Read in తెలుగు / ಕನ್ನಡ / தமிழ் / देवनागरी / English (IAST)
|| pratyāvr̥ttipathavarṇanam ||
anujñātaṁ tu rāmēṇa tadvimānamanuttamam |
utpapāta mahāmēghaḥ śvasanēnōddhatō yathā || 1 ||
pātayitvā tataścakṣuḥ sarvatō raghunandanaḥ |
abravīnmaithilīṁ sītāṁ rāmaḥ śaśinibhānanām || 2 ||
kailāsaśikharākārē trikūṭaśikharē sthitām |
laṅkāmīkṣasva vaidēhi nirmitāṁ viśvakarmaṇā || 3 ||
ētadāyōdhanaṁ paśya māṁsaśōṇitakardamam |
harīṇāṁ rākṣasānāṁ ca sītē viśasanaṁ mahat || 4 ||
atra dattavaraḥ śētē pramāthī rākṣasēśvaraḥ |
tava hētōrviśālākṣi rāvaṇō nihatō mayā || 5 ||
kumbhakarṇō:’tra nihataḥ prahastaśca niśācaraḥ |
dhūmrākṣaścātra nihatō vānarēṇa hanūmatā || 6 ||
vidyunmālī hataścātra suṣēṇēna mahātmanā |
lakṣmaṇēnēndrajiccātra rāvaṇirnihatō raṇē || 7 ||
aṅgadēnātra nihatō vikaṭō nāma rākṣasaḥ |
virūpākṣaśca durdharṣō mahāpārśvamahōdarau || 8 ||
akampanaśca nihatō balinō:’nyē ca rākṣasāḥ |
atra mandōdarī nāma bhāryā taṁ paryadēvayat || 9 ||
sapatnīnāṁ sahasrēṇa sāsrēṇa parivāritā |
ētattu dr̥śyatē tīrthaṁ samudrasya varānanē || 10 ||
yatra sāgaramuttīrya tāṁ rātrimuṣitā vayam |
ēṣa sēturmayā baddhaḥ sāgarē salilārṇavē || 11 ||
tava hētōrviśālākṣi nalasētuḥ suduṣkaraḥ |
paśya sāgaramakṣōbhyaṁ vaidēhi varuṇālayam || 12 ||
apāramabhigarjantaṁ śaṅkhaśuktiniṣēvitam |
hiraṇyanābhaṁ śailēndraṁ kāñcanaṁ paśya maithili || 13 ||
viśramārthaṁ hanumatō bhittvā sāgaramutthitam |
ētatkukṣau samudrasya skandhāvāranivēśanam || 14 ||
ētattu dr̥śyatē tīrthaṁ sāgarasya mahātmanaḥ |
sētubandha iti khyātaṁ trailōkyēnābhipūjitam || 15 ||
ētatpavitraṁ paramaṁ mahāpātakanāśanam |
atra pūrvaṁ mahādēvaḥ prasādamakarōtprabhuḥ || 16 ||
atra rākṣasarājō:’yamājagāma vibhīṣaṇaḥ |
ēṣā sā dr̥śyatē sītē kiṣkindhā citrakānanā || 17 ||
sugrīvasya purī ramyā yatra vālī mayā hataḥ |
atha dr̥ṣṭvā purīṁ sītā kiṣkindhāṁ vālipālitām || 18 ||
abravītpraśritaṁ vākyaṁ rāmaṁ praṇayasādhvasā |
sugrīvapriyabhāryābhistārāpramukhatō nr̥pa || 19 ||
anyēṣāṁ vānarēndrāṇāṁ strībhiḥ parivr̥tā hyaham |
gantumicchē sahāyōdhyāṁ rājadhānīṁ tvayā:’nagha || 20 ||
ēvamuktō:’tha vaidēhyā rāghavaḥ pratyuvāca tām |
ēvamastviti kiṣkindhāṁ prāpya saṁsthāpya rāghavaḥ || 21 ||
vimānaṁ prēkṣya sugrīvaṁ vākyamētaduvāca ha |
brūhi vānaraśārdūla sarvānvānarapuṅgavān || 22 ||
svadārasahitāḥ sarvē hyayōdhyāṁ yāntu sītayā |
tathā tvamapi sarvābhiḥ strībhiḥ saha mahābala || 23 ||
abhitvarasva sugrīva gacchāmaḥ plavagēśvara |
ēvamuktastu sugrīvō rāmēṇāmitatējasā || 24 ||
vānarādhipatiḥ śrīmāṁstaiśca sarvaiḥ samāvr̥taḥ |
praviśyāntaḥpuraṁ śīghraṁ tārāmudvīkṣya bhāṣata || 25 ||
priyē tvaṁ saha nārībhirvānarāṇāṁ mahātmanām |
rāghavēṇābhyanujñātā maithilīpriyakāmyayā || 26 ||
tvara tvamabhigacchāmō gr̥hya vānarayōṣitaḥ |
ayōdhyāṁ darśayiṣyāmaḥ sarvā daśarathastriyaḥ || 27 ||
sugrīvasya vacaḥ śrutvā tārā sarvāṅgaśōbhanā |
āhūya cābravītsarvā vānarāṇāṁ tu yōṣitaḥ || 28 ||
sugrīvēṇābhyanujñātā gantuṁ sarvaiśca vānaraiḥ |
mama cāpi priyaṁ kāryamayōdhyādarśanēna ca || 29 ||
