Sri Hari Sharana Ashtakam – śrī hari śaraṇāṣṭakam


dhyēyaṁ vadanti śivamēva hi kēcidanyē
śaktiṁ gaṇēśamaparē tu divākaraṁ vai |
rūpaistu tairapi vibhāsi yatastvamēva
tasmāttvamēva śaraṇaṁ mama śaṅkhapāṇē || 1 ||

nō sōdarō na janakō jananī na jāyā
naivātmajō na ca kulaṁ vipulaṁ balaṁ vā |
saṁdr̥śyatē na kila kō:’pi sahāyakō mē
tasmāttvamēva śaraṇaṁ mama śaṅkhapāṇē || 2 ||

nōpāsitā madamapāsya mayā mahānta-
-stīrthāni cāstikadhiyā nahi sēvitāni |
dēvārcanaṁ ca vidhivanna kr̥taṁ kadāpi
tasmāttvamēva śaraṇaṁ mama śaṅkhapāṇē || 3 ||

durvāsanā mama sadā parikarṣayanti
cittaṁ śarīramapi rōgagaṇā dahanti |
sañjīvanaṁ ca parahastagataṁ sadaiva
tasmāttvamēva śaraṇaṁ mama śaṅkhapāṇē || 4 ||

pūrvaṁ kr̥tāni duritāni mayā tu yāni
smr̥tvākhilāni hr̥dayaṁ parikampatē mē |
khyātā ca tē patitapāvanatā tu yasmā-
-ttasmāttvamēva śaraṇaṁ mama śaṅkhapāṇē || 5 ||

duḥkhaṁ jarājananaṁ vividhāśca rōgāḥ
kākaśvasūkara janirnicayē ca pātaḥ |
tē vismr̥tēḥ phalamidaṁ vitataṁ hi lōkē
tasmāttvamēva śaraṇaṁ mama śaṅkhapāṇē || 6 ||

nīcō:’pi pāpavalitō:’pi vininditō:’pi
brūyāttavāhamiti yastu kilaikavāram |
taṁ yacchasīśa nijalōkamiti vrataṁ tē
tasmāttvamēva śaraṇaṁ mama śaṅkhapāṇē || 7 ||

vēdēṣu dharmavacanēṣu tathāgamēṣu
rāmāyaṇē:’pi ca purāṇakadaṁbakē vā |
sarvatra sarvavidhinā gaditastvamēva
tasmāttvamēva śaraṇaṁ mama śaṅkhapāṇē || 8 ||

iti śrīparamahaṁsasvāmi brahmānandaviracitaṁ śrīhariśaraṇāṣṭakaṁ |


See more śrī viṣṇu stōtrāṇi for chanting.


గమనిక: రాబోయే ఆషాఢ నవరాత్రుల సందర్భంగా "శ్రీ వారాహీ స్తోత్రనిధి" పుస్తకము అందుబాటులో ఉంది. Click here to buy.

Did you see any mistake/variation in the content above? Click here to report mistakes and corrections in Stotranidhi content.

Facebook Comments

Leave a Reply

error: Not allowed