Read in తెలుగు / ಕನ್ನಡ / தமிழ் / देवनागरी / English (IAST)
[గమనిక: ఈ స్తోత్రము “శ్రీ సూర్య స్తోత్రనిధి” పారాయణ గ్రంథములో కూడా ఉన్నది. Click here to buy.]
త్వం భానో జగతశ్చక్షుస్త్వమాత్మా సర్వదేహినామ్ |
త్వం యోనిః సర్వభూతానాం త్వమాచారః క్రియావతామ్ || ౧ ||
త్వం గతిః సర్వసాంఖ్యానాం యోగినాం త్వం పరాయణమ్ |
అనావృతార్గలద్వారం త్వం గతిస్త్వం ముముక్షతామ్ || ౨ ||
త్వయా సంధార్యతే లోకస్త్వయా లోకః ప్రకాశ్యతే |
త్వయా పవిత్రీక్రియతే నిర్వ్యాజం పాల్యతే త్వయా || ౩ ||
త్వాముపస్థాయ కాలే తు బ్రాహ్మణా వేదపారగాః |
స్వశాఖావిహితైర్మంత్రైరర్చంత్యృషిగణార్చితమ్ || ౪ ||
తవ దివ్యం రథం యాంతమనుయాంతి వరార్థినః |
సిద్ధచారణగంధర్వా యక్షగుహ్యకపన్నగాః || ౫ ||
త్రయస్త్రింశచ్చ వై దేవాస్తథా వైమానికా గణాః |
సోపేంద్రాః సమహేంద్రాశ్చ త్వామిష్ట్వా సిద్ధిమాగతాః || ౬ ||
ఉపయాంత్యర్చయిత్వా తు త్వాం వై ప్రాప్తమనోరథాః |
దివ్యమందారమాలాభిస్తూర్ణం విద్యాధరోత్తమాః || ౭ ||
గుహ్యాః పితృగణాః సప్త యే దివ్యా యే చ మానుషాః |
తే పూజయిత్వా త్వామేవ గచ్ఛంత్యాశు ప్రధానతామ్ || ౮ ||
వసవో మరుతో రుద్రా యే చ సాధ్యా మరీచిపాః |
వాలఖిల్యాదయః సిద్ధాః శ్రేష్ఠత్వం ప్రాణినాం గతాః || ౯ ||
సబ్రహ్మకేషు లోకేషు సప్తస్వప్యఖిలేషు చ |
న తద్భూతమహం మన్యే యదర్కాదతిరిచ్యతే || ౧౦ ||
సంతి చాన్యాని సత్త్వాని వీర్యవంతి మహాంతి చ |
న తు తేషాం తథా దీప్తిః ప్రభావో వా యథా తవ || ౧౧ ||
జ్యోతీంషి త్వయి సర్వాణి త్వం సర్వజ్యోతిషాం పతిః |
త్వయి సత్యం చ సత్త్వం చ సర్వేభావాశ్చ సాత్త్వికాః || ౧౨ ||
త్వత్తేజసా కృతం చక్రం సునాభం విశ్వకర్మణా |
దేవారీణాం మదో యేన నాశితః శార్ఙ్గధన్వనా || ౧౩ ||
త్వమాదాయాంశుభిస్తేజో నిదాఘే సర్వదేహినామ్ |
సర్వౌషధిరసానాం చ పునర్వర్షాసు ముంచసి || ౧౪ ||
తపంత్యన్యే దహంత్యన్యే గర్జంత్యన్యే తథా ఘనాః |
విద్యోతంతే ప్రవర్షంతి తవ ప్రావృషి రశ్మయః || ౧౫ ||
న తథా సుఖయత్యగ్నిర్న ప్రావారా న కంబలాః |
శీతవాతార్దితం లోకం యథా తవ మరీచయః || ౧౬ ||
త్రయోదశద్వీపవతీం గోభిర్భాసయసే మహీమ్ |
త్రయాణామపి లోకానాం హితాయైకః ప్రవర్తసే || ౧౭ ||
తవ యద్యుదయో న స్యాదంధం జగదిదం భవేత్ |
న చ ధర్మార్థకామేషు ప్రవర్తేరన్మనీషిణః || ౧౮ ||
ఆధానపశుబంధేష్టిమంత్రయజ్ఞతపఃక్రియాః |
త్వత్ప్రసాదాదవాప్యంతే బ్రహ్మక్షత్రవిశాం గణైః || ౧౯ ||
యదహర్బ్రహ్మణః ప్రోక్తం సహస్రయుగసమ్మితమ్ |
తస్య త్వమాదిరంతశ్చ కాలజ్ఞైః పరికీర్తితః || ౨౦ ||
మనూనాం మనుపుత్రాణాం జగతోఽమానవస్య చ |
మన్వంతరాణాం సర్వేషామీశ్వరాణాం త్వమీశ్వరః || ౨౧ ||
సంహారకాలే సంప్రాప్తే తవ క్రోధవినిఃసృతః |
సంవర్తకాగ్నిస్త్రైలోక్యం భస్మీకృత్యావతిష్ఠతే || ౨౨ ||
త్వద్దీధితిసముత్పన్నా నానావర్ణా మహాఘనాః |
సైరావతాః సాశనయః కుర్వంత్యాభూతసంప్లవమ్ || ౨౩ ||
కృత్వా ద్వాదశధాఽఽత్మానం ద్వాదశాదిత్యతాం గతః |
సంహృత్యైకార్ణవం సర్వం త్వం శోషయసి రశ్మిభిః || ౨౪ ||
త్వామింద్రమాహుస్త్వం రుద్రస్త్వం విష్ణుస్త్వం ప్రజాపతిః |
త్వమగ్నిస్త్వం మనః సూక్ష్మం ప్రభుస్త్వం బ్రహ్మ శాశ్వతమ్ || ౨౫ ||
త్వం హంసః సవితా భానురంశుమాలీ వృషాకపిః |
వివస్వాన్ మిహిరః పూషా మిత్రో ధర్మస్తథైవ చ || ౨౬ ||
సహస్రరశ్మిరాదిత్యస్తపనస్త్వం గవాం పతిః |
మార్తండోఽర్కో రవిః సూర్యః శరణ్యో దినకృత్తథా || ౨౭ ||
దివాకరః సప్తసప్తిర్ధామకేశీ విరోచనః |
ఆశుగామీ తమోఘ్నశ్చ హరితాశ్వచ్చ కీర్త్యసే || ౨౮ ||
సప్తమ్యామథవా షష్ఠ్యాం భక్త్యా పూజాం కరోతి యః |
అనిర్విణ్ణోఽనహంకారీ తం లక్ష్మీర్భజతే నరమ్ || ౨౯ ||
న తేషామాపదః సంతి నాధయో వ్యాధయస్తథా |
యే తవానన్యమనసః కుర్వంత్యర్చనవందనమ్ || ౩౦ ||
సర్వరోగైర్విరహితాః సర్వపాపవివర్జితాః |
త్వద్భావభక్యాః సుఖినో భవంతి చిరజీవినః || ౩౧ ||
త్వం మమాపన్నకామస్య సర్వాతిథ్యం చికీర్షతః |
అన్నమన్నపతే దాతుమభితః శ్రద్ధయాఽర్హసి || ౩౨ ||
యే చ తేఽనుచరాః సర్వే పాదోపాంతం సమాశ్రితాః |
మాఠరారుణదండాద్యాస్తాంస్తాన్ వందేఽశనిక్షుభాన్ || ౩౩ ||
క్షుభయా సహితా మైత్రీ యాశ్చాన్యా భూతమాతరః |
తాశ్చ సర్వా నమస్యామి పాతుం మాం శరణాగతమ్ || ౩౪ ||
ఇతి శ్రీమన్మహాభారతే అరణ్యపర్వణి తృతీయోఽధ్యాయే యుధిష్ఠిరకృత భాస్కర స్తుతిః ||
గమనిక: పైన ఇవ్వబడిన స్తోత్రము, ఈ పుస్తకములో కూడా ఉన్నది.
శ్రీ సూర్య స్తోత్రనిధి
(నిత్య పారాయణ గ్రంథము)
మరిన్ని శ్రీ సూర్య స్తోత్రాలు చూడండి. మరిన్ని నవగ్రహ స్తోత్రాలు చూడండి.
గమనిక : మా తదుపరి ప్రచురణ "శ్రీ దక్షిణామూర్తి స్తోత్రనిధి" పుస్తకము ప్రింటు చేయుటకు ఆలోచన చేయుచున్నాము.
పైరసీ ప్రకటన : శ్రీఆదిపూడి వెంకటశివసాయిరామ్ గారు మరియు నాగేంద్రాస్ న్యూ గొల్లపూడి వీరాస్వామి సన్ కలిసి స్తోత్రనిధి పుస్తకాలను ఉన్నది ఉన్నట్టు కాపీచేసి, పేరు మార్చి అమ్ముతున్నారు. దయచేసి గమనించగలరు.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
