ ||

పురాంధకాదిదాహకం మనోభవప్రదాహకం
మహాఘరాశినాశకం అభీప్సితార్థదాయకమ్ |
జగత్త్రయైకకారకం విభాకరం విదారకం
నమామి నాటకేశ్వరం భజామి హాటకేశ్వరమ్ || ౨ ||

మదీయ మానసస్థలే సదాఽస్తు తే పదద్వయం
మదీయ వక్త్రపంకజే శివేతి చాక్షరద్వయమ్ |
మదీయ లోచనాగ్రతః సదాఽర్ధచంద్రవిగ్రహం
నమామి నాటకేశ్వరం భజామి హాటకేశ్వరమ్ || ౩ ||

భజంతి హాటకేశ్వరం సుభక్తిభావతోత్రయే
భజంతి హాటకేశ్వరం ప్రమాణమాత్ర నాగరాః |
ధనేన తేజ సాధికాః కులేన చాఽఖిలోన్నతాః
నమామి నాటకేశ్వరం భజామి హాటకేశ్వరమ్ || ౪ ||

సదాశివోఽహమిత్యహర్నిశం భజేత యో జనాః
సదా శివం కరోతి తం న సంశయోఽత్ర కశ్చన |
అహో దయాలుతా మహేశ్వరస్య దృశ్యతాం బుధా
నమామి నాటకేశ్వరం భజామి హాటకేశ్వరమ్ || ౫ ||

ధరాధరాత్మజాపతే త్రిలోచనేశ శంకరం
గిరీశ చంద్రశేఖరాఽహిరాజభూషణేశ్వరః |
మహేశ నందివాహనేతి సంఘటన్నహర్నిశం
నమామి నాటకేశ్వరం భజామి హాటకేశ్వరమ్ || ౬ ||

మహేశ పాహి మాం ముదా గిరీశ పాహి మాం సదా
భవార్ణవే నిమజ్జతస్త్వమేవ మేఽసి తారకః |
కరావలంబనం ఝటిత్యహోఽధునా ప్రదీయతాం
నమామి నాటకేశ్వరం భజామి హాటకేశ్వరమ్ || ౭ ||

ధరాధరేశ్వరేశ్వరం శివం నిధీశ్వరేశ్వరం
సురాసురేశ్వరం రమాపతీశ్వరం మహేశ్వరమ్ |
ప్రచండ చండికేశ్వరం వినీత నందికేశ్వరం
నమామి నాటకేశ్వరం భజామి హాటకేశ్వరమ్ || ౮ ||

హాటకేశస్య భక్త్యా యో హాటకేశాష్టకం పఠేత్ |
హాటకేశ ప్రసాదేన హాటకేశత్వమాప్నుయాత్ || ౯ ||

ఇతి శ్రీ హాటకేశ్వరాష్టకమ్ |


గమనిక: పైన ఇవ్వబడిన స్తోత్రము, ఈ క్రింది పుస్తకములో కూడా ఉన్నది.

శ్రీ శివ స్తోత్రనిధి

(నిత్య పారాయణ గ్రంథము)

Click here to buy


మరిన్ని శ్రీ శివ స్తోత్రాలు చూడండి.


గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments

స్పందించండి

error: Not allowed