Krishna Kruta Durga Stotram – శ్రీ దుర్గా స్తోత్రం (శ్రీకృష్ణ కృతం)


[గమనిక: ఈ స్తోత్రము “శ్రీ దుర్గా స్తోత్రనిధి” పారాయణ గ్రంథములో కూడా ఉన్నది. Click here to buy.]

శ్రీకృష్ణ ఉవాచ |
త్వమేవ సర్వజననీ మూలప్రకృతిరీశ్వరీ |
త్వమేవాద్యా సృష్టివిధౌ స్వేచ్ఛయా త్రిగుణాత్మికా || ౧ ||

కార్యార్థే సగుణా త్వం చ వస్తుతో నిర్గుణా స్వయమ్ |
పరబ్రహ్మస్వరూపా త్వం సత్యా నిత్యా సనాతనీ || ౨ ||

తేజః స్వరూపా పరమా భక్తానుగ్రవిగ్రహా |
సర్వస్వరూపా సర్వేశా సర్వాధారా పరాత్పరా || ౩ ||

సర్వబీజస్వరూపా చ సర్వపూజ్యా నిరాశ్రయా |
సర్వజ్ఞా సర్వతోభద్రా సర్వమంగళమంగళా || ౪ ||

సర్వబుద్ధిస్వరూపా చ సర్వశక్తిస్వరూపిణీ |
సర్వజ్ఞానప్రదా దేవీ సర్వజ్ఞా సర్వభావినీ || ౫ ||

త్వం స్వాహా దేవదానే చ పితృదానే స్వధా స్వయమ్ |
దక్షిణా సర్వదానే చ సర్వశక్తిస్వరూపిణీ || ౬ ||

నిద్రా త్వం చ దయా త్వం చ తృష్ణా త్వం చాత్మనః ప్రియా |
క్షుత్ క్షాంతిః శాంతిరీశా చ కాంతిస్తుష్టిశ్చ శాశ్వతీ || ౭ ||

శ్రద్ధా పుష్టిశ్చ తంద్రా చ లజ్జా శోభా దయా తథా |
సతాం సంపత్స్వరూపా శ్రీర్విపత్తిరసతామిహ || ౮ ||

ప్రీతిరూపా పుణ్యవతాం పాపినాం కలహాంకురా |
శశ్వత్కర్మమయీ శక్తిః సర్వదా సర్వజీవినామ్ || ౯ ||

దేవేభ్యః స్వపదో దాత్రీ ధాతుర్ధాత్రీ కృపామయీ |
హితాయ సర్వదేవానాం సర్వాసురవినాశినీ || ౧౦ ||

యోగినిద్రా యోగరూపా యోగదాత్రీ చ యోగినామ్ |
సిద్ధిస్వరూపా సిద్ధానాం సిద్ధిదా సిద్ధయోగినీ || ౧౧ ||

మాహేశ్వరీ చ బ్రహ్మాణీ విష్ణుమాయా చ వైష్ణవీ |
భద్రదా భద్రకాలీ చ సర్వలోకభయంకరీ || ౧౨ ||

గ్రామే గ్రామే గ్రామదేవీ గృహదేవీ గృహే గృహే |
సతాం కీర్తిః ప్రతిష్ఠా చ నిందా త్వమసతాం సదా || ౧౩ ||

మహాయుద్ధే మహామారీ దుష్టసంహారరూపిణీ |
రక్షాస్వరూపా శిష్టానాం మాతేవ హితకారిణీ || ౧౪ ||

వంద్యా పూజ్యా స్తుతా త్వం చ బ్రహ్మాదీనాం చ సర్వదా |
బ్రహ్మణ్యరూపా విప్రాణాం తపస్యా చ తపస్వినామ్ || ౧౫ ||

విద్యా విద్యావతాం త్వం చ బుద్ధిర్బుద్ధిమతాం సతామ్ |
మేధా స్మృతిస్వరూపా చ ప్రతిభా ప్రతిభావతామ్ || ౧౬ ||

రాజ్ఞాం ప్రతాపరూపా చ విశాం వాణిజ్యరూపిణీ |
సృష్టౌ సృష్టిస్వరూపా త్వం రక్షారూపా చ పాలనే || ౧౭ ||

తథాంతే త్వం మహామారీ విశ్వే విశ్వైశ్చ పూజితే |
కాలరాత్రిర్మహారాత్రిర్మోహరాత్రిశ్చ మోహినీ || ౧౮ ||

దురత్యయా మే మాయా త్వం యయా సమ్మోహితం జగత్ |
యయా ముగ్ధో హి విద్వాంశ్చ మోక్షమార్గం న పశ్యతి || ౧౯ ||

ఇత్యాత్మనా కృతం స్తోత్రం దుర్గాయా దుర్గనాశనమ్ |
పూజాకాలే పఠేద్యో హి సిద్ధిర్భవతి వాంఛితా || ౨౦ ||

ఇతి శ్రీబ్రహ్మవైవర్తే మహాపురాణే ద్వితీయే ప్రకృతిఖండే నారదనారాయణసంవాదే దుర్గోపాఖ్యానే షట్షష్టితమోఽధ్యాయే శ్రీ దుర్గా స్తోత్రమ్ |


గమనిక: పైన ఇవ్వబడిన స్తోత్రము, ఈ క్రింది పుస్తకములో కూడా ఉన్నది.

శ్రీ దుర్గా స్తోత్రనిధి

(నిత్య పారాయణ గ్రంథము)

Click here to buy


గమనిక : "శ్రీ దుర్గా స్తోత్రనిధి" పుస్తకము యొక్క ముద్రణ పూర్తి అయినది.

Did you see any mistake/variation in the content above? Click here to report mistakes and corrections in Stotranidhi content.

Facebook Comments
error: Not allowed