Read in తెలుగు / ಕನ್ನಡ / தமிழ் / देवनागरी / English (IAST)
గణేశ గ్రహ నక్షత్ర యోగినీ రాశి రూపిణీమ్ |
దేవీం మంత్రమయీం నౌమి మాతృకాపీఠ రూపిణీమ్ || ౧ ||
ప్రణమామి మహాదేవీం మాతృకాం పరమేశ్వరీమ్ |
కాలహల్లోహలోల్లోల కలనాశమకారిణీమ్ || ౨ ||
యదక్షరైకమాత్రేఽపి సంసిద్ధే స్పర్ధతే నరః |
రవితార్క్ష్యేందు కందర్ప శంకరానల విష్ణుభిః || ౩ ||
యదక్షర శశిజ్యోత్స్నామండితం భువనత్రయమ్ |
వందే సర్వేశ్వరీం దేవీం మహాశ్రీసిద్ధమాతృకామ్ || ౪ ||
యదక్షర మహాసూత్ర ప్రోతమేతజ్జగత్రయమ్ |
బ్రహ్మాండాది కటాహాంతం తాం వందే సిద్ధమాతృకామ్ || ౫ ||
యదేకాదశమాధారం బీజం కోణత్రయోద్భవమ్ |
బ్రహ్మాండాది కటాహాంతం జగదద్యాపి దృశ్యతే || ౬ ||
అకచాదిటతోన్నద్ధపయశాక్షర వర్గిణీమ్ |
జ్యేష్ఠాంగ బాహుపాదాగ్ర మధ్యస్వాంత నివాసినీమ్ || ౭ ||
తామీకారాక్షరోద్ధారాం సారాత్సారాం పరాత్పరామ్ |
ప్రణమామి మహాదేవీం పరమానంద రూపిణీమ్ || ౮ ||
అద్యాపి యస్యా జానంతి న మనాగపి దేవతాః |
కేయం కస్మాత్ క్వ కేనేతి సరూపారూప భావనామ్ || ౯ ||
వందే తామహమక్షయ్యామకారాక్షర రూపిణీమ్ |
దేవీం కులకలోల్లాస ప్రోల్లసంతీం పరాం శివామ్ || ౧౦ ||
వర్గానుక్రమయోగేన యస్యాం మాత్రాష్టకం స్థితమ్ |
వందే తామష్టవర్గోత్థ మహాసిద్ధ్యష్టకేశ్వరీమ్ || ౧౧ ||
కామపూర్ణజకారాఖ్య శ్రీపీఠాంతర్నివాసినీమ్ |
చతురాజ్ఞా కోశభూతాం నౌమి శ్రీత్రిపురామహమ్ || ౧౨ ||
ఇతి ద్వాదశభిః శ్లోకైః స్తవనం సర్వసిద్ధికృత్ |
దేవ్యాస్త్వఖండరూపాయాః స్తవనం తవ తద్యతః || ౧౩ ||
భూమౌ స్ఖలిత పాదానాం భూమిరేవావలంబనమ్ |
త్వయి జాతాపరాధానాం త్వమేవ శరణం శివే || ౧౪ ||
ఇతి మాతృకావర్ణ స్తోత్రమ్ |
మరిన్ని దేవీ స్తోత్రాలు చూడండి.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
