Sri Hari Nama Ashtakam – శ్రీ హరి నామాష్టకం

శ్రీ కేశవాచ్యుత ముకున్ద రథాఙ్గపాణే
గోవిన్ద మాధవ జనార్దన దానవారే |
నారాయణామరపతే త్రిజగన్నివాస
జిహ్వే జపేతి సతతం మధురాక్షరాణి || ౧ ||

శ్రీదేవదేవ మధుసూదన శార్ఙ్గపాణే
దామోదరార్ణవనికేతన కైటభారే |
విశ్వంభరాభరతభూషిత భూమిపాల
జిహ్వే జపేతి సతతం మధురాక్షరాణి || ౨ ||

శ్రీపద్మలోచన గదాధర పద్మనాభ
పద్మేశ పద్మపద పావన పద్మపాణే |
పీతాంబరాంబరరుచే రుచిరావతార
జిహ్వే జపేతి సతతం మధురాక్షరాణి || ౩ ||

శ్రీకాన్త కౌస్తుభధరార్తిహరాఽబ్జపాణే
విష్ణో త్రివిక్రమ మహీధర ధర్మసేతో |
వైకుణ్ఠవాస వసుధాధిప వాసుదేవ
జిహ్వే జపేతి సతతం మధురాక్షరాణి || ౪ ||

శ్రీనారసింహ నరకాన్తక కాన్తమూర్తే
లక్ష్మీపతే గరుడవాహన శేషశాయిన్ |
కేశిప్రణాశన సుకేశ కిరీటమౌళే
జిహ్వే జపేతి సతతం మధురాక్షరాణి || ౫ ||

శ్రీవత్సలాఞ్ఛన సురర్షభ శఙ్ఖపాణే
కల్పాన్తవారిధివిహార హరే మురారే |
యజ్ఞేశ యజ్ఞమయ యజ్ఞభుగాదిదేవ
జిహ్వే జపేతి సతతం మధురాక్షరాణి || ౬ ||

శ్రీరామ రావణరిపో రఘువంశకేతో
సీతాపతే దశరథాత్మజ రాజసింహ |
సుగ్రీవమిత్ర మృగవేధన చాపపాణే
జిహ్వే జపేతి సతతం మధురాక్షరాణి || ౭ ||

శ్రీకృష్ణ వృష్ణివర యాదవ రాధికేశ
గోవర్ధనోద్ధరణ కంసవినాశ శౌరే |
గోపాల వేణుధర పాణ్డుసుతైకబన్ధో
జిహ్వే జపేతి సతతం మధురాక్షరాణి || ౮ ||

ఇత్యష్టకం భగవతః సతతం నరో యో
నామాఙ్కితం పఠతి నిత్యమనన్యచేతాః |
విష్ణోః పరం పదముపైతి పునర్న జాతు
మాతుః పయోధరరసం పిబతీహ సత్యమ్ || ౯ ||

ఇతి శ్రీమత్పరమహంసస్వామిబ్రహ్మానన్దవిరచితం హరినామాష్టకం |

Facebook Comments

You may also like...

స్పందించండి

మీ ఈమెయిలు చిరునామా ప్రచురించబడదు. తప్పనిసరి ఖాళీలు *‌తో గుర్తించబడ్డాయి

error: Download Stotra Nidhi mobile app