Read in తెలుగు / ಕನ್ನಡ / தமிழ் / देवनागरी / English (IAST)
[గమనిక: ఈ స్తోత్రము “నవగ్రహ స్తోత్రనిధి” పారాయణ గ్రంథములో కూడా ఉన్నది. Click here to buy.]
(చంద్రుని అనుగ్రహం కోసం, మనశ్శాంతి కోసం ఈ స్తోత్రం ఉద్దేశించబడింది. జాతకంలో చంద్రుని స్థానం బలహీనంగా ఉన్నప్పుడు లేదా మానసిక ఒత్తిడి ఎక్కువగా ఉన్నప్పుడు ఈ 28 నామాలను స్మరించడం శ్రేయస్కరం. ఈ నామాలను పఠించడం వల్ల దుఃఖాల నుండి విముక్తి, సర్వ గ్రహాల అనుకూలత మరియు ముఖ్యంగా ‘చంద్రబలం’ (మానసిక ధైర్యం) సిద్ధిస్తాయి.)
చంద్రస్య శృణు నామాని శుభదాని మహీపతే |
యాని శృత్వా నరో దుఃఖాన్ముచ్యతే నాత్ర సంశయః || ౧ ||
ఓ రాజా (మహీపతే)! శుభప్రదమైన చంద్రుని నామములను వినుము. ఏ నామాలను వింటే మనుషులు దుఃఖము నుండి విముక్తులవుతారో, ఇందులో ఎటువంటి సందేహము లేదు.
సుధాకరో విధుః సోమో గ్లౌరబ్జః కుముదప్రియః |
లోకప్రియః శుభ్రభానుశ్చంద్రమా రోహిణీపతిః || ౨ ||
అమృత కిరణములు కలవాడు (1.సుధాకరుడు), విష్ణురూపుడు (2.విధువు), శివుని రూపమైనవాడు (3.సోముడు), తెల్లనివాడు (4.గ్లౌవు), నీటిలో పుట్టినవాడు (5.అబ్జుడు), కలువలకు ప్రియమైనవాడు (6.కుముదప్రియుడు), లోకమునకంతటికీ ఇష్టుడు (7.లోకప్రియుడు), తెల్లని కాంతి గలవాడు (8.శుభ్రభానుడు), ఆహ్లాదపరిచేవాడు (9.చంద్రమా) మరియు రోహిణీ నక్షత్రానికి భర్త (10.రోహిణీపతి).
శశీ హిమకరో రాజా ద్విజరాజో నిశాకరః |
ఆత్రేయ ఇందుః శీతాంశురోషధీశః కళానిధిః || ౩ ||
కుందేలు గుర్తు కలవాడు (11.శశి), చల్లని కిరణములు ఇచ్చేవాడు (12.హిమకరుడు), గ్రహాలకు రాజు (13.రాజా), బ్రాహ్మణులకు/పక్షులకు రాజు (14.ద్విజరాజు), రాత్రిని కలిగించేవాడు (15.నిశాకరుడు), అత్రి మహర్షి పుత్రుడు (16.ఆత్రేయుడు), ప్రకాశించేవాడు (17.ఇందువు), చల్లని కిరణములు కలవాడు (18.శీతాంశువు), ఓషధులకు ప్రభువు (19.ఓషధీశుడు) మరియు కళలకు నిలయమైనవాడు (20.కళానిధి).
జైవాతృకో రమాభ్రాతా క్షీరోదార్ణవసంభవః |
నక్షత్రనాయకః శంభుశ్శిరశ్చూడామణిర్విభుః || ౪ ||
దీర్ఘాయువును ప్రసాదించేవాడు (21.జైవాతృకుడు), లక్ష్మీదేవి సోదరుడు (22.రమాభ్రాత), పాలసముద్రము నుండి జన్మించినవాడు (23.క్షీరోదార్ణవ సంభవః), నక్షత్రములకు ప్రభువు (24.నక్షత్రనాయకః), శివుని శిరస్సుపై శిఖామణిగా ఉన్నవాడు (25.శంభు శిరశ్చూడామణి) మరియు సర్వవ్యాపి అయిన ప్రభువు (26.విభువు).
తాపహర్తా నభోదీపో నామాన్యేతాని యః పఠేత్ |
ప్రత్యహం భక్తిసంయుక్తస్తస్య పీడా వినశ్యతి || ౫ ||
మనస్తాపాన్ని హరించువాడు (27.తాపహర్తా), ఆకాశానికి దీపం వంటివాడు (28.నభోదీపః) అయిన చంద్రుని ఈ నామాలను ఎవరైతే ప్రతిరోజూ భక్తితో పఠిస్తారో, వారి కష్టాలన్నీ నశిస్తాయి.
తద్దినే చ పఠేద్యస్తు లభేత్సర్వం సమీహితమ్ |
గ్రహాదీనాం చ సర్వేషాం భవేచ్చంద్రబలం సదా || ౬ ||
ఆ పుణ్యదినాన ఈ నామాలను పఠించేవారు తాము కోరుకున్న ఫలితాలన్నింటినీ పొందుతారు. అలాగే, అన్ని గ్రహాల యొక్క ప్రతికూలతలు తొలగి, వారికి ఎల్లప్పుడూ చంద్రబలం లభిస్తుంది.
ఇతి శ్రీ చంద్ర అష్టావింశతినామ స్తోత్రమ్ ||
<< మరిన్ని నవగ్రహ స్తోత్రాలు చూడండి.
గమనిక: పైన ఇవ్వబడిన స్తోత్రము, ఈ పుస్తకములో కూడా ఉన్నది.
నవగ్రహ స్తోత్రనిధి
(నిత్య పారాయణ గ్రంథము)
మరిన్ని నవగ్రహ స్తోత్రాలు చూడండి.
మా ప్రచురణ: "శ్రీ బగళాముఖీ స్తోత్రనిధి (తాత్పర్య సహితం)" ప్రింటింగు పూర్తి అయి కొనుగోలుకు సిద్ధంగా ఉంది.
స్తోత్రనిధి (తెలుగు) వాట్సాప్ ఛానల్ : మా తెలుగు వాట్సాప్ ఛానల్ ని ఫాలో చేయడానికి ఇక్కడ క్లిక్ చేయండి.
Support this Dharma Karya : If you find value in the Stotranidhi collection, please consider supporting this work. You can make a contribution through these links - PhonePe/GooglePay/BHIM (within India) or Paypal (outside India)
Buy Prabhata Stotranidhi Book: A single book with important stotras of Devatas is available in 4 languages - "తెలుగు" , "ಕನ್ನಡ" , "देवनागरि" , "English (IAST)".
విప్రులకు, ద్విజులకు విజ్ఞప్తి : మంత్ర అనుష్ఠానం లేక నేటి కాలంలో ధర్మాచరణ క్షీణిస్తూ ఉన్నది. దయచేసి మీకు ఉపదేశం ఉన్న మంత్రం కనీసం లక్ష జపం చేయండి. మీకు అతిదగ్గరలో ఉన్న దేవాలయానికి ప్రతిరోజూ వెళ్ళి అక్కడి దేవత మంత్రాన్ని కనీసం 108 జపంచేసి, ఆ దేవత బలాన్ని వృద్ధి చేయండి. దేవత అనుగ్రహం ఉంటేనే ఆ ప్రాంతంలో ధర్మం వర్ధిల్లుతుంది.
Important message to Dharmikas : Please visit your nearest Devalayam and chant mantra of that Devata atleast 108 times daily in that temple. When Devata becomes powerful, it will automatically protect Dharma.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
