Read in తెలుగు / ಕನ್ನಡ / தமிழ் / देवनागरी / English (IAST)
jaṭātaṭāntarōllasatsurāpagōrmibhāsvaraṁ
lalāṭanētramindunāvirājamānaśēkharam |
lasadvibhūtibhūṣitaṁ phaṇīndrahāramīśvaraṁ
namāmi nāṭakēśvaraṁ bhajāmi hāṭakēśvaram || 1 ||
purāndhakādidāhakaṁ manōbhavapradāhakaṁ
mahāgharāśināśakaṁ abhīpsitārthadāyakam |
jagattrayaikakārakaṁ vibhākaraṁ vidārakaṁ
namāmi nāṭakēśvaraṁ bhajāmi hāṭakēśvaram || 2 ||
madīya mānasasthalē sadā:’stu tē padadvayaṁ
madīya vaktrapaṅkajē śivēti cākṣaradvayam |
madīya lōcanāgrataḥ sadā:’rdhacandravigrahaṁ
namāmi nāṭakēśvaraṁ bhajāmi hāṭakēśvaram || 3 ||
bhajanti hāṭakēśvaraṁ subhaktibhāvatōtrayē
bhajanti hāṭakēśvaraṁ pramāṇamātra nāgarāḥ |
dhanēna tēja sādhikāḥ kulēna cā:’khilōnnatāḥ
namāmi nāṭakēśvaraṁ bhajāmi hāṭakēśvaram || 4 ||
sadāśivō:’hamityaharniśaṁ bhajēta yō janāḥ
sadā śivaṁ karōti taṁ na saṁśayō:’tra kaścana |
ahō dayālutā mahēśvarasya dr̥śyatāṁ budhā
namāmi nāṭakēśvaraṁ bhajāmi hāṭakēśvaram || 5 ||
dharādharātmajāpatē trilōcanēśa śaṅkaraṁ
girīśa candraśēkharā:’hirājabhūṣaṇēśvaraḥ |
mahēśa nandivāhanēti saṅghaṭannaharniśaṁ
namāmi nāṭakēśvaraṁ bhajāmi hāṭakēśvaram || 6 ||
mahēśa pāhi māṁ mudā girīśa pāhi māṁ sadā
bhavārṇavē nimajjatastvamēva mē:’si tārakaḥ |
karāvalambanaṁ jhaṭityahō:’dhunā pradīyatāṁ
namāmi nāṭakēśvaraṁ bhajāmi hāṭakēśvaram || 7 ||
dharādharēśvarēśvaraṁ śivaṁ nidhīśvarēśvaraṁ
surāsurēśvaraṁ ramāpatīśvaraṁ mahēśvaram |
pracaṇḍa caṇḍikēśvaraṁ vinīta nandikēśvaraṁ
namāmi nāṭakēśvaraṁ bhajāmi hāṭakēśvaram || 8 ||
hāṭakēśasya bhaktyā yō hāṭakēśāṣṭakaṁ paṭhēt |
hāṭakēśa prasādēna hāṭakēśatvamāpnuyāt || 9 ||
iti śrī hāṭakēśvarāṣṭakam |
See more śrī śiva stotras for chanting.
గమనిక: "శ్రీ కాళికా స్తోత్రనిధి" విడుదల చేశాము. కొనుగోలుకు అందుబాటులో ఉంది. Click here to buy.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
