Sri Balakrishna Ashtakam 2 (..srimannandaya..) – శ్రీ బాలకృష్ణాష్టకం – ౨


శ్రీమన్నందయశోదాహృదయస్థితభావతత్పరో భగవాన్ |
పుత్రీకృతనిజరూపః సుజయతి పురతః కృపాళుర్బాలకృష్ణః || ౧ ||

కథమపి రింగణమకరోదంగణగతజానుఘర్షణోద్యుక్తః |
కటితటకింకిణీజాలస్వనశంకితమానసః సదా హ్యాస్తే || ౨ ||

వికసితపంకజనయనః ప్రకటితహర్షః సదైవ ధూసరాంగః |
పరిగచ్ఛతి కటిభంగప్రసరీకృతపాణియుగ్మాభ్యామ్ || ౩ ||

ఉపలక్షితదధిభాండః స్ఫురితబ్రహ్మాండవిగ్రహో భుఙ్క్తే |
ముష్టీకృతనవనీతః పరమపునీతో ముగ్ధభావాత్మా || ౪ ||

నమ్రీకృతవిధువదనః ప్రకటీకృతచౌర్యగోపనప్రయాసః |
స్వాంబోత్సంగవిలాసః క్షుధితః సంప్రతి దృశ్యతే స్తన్యార్థీ || ౫ ||

సింహనఖాకృతిభూషణభూషితహృదయః సుశోభతే నిత్యం |
కుండలమండితగండః సాంజననయనో నిరంజనః శేతే || ౬ ||

కార్యాసక్తయశోదాగృహకర్మణ్యవరోధకః సదాస్తే |
తస్యాః స్వాంతనివిష్టప్రణయ ప్రభాజనో యతోఽయమ్ || ౭ ||

ఇత్థం వ్రజపతితరుణీ నమనీయం బ్రహ్మరుద్రాద్యైః |
కమనీయం నిజసూనుం లాలయతి స్మ ప్రత్యహం ప్రీత్యా || ౮ ||

శ్రీమద్వల్లభకృపయా విశదీకృతమేతదష్టకం పఠేద్యః |
తస్య దయానిధికృష్ణో భక్తిప్రేమైకలక్షణః శీఘ్రమ్ || ౯ ||

ఇతి శ్రీకృష్ణదాసకృతం శ్రీబాలకృష్ణాష్టకమ్ |


మరిన్ని శ్రీ కృష్ణ స్తోత్రాలు చూడండి.


గమనిక : "శ్రీ దత్తాత్రేయ స్తోత్రనిధి" పుస్తకము ముద్రణ చేయబోతున్నాము.

Did you see any mistake/variation in the content above? Click here to report mistakes and corrections in Stotranidhi content.

Facebook Comments

స్పందించండి

మీ ఈమెయిలు చిరునామా ప్రచురించబడదు.

error: Not allowed