Read in తెలుగు / ಕನ್ನಡ / தமிழ் / English (IAST)
షట్షష్టితమదశకమ్ (౬౬) – గోపీజనాహ్లాదనమ్ |
ఉపయాతానాం సుదృశాం కుసుమాయుధబాణపాతవివశానామ్ |
అభివాఞ్ఛితం విధాతుం కృతమతిరపి తా జగాథ వామమివ || ౬౬-౧ ||
గగనగతం మునినివహం శ్రావయితుం జగిథ కులవధూధర్మమ్ |
ధర్మ్యం ఖలు తే వచనం కర్మ తు నో నిర్మలస్య విశ్వాస్యమ్ || ౬౬-౨ ||
ఆకర్ణ్య తే ప్రతీపాం వాణీమేణీదృశః పరం దీనాః |
మా మా కరుణాసిన్ధో పరిత్యజేత్యతిచిరం విలేపుస్తాః || ౬౬-౩ ||
తాసాం రుదితైర్లపితైః కరుణాకులమానసో మురారే త్వమ్ |
తాభిః సమం ప్రవృత్తో యమునాపులినేషు కామమభిరన్తుమ్ || ౬౬-౪ ||
చన్ద్రకరస్యన్దలస-త్సున్దరయమునాతటాన్తవీథీషు |
గోపీజనోత్తరీయైరాపాదితసంస్తరో న్యషీదస్త్వమ్ || ౬౬-౫ ||
సుమధురనర్మాలపనైః కరసఙ్గ్రహణైశ్చ చుంబనోల్లాసైః |
గాఢాలిఙ్గనసఙ్గై-స్త్వమఙ్గనాలోకమాకులీచకృషే || ౬౬-౬ ||
వాసోహరణదినే యద్వాసోహరణం ప్రతిశ్రుతం తాసామ్ |
తదపి విభో రసవివశస్వాన్తానాం కాన్తసుభ్రువామదధాః || ౬౬-౭ ||
కన్దలితఘర్మలేశం కున్దమృదుస్మేరవక్త్రపాథోజమ్ |
నన్దసుత త్వాం త్రిజగత్సున్దరముపగూహ్య నన్దితా బాలాః || ౬౬-౮ ||
విరహేష్వఙ్గారమయః శృఙ్గారమయశ్చ సఙ్గమేఽపి త్వమ్
నితరామఙ్గారమయస్తత్ర పునః సఙ్గమేఽపి చిత్రమిదమ్ || ౬౬-౯ ||
రాధాతుఙ్గపయోధర-సాధుపరీరంభలోలుపాత్మానమ్ |
ఆరాధయే భవన్తం పవనపురాధీశ శమయ సకలగదాన్ || ౬౬-౧౦ ||
ఇతి షట్షష్టితమదశకం సమాప్తమ్ |
సంపూర్ణ శ్రీమన్నారాయణీయం (౧౦౦ దశకాలు) చూడండి.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
