Read in తెలుగు / ಕನ್ನಡ / தமிழ் / देवनागरी / English (IAST)
śrīkēśavācyuta mukunda rathāṅgapāṇē
gōvinda mādhava janārdana dānavārē |
nārāyaṇāmarapatē trijagannivāsa
jihvē japēti satataṁ madhurākṣarāṇi || 1 ||
śrīdēvadēva madhusūdana śārṅgapāṇē
dāmōdarārṇavanikētana kaiṭabhārē |
viśvambharābharatabhūṣita bhūmipāla
jihvē japēti satataṁ madhurākṣarāṇi || 2 ||
śrīpadmalōcana gadādhara padmanābha
padmēśa padmapada pāvana padmapāṇē |
pītāmbarāmbararucē rucirāvatāra
jihvē japēti satataṁ madhurākṣarāṇi || 3 ||
śrīkānta kaustubhadharārtiharā:’bjapāṇē
viṣṇō trivikrama mahīdhara dharmasētō |
vaikuṇṭhavāsa vasudhādhipa vāsudēva
jihvē japēti satataṁ madhurākṣarāṇi || 4 ||
śrīnārasiṁha narakāntaka kāntamūrtē
lakṣmīpatē garuḍavāhana śēṣaśāyin |
kēśipraṇāśana sukēśa kirīṭamaulē
jihvē japēti satataṁ madhurākṣarāṇi || 5 ||
śrīvatsalāñchana surarṣabha śaṅkhapāṇē
kalpāntavāridhivihāra harē murārē |
yajñēśa yajñamaya yajñabhugādidēva
jihvē japēti satataṁ madhurākṣarāṇi || 6 ||
śrīrāma rāvaṇaripō raghuvaṁśakētō
sītāpatē daśarathātmaja rājasiṁha |
sugrīvamitra mr̥gavēdhana cāpapāṇē
jihvē japēti satataṁ madhurākṣarāṇi || 7 ||
śrīkr̥ṣṇa vr̥ṣṇivara yādava rādhikēśa
gōvardhanōddharaṇa kaṁsavināśa śaurē |
gōpāla vēṇudhara pāṇḍusutaikabandhō
jihvē japēti satataṁ madhurākṣarāṇi || 8 ||
ityaṣṭakaṁ bhagavataḥ satataṁ narō yō
nāmāṅkitaṁ paṭhati nityamananyacētāḥ |
viṣṇōḥ paraṁ padamupaiti punarna jātu
mātuḥ payōdhararasaṁ pibatīha satyam || 9 ||
iti śrīmatparamahaṁsasvāmibrahmānandaviracitaṁ harināmāṣṭakam |
See more śrī viṣṇu stōtrāṇi for chanting.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
