Sri Hari Nama Ashtakam – ஶ்ரீ ஹரி நாமாஷ்டகம்


ஶ்ரீகேஶவாச்யுத முகுந்த³ ரதா²ங்க³பாணே
கோ³விந்த³ மாத⁴வ ஜநார்த³ந தா³நவாரே ।
நாராயணாமரபதே த்ரிஜக³ந்நிவாஸ
ஜிஹ்வே ஜபேதி ஸததம் மது⁴ராக்ஷராணி ॥ 1 ॥

ஶ்ரீதே³வதே³வ மது⁴ஸூத³ந ஶார்ங்க³பாணே
தா³மோத³ரார்ணவநிகேதந கைடபா⁴ரே ।
விஶ்வம்ப⁴ராப⁴ரதபூ⁴ஷித பூ⁴மிபால
ஜிஹ்வே ஜபேதி ஸததம் மது⁴ராக்ஷராணி ॥ 2 ॥

ஶ்ரீபத்³மலோசந க³தா³த⁴ர பத்³மநாப⁴
பத்³மேஶ பத்³மபத³ பாவந பத்³மபாணே ।
பீதாம்ப³ராம்ப³ரருசே ருசிராவதார
ஜிஹ்வே ஜபேதி ஸததம் மது⁴ராக்ஷராணி ॥ 3 ॥

ஶ்ரீகாந்த கௌஸ்துப⁴த⁴ரார்திஹரா(அ)ப்³ஜபாணே
விஷ்ணோ த்ரிவிக்ரம மஹீத⁴ர த⁴ர்மஸேதோ ।
வைகுண்ட²வாஸ வஸுதா⁴தி⁴ப வாஸுதே³வ
ஜிஹ்வே ஜபேதி ஸததம் மது⁴ராக்ஷராணி ॥ 4 ॥

ஶ்ரீநாரஸிம்ஹ நரகாந்தக காந்தமூர்தே
லக்ஷ்மீபதே க³ருட³வாஹந ஶேஷஶாயிந் ।
கேஶிப்ரணாஶந ஸுகேஶ கிரீடமௌளே
ஜிஹ்வே ஜபேதி ஸததம் மது⁴ராக்ஷராணி ॥ 5 ॥

ஶ்ரீவத்ஸலாஞ்ச²ந ஸுரர்ஷப⁴ ஶங்க²பாணே
கல்பாந்தவாரிதி⁴விஹார ஹரே முராரே ।
யஜ்ஞேஶ யஜ்ஞமய யஜ்ஞபு⁴கா³தி³தே³வ
ஜிஹ்வே ஜபேதி ஸததம் மது⁴ராக்ஷராணி ॥ 6 ॥

ஶ்ரீராம ராவணரிபோ ரகு⁴வம்ஶகேதோ
ஸீதாபதே த³ஶரதா²த்மஜ ராஜஸிம்ஹ ।
ஸுக்³ரீவமித்ர ம்ருக³வேத⁴ந சாபபாணே
ஜிஹ்வே ஜபேதி ஸததம் மது⁴ராக்ஷராணி ॥ 7 ॥

ஶ்ரீக்ருஷ்ண வ்ருஷ்ணிவர யாத³வ ராதி⁴கேஶ
கோ³வர்த⁴நோத்³த⁴ரண கம்ஸவிநாஶ ஶௌரே ।
கோ³பால வேணுத⁴ர பாண்டு³ஸுதைகப³ந்தோ⁴
ஜிஹ்வே ஜபேதி ஸததம் மது⁴ராக்ஷராணி ॥ 8 ॥

இத்யஷ்டகம் ப⁴க³வத꞉ ஸததம் நரோ யோ
நாமாங்கிதம் பட²தி நித்யமநந்யசேதா꞉ ।
விஷ்ணோ꞉ பரம் பத³முபைதி புநர்ந ஜாது
மாது꞉ பயோத⁴ரரஸம் பிப³தீஹ ஸத்யம் ॥ 9 ॥

இதி ஶ்ரீமத்பரமஹம்ஸஸ்வாமிப்³ரஹ்மாநந்த³விரசிதம் ஹரிநாமாஷ்டகம் ।


மேலும் ஶ்ரீ விஷ்ணு ஸ்தோத்திரங்கள் பார்க்க.


గమనిక: మా రెండు పుస్తకాలు - "నవగ్రహ స్తోత్రనిధి" మరియు "శ్రీ సూర్య స్తోత్రనిధి", విడుదల చేశాము. కొనుగోలుకు ఇప్పుడు అందుబాటులో ఉన్నాయి.

Did you see any mistake/variation in the content above? Click here to report mistakes and corrections in Stotranidhi content.

Facebook Comments

மறுமொழி இடவும்

error: Not allowed