pravēśaṁ cāpi rāmasya paurajānapadaiḥ saha |
vibhūtiṁ caiva sarvāsāṁ strīṇāṁ daśarathasya ca || 30 ||
tārayā cābhyanujñātā sarvā vānarayōṣitaḥ |
nēpathyaṁ vidhipūrvēṇa kr̥tvā cāpi pradakṣiṇam || 31 ||
adhyārōhanvimānaṁ tatsītādarśanakāṅkṣayā |
tābhiḥ sahōtthitaṁ śīghraṁ vimānaṁ prēkṣya rāghavaḥ || 32 ||
r̥śyamūkasamīpē tu vaidēhīṁ punarabravīt |
dr̥śyatē:’sau mahānsītē savidyudiva tōyadaḥ || 33 ||
r̥śyamūkō giriśrēṣṭhaḥ kāñcanairdhātubhirvr̥taḥ |
atrāhaṁ vānarēndrēṇa sugrīvēṇa samāgataḥ || 34 ||
samayaśca kr̥taḥ sītē vadhārthaṁ vālinō mayā |
ēṣā sā dr̥śyatē pampā nalinī citrakānanā || 35 ||
tvayā vihīnō yatrāhaṁ vilalāpa suduḥkhitaḥ |
asyāstīrē mayā dr̥ṣṭā śabarī dharmacāriṇī || 36 ||
atra yōjanabāhuśca kabandhō nihatō mayā |
dr̥śyatē ca janasthānē sītē śrīmānvanaspatiḥ || 37 ||
yatra yuddhaṁ mahadvr̥ttaṁ tava hētōrvilāsini |
rāvaṇasya nr̥śaṁsasya jaṭāyōśca mahātmanaḥ || 38 ||
kharaśca nihatō yatra dūṣaṇaśca nipātitaḥ |
triśirāśca mahāvīryō mayā bāṇairajihmagaiḥ || 39 ||
ētattadāśramapadamasmākaṁ varavarṇini |
parṇaśālā tathā citrā dr̥śyatē śubhadarśanā || 40 ||
yatra tvaṁ rākṣasēndrēṇa rāvaṇēna hr̥tā balāt |
ēṣā gōdāvarī ramyā prasannasalilā śivā || 41 ||
agastyasyāśramō hyēṣa dr̥śyatē paśya maithili |
dīptaścaivāśramō hyēṣa sutīkṣṇasya mahātmanaḥ || 42 ||
vaidēhi dr̥śyatē cātra śarabhaṅgāśramō mahān |
upayātaḥ sahasrākṣō yatra śakraḥ purandaraḥ || 43 ||
asmindēśē mahākāyō virādhō nihatō mayā |
ētē hi tāpasāvāsā dr̥śyantē tanumadhyamē || 44 ||
atriḥ kulapatiryatra sūryavaiśvānaraprabhaḥ |
atra sītē tvayā dr̥ṣṭā tāpasī dharmacāriṇī || 45 ||
asau sutanu śailēndraścitrakūṭaḥ prakāśatē |
yatra māṁ kēkayīputraḥ prasādayitumāgataḥ || 46 ||
ēṣā sā yamunā dūrāddr̥śyatē citrakānanā |
bharadvājāśramō yatra śrīmānēṣa prakāśatē || 47 ||
ēṣā tripathagā gaṅgā dr̥śyatē varavarṇini |
nānādvijagaṇākīrṇā samprapuṣpitakānanā || 48 ||
śr̥ṅgibērapuraṁ caitadguhō yatra samāgataḥ |
ēṣā sā dr̥śyatē sītē sarayūryūpamālinī || 49 ||
nānātaruśatākīrṇā samprapuṣpitakānanā |
ēṣā sā dr̥śyatē:’yōdhyā rājadhānī piturmama || 50 ||
ayōdhyāṁ kuru vaidēhi praṇāmaṁ punarāgatā |
tatastē vānarāḥ sarvē rākṣasaśca vibhīṣaṇaḥ |
utpatyōtpatya dadr̥śustāṁ purīṁ śubhadarśanām || 51 ||
tatastu tāṁ pāṇḍuraharmyamālinīṁ
viśālakakṣyāṁ gajavājisaṅkulām |
purīmayōdhyāṁ dadr̥śuḥ plavaṅgamāḥ
purīṁ mahēndrasya yathā:’marāvatīm || 52 ||
ityārṣē śrīmadrāmāyaṇē vālmīkīyē ādikāvyē yuddhakāṇḍē ṣaḍviṁśatyuttaraśatatamaḥ sargaḥ || 126 ||
yuddhakāṇḍa saptaviṁśatyuttaraśatatamaḥ sargaḥ (127) >>
See more śrī rāma stōtrāṇi for chanting.
See more vālmīki rāmāyaṇam for chanting.
See more vālmīki rāmāyaṇē yuddhakāṇḍa for chanting.
గమనిక: ఉగాది నుండి మొదలయ్యే వసంత నవరాత్రుల కోసం "శ్రీ లలితా స్తోత్రనిధి" పారాయణ గ్రంథము అందుబాటులో ఉంది.
Chant other stotras in తెలుగు, ಕನ್ನಡ, தமிழ், देवनागरी, english.
Did you see any mistake/variation in the content above? Click here to report mistakes and corrections in Stotranidhi content.